Hozeia 4:14 - O Mikanda Ikola

¹⁴ Eme, anʼenu a ahatu kia bhanga uuaia, ni akaji a anʼenu ki a ta jiphànda, ki nga-nda ku a kaxtikala-ku; mbata o malʼâ ene, ni jitata jâ, a di texi ni idianzunga, o mu kubhana jisata aia kumoxi ni iuaia; mukonda o mundu ua kambe kilunji ua kʼaia mu dibuikilu.

Hozeia 4:14 ပူးပေါင်းရင်းမြစ်များ

I Jisobha 15:12

Mbata muene, o minzangala ia jindumbu ja mala i bhanga o isunji, mu ixi ua i katuile-mu, anga u katula ue o mahamba moso ma bhangele o jitata jê.

II Jisobha 23:7

Anga u bula ue ni jinzu ja jikuala, ja tele o minzangala ia mala ia ufusa mʼonzo ia Jihova, mbé ahetu kuenda ni kutungilamu jibalaka phala o dihamba dia muxitu.

Jisabhu 28:5

Athu a bhumu, o uendelu ua ngonge ia kuiuka, ki utena ku a jimbulukila; maji oso-phe a sota Jihova, ima ioso ia tetulukila kiambote.

Izaía 1:5

Ngi mi betelaʼhi dingi, se hanji mua-nda kuẋinukenunu? Mítue ienu ioso iezala uhaxi; o miẋima ienu ioso ia botomoka.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 56:11

Ômbua jenhiji jala jingandixi, ki jene kuikuta; o ene ala abidi ka tongolola kima; ene-oso a vutukila jinjila jâ, kala muthu usuua nganhu iê, kala muthu ku mbandu iê.

Daniiele 12:10

Athu avulu a kà a bhuisa o dixidilu dioso, a kà a zelesa, ni ku a teza; maji akua phulu a kà jijila kubhanga dingi phulu mu phulu iene, kuma akua phulu né ngó umoxi ka kà tena kutetuluka; maji oso ala jinjimu, kia kà a tetulukila muene.

Hozeia 14:9

Mukuaʼhi uala ni kuijiia, nʼa tongolola ima iii? Nanhi muene uala njimu, ima iii na tena ku i ijiia? Mbata o jinjila ja Jihova ja iuka, athu ambote muene mua kala mu kuendela, maji akua kutondala-phe muenhumu a sanga-mu ibhalu.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Hozeia 4:17

Ifalaíme ua di bhakula kiá ku mahamba; mu ehienu!

Hozeia 5:4

Ngua-uâ kuiukisa o ikalakalu iâ phala nʼa vutukile kua Nzambi iâ; mbata o nzumbi ia undumbu iene iala muaxaxi kâ, o Jihova a tokoka ku mu ijiia.

Amoji 2:7

Ngadiama, ua tate, ene a mu fufujula o mútue mu mavu; o njila ia athu a lenduka a i bhengeleka; anga ela ni tata ni mona a bokona kilumba kiâ kimoxi, mbebhu kuxingisa o dijina diami di kôla.

Amoji 7:17

Mukonda dia kienhiki Jihova uambe kiki: Muhatuʼé ua kà kituka kidianzunga mu mbonge; anʼé a mala ni anʼé a ahetu, a kà di bhala ku xibhata; o ixi ié a kà i uana-uana ni mukolo, eie-muène ua kà fuila mʼoxi ia kasana, ia xidi; o Izalaiele, ni kidi muene, a kà muʼambata koxi iengi ia dikanga mu ubhika.

Dialuilu 25:3

Izalaiele kifua a di bande kua Baale-peole; njinda ia Jihova anga i uama ia kuatela Izalaiele.

Nzuá 8:43

Enu-phe, mua kambela-hi kuívua o uzuelelu uami? Mukonda maka mami nguenu ku a evua.

Loma 3:11

kana-ku muthu uejiia, kana-ku muthu u sota Nzambi.

I Kolindo 6:16

Inga ki mu kʼ ijiia kuma o diiala uoso u di banda ni kidianzunga u di bhanga-nê mukutu umoxi? Kuma a ki soneka mu Mikanda Ikôla, exi: Ene kiiadi kiâ a kala xitu imoxi.

Efezo 4:18

Kuma ala athu a vundu mu ilunji. Mbata ene a sanduka ku muenhu u tunda kua Nzambi, mukonda dia kutobha kuala moxi diâ, ni mukonda dia kukola o miẋima iâ.

Matendelelu 23:17

Muʼaxaxi ka ilumba ia Izalaiele ki mu kale idianzunga, o muʼaxaxi ka minzangala ia mala ue, ki mu kale ku di ta mituta ni akuá, mu anʼa Izalaiele.

Jihebeleu 12:8

O ki kala mua kambe ku mi longa, kala kiene ku a bhanga o ana oso a Nzambi, ki muala-phe mu anʼê angene, maji mu anʼa katumba.