Hozeia 4:11 - O Mikanda Ikola

¹¹ O uhabhu, ni vinhu ni maluvu, a katula kilunji.

Hozeia 4:11 ပူးပေါင်းရင်းမြစ်များ

Jisabhu 20:1

O vinhu i bheka ulaji, uálua ua lulu u bheka jinzaia; o uoso u di texila mu ima ienhiʼii, u biluka kiôua kia hatu.

Jisabhu 31:4

Lumuuele, tata, jingana ki kia a fuama o kúnua vinhu, anʼa jingana ala kutumina ki kia a fuama o kusola makunua ma kodiuisa.

Jisabhu 6:32

Maji o uoso u ta phanda ni muhatu, ua kambe kilunji; kuma mu ku ki bhanga, ua-lu jikinisa o muenhu uê.

Ndongixi 7:7

Ni kidi kiene, o muthu ku mu bhikisa, ki bhekesa malaji katé ni ku jinjimu, maji o kutambula nduta kuzanga o muẋima moxi.

Izaía 28:7

Maji ni athu enhá ue, a tondala mukonda dia vinhu; a lueza o njila mukonda dia uhôlua ua lulu kinéne, enda ni ku bhendujuka; katé o nganga ni musesedi a tondala ue, mukonda dia uhôlua ua lulu kinéne; o vinhu ia a jikinisa; a jimbila o njila, kingumba o kúnua uhôlua ua lulu; a tondala mu ixinganeku, a di bhukajana mu kilunji.

Izaía 5:12

Mu izokola iâ usanga ni tukóxi, ni tumbânza, ni tungoma, ni jingaieta ni vinhu; kene kusuua kikalakalu kia Jihova, mba ku tongolola ufunu ua ikalakalu ia maku mê.

Jelemiia 23:13

Mu jipolofeta ja Samádia nga di uana-mu lusebu; a kuata ku zambuila kua Bahale ia a luezesa o mundu uami ua Izalaiele o njila.

Hozeia 4:12

Mundu uami a zambuila ku kiximbu kia muẋi, o mbangala iâ anga ienda ni ku a lomboluela; mukonda o nzumbi ia uhabhu iala kuia ni ku a nganala, ene anga aia ni ku di kasanesa, o Nzambi iâ a mu xisa dikanga.

Hozeia 5:4

Ngua-uâ kuiukisa o ikalakalu iâ phala nʼa vutukile kua Nzambi iâ; mbata o nzumbi ia undumbu iene iala muaxaxi kâ, o Jihova a tokoka ku mu ijiia.

Hozeia 7:11

Ifalaíme ue uedi kala diembe dia kilalu, kilunji kala na-kiu; a di tenda kua Ijito, aia ni ku di texila kua Asídia.

Ijila 10:9

Kana kúnua vinhu, mba kúnua kuoso-kuoso ku kodiuisa, né eie mba o anʼê oso u uala-nâ kioso ki muia mu balaka ia kutakanena, phala ki mu fue; ki kala kijila ku miji ienu ioso katé ku hádia ni hádia;

Luka 21:34

Mu ku zubha, Jezú uixi: Alukenu-phe, ki mu di jimbe! Miẋima ienu ni i biluke ia neme ni kúdia jifesa, ni kunua uhôlua, ni makubhindama ma muenhu iú, kizuua kiókio ni ki mi tukumuise kala mubhetu.

I Samuuele 25:36

Abingaile anga uiza dingi kua Nabale, u mu sanga ua-lu bhanga fesa ia dikota mʼonzo iê, kala kizokola kia sobha. Nabale muene muẋima uê moxi ua mu tana, kuma ua kodiua kiavulu; mukonda dia kiki muene ka mu tangela kima, né kiofele né kionéne, katé ki kuákie.