Hozeia 4:17 - O Mikanda Ikola

¹⁷ Ifalaíme ua di bhakula kiá ku mahamba; mu ehienu!

Hozeia 4:17 ပူးပေါင်းရင်းမြစ်များ

Jisálamu 81:12

Eme ue kiene ki nga ehela, a kaiele o kuxibhaka kua muẋima uâ, aie kuoso kua a tumu o jivondadi jâ.

Hozeia 11:2

Uila Eme ki nga jiji ni ku a exana, ene uâ kiene kia kuata kuendelela dingi ni kusondoloka bhu mbandu iami; a bhakula jisata ku jibaale, oha uasu ua dizumba ku iteka ia kusonga.

Hozeia 11:6

Xibhata ia-nda ku di ta mu jisanzala jâ, hé ia kà bula jisabhi ku mabhitu mâ, anga ia kà a jikinisa, mukonda dia jiphangu jala kuia ni ku di longesa mudiâ.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Hozeia 4:4

Ki bhuala muthu-phe u zoka, ki bhuala u bazela mukuá; mukonda o mundu ué a sokoʼâ ngó mukuâ ni ió a zoka ni nganga.

Matesu 15:14

A ehiʼenu! Ala atuameneni a ifôfo. Kifôfo-phe, se ki tuamenena kifofo ni mukuá, kiiadi kiâ a-nda kudibhala mu dikungu.

Dijingunuinu 22:11

Uoso ua bukumuka, a jijile o kubhanga kiaiibha; uoso uala kifusa, a jijile o kubhanga ufusa; uoso uaiuka, a jijile o kubhanga ima ia kuiuka; o uoso uazele, a jijile o kukala ni kuzela.