Hozeia 4:15 - O Mikanda Ikola

¹⁵ Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 4:15 ပူးပေါင်းရင်းမြစ်များ

II Malunda 17:4

Kota muene ua sota o Nzambi ia tatʼâ, iú uende mu ijila iê, kana mu ibhangelu ia Izalaiele.

II Malunda 21:11

Iu ua bhange ue matala mu milundu ia Juda; ua bhangesa akua Jeluzaleme kutondala ni akua Juda ua a bhangesa kukaiela kienhiki.

Izaía 48:1

Diembu dia Jakobo, ivenukiu, enu oso a mʼixana akua Izalaiele, enu mua tunda mbutu bhu otho ia Juda, muene kulokela mu dijina dia Jihova, muene kutumbula Nzambi ia Izalaiele, maji ki muene mu ki bhanga mu kidi ni mu uiukilu.

Jelemiia 44:26

Uila kiki, ivuenu o kizuelu kia Jihova, enuʼoso mu akua Juda mua tungu mʼoxi ia Ijitu: Talenu, eme ngi loka mu dijina diami dia dikota, eme ngi Jihova, kuila ki mungu dingi dijina diami a di tumbula kuala dikanu dia muthu ua tokala kua Juda mʼoxi ioso ia Ijitu, nʼedi: Ki kola! Jihova a nangenene!

Jelemiia 5:2

Né-mbe a zuela kuila: Jihova a kole muenhu, ni kidi kiene a loka ngó makutu.

Izekiiele 20:39

Enu-phe, tata, mu dibhata dia Izalaiele, eme ngi Jihova, ngʼambe: Ndé-nu, muthu ni muthu a kà bhikile o iteka iê, mukonda, eme, nguenu ku ngʼivua; maji-phe o dijina diami di kôla ki mu di sebulule ni maujitu enu ni iteka ienu.

Hozeia 10:5

Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Hozeia 10:8

O matala ma Avene, a-nda ku a sengulula mukonda kiene o kituxi kia Izalaiele; o ku thandu dia jikalatódio jê kua-nda kusabhuka minha ni hokokoso; ene à kʼambela o milundu, exi: Tu vunginienu! O tumilundu tuofele a kà tu ambela, exi: Lundumukinenu kuthandu dietu!

Hozeia 11:12

Ifalaíme ua ngi kondoloka ni makutu, o Izalaiele uezala ni mangonha; maji Juda hanji ala kutumina ni Nzambi, muene uala fiiele kua Ió Ukôla.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 12:11

Ngiliiade manhi ua kambe ikuma? A di bhange-phe lusebu ngó kuabhu. Mu Jidingale ala kusatela jingombe, maji jikalatódio jâ ja di bhange kala jindunji ja matadi a hatu, mu jimbondongolo ja mibhanga ku mábhia.

Hozeia 12:12

Jakobo ua lengela mu mukáu ua Sídia; Izalaiele ua bhikila ku ungamba mu kukalakela ku mu bhana muhatu, o mu kukalakela muhatu, a mu bhele kuinga ibhaku.

Hozeia 4:12

Mundu uami a zambuila ku kiximbu kia muẋi, o mbangala iâ anga ienda ni ku a lomboluela; mukonda o nzumbi ia uhabhu iala kuia ni ku a nganala, ene anga aia ni ku di kasanesa, o Nzambi iâ a mu xisa dikanga.

Hozeia 5:8

Xikenu mbungu mu Jibeia, koloneta i tende mu Lama! Kolenu nzongo mu Bet-avene! Aluka-phe eie Bejamí, kia ku iza-ze!

Hozeia 9:15

Phulu iâ ioso u i sanga mu Jidingale, muenhomo muene mu nga di kumina-nâ; o mukonda dia usuéia ua ibhangelu iâ, nga-nda ku a kaia mʼonzo iami; ki nga-nda ku a zola dingi, kana! Mukonda o ilamba iâ ioso, ala ngó athu a bhukumuka.

Amoji 4:4

Ndenu ku Betele mu bhange ima ia kutondala; ni ku Jidingale mu vudise o ikuma! Imene ioso bhekenu maujitu menu, o ku makumbi a tatu-atatu, zenu ni madijimu menu.

Amoji 5:5

Maji ki mu sote ku Betele, mba muiza bhu Jidingale, ki muie ue ku Beleseba, mukonda, o ku tanga kidi, Jidingale a-nda ku mu ambata ku ubhika, o Betele a-nda ku mu sengulula u xala kilombo ngundu.

Amoji 6:10

Se bhua kà kala muthu u zangula sekuluʼê, mba uoso u mesena ku muʼoha mbé o kutubhula ifuba bhu kanga diaʼnzu, anga uambela ió uala bhu hota jaʼnzu, uixi: Kuala dingi muthu, uala neie? Muene ua kà vutula uixi: Kana-ku muthu. Iú-phe ua kà zuela, uixi: Dixibhe! Kuma bhu tualʼabha dijina dia Jihova ki tu tena dingi ku di tumbula.

Amoji 8:14

Oso akua kulokela ku Dihamba dia Samádia, ni kuila: Kidi muene, mukua ni kiene kulaia o nzambi ié, eie Dane! mba ela: Kidi muene-ze, mukua ni kiene kulaiela kua ió uene ku ku kondeka, eie Bele-Seba. A kala kiki, a kà dibhala anga a xalela, ka kà tena dingi kubalumuka.

Efezo 5:11

Kana kukala mu kisangela kia imbamba ioio ia kitombe, ki iene ni kuima, iene mù bhanga akuenu. Kota mu kala mu ku i bazela, phala ku i bheka muazele.

Josuué 5:9

Jihova anga uambela Josuué, uixi: Lelu nga kundumuna môndo ua Ijitu ua kexile ku thandu dienu, kiki uabhu-ku. Kiene kia lukila-bhu exi bhu Jidingale, katé mu kizuua kia lelu.

Josuué 7:2

Josuué anga u katula athu bhu Jedikó, u a tuma ku Hai, kua zukama Bete-Avene, ku mbandu ia thunda ia Betele, anga u a ambela, uixi: Bandenu hanji mu londe ixi. Anga a banda a londa Hai.