Hozeia 4:10 - O Mikanda Ikola

¹⁰ O mundu kudia, a dia, maji a kà lémbua kuikuta; a kà di bhakula muene mu kubhanga undumbu, maji ka tena kusokoloka; mukonda a ditunu kusuua Jihova, ni ku mu bheza.

Hozeia 4:10 ပူးပေါင်းရင်းမြစ်များ

II Malunda 24:17

Maji kioso kia fu Joiada, o adiakimi a Juda eza anga a fukamena sobha, sobha anga ua evua.

Jisálamu 125:5

Maji o ió oso-phe a xi njila, mu kuila njila jengi jabhengalala, Jihova ua kà a kokela kumoxi ni ati a ituxi; o ku thandu dia Izalaiele-phe ku kale paze.

Jisálamu 36:3

Maka ma dikanu diê ufe, ni makutu; o kukala ni kilunji ni kubhanga mbote, ua ku lémbua.

Jisabhu 13:25

Muthu uambote, udia anga nhu uê uikuta; maji o divumu-phe dia akua phulu, di dia ngó ki dʼikuta.

Jelemiia 34:15

Leluʼidi-phe enu mua diela, ku ima iambote i mua bhange bhu mesuʼami, mu ku kola o ufolo muthu ni mukuá; enuʼenu phe mua tele ue kikutu bhu pholo iami, mu dibhata diexana mu dijina diami.

Jelemiia 9:12

Nanhi muene o njimu a tongolole kiki? Mukuahi a mu tangela maka kuala dikanu dia Jihova, nda a tene ku ki kunda? oxi ia buikilaʼhi kala kiki, i i ia jokota mukuá ni kikangalakata, mu mua bhingi né ngó muthu u bhitamuʼé?

Izekiiele 18:24

Maji, o muthu ua iuka se u bhambuka mu kuiuka kuê, hé u ta ituxi, ni kubhanga isunji ioso kala ki bhanga mukua phulu, muthu ió mbe u kola muenhu? Makuiuka ê oso muene a bhanga jinga ki bhuà kala ku a xinganeka dingi; mu kutondala kuê kua tondala na-ku, ni mu kituxi kiê kia-te, muène mua kà fuila.

Izekiiele 22:9

O iiala ia hame ue ia kexile momué, phala kuzunza manhinga; momué muene mua dila jinga ku milundu; muʼaxaxi kê muene mua bhangela jinga o phulu.

Hozeia 4:14

Eme, anʼenu a ahatu kia bhanga uuaia, ni akaji a anʼenu ki a ta jiphànda, ki nga-nda ku a kaxtikala-ku; mbata o malʼâ ene, ni jitata jâ, a di texi ni idianzunga, o mu kubhana jisata aia kumoxi ni iuaia; mukonda o mundu ua kambe kilunji ua kʼaia mu dibuikilu.

Hozeia 7:4

Ene oso muene ala ati a jiphànda; a difangana ni forno iouike kuala mubhangi-a-jimbolo, hé u zumbuka kiá kuphopha túbhia, nʼa kinge o dikende dia masana ni felemendu katé ki di nana.

Ijila 26:26

O kioso eme ki nga-nda ku mi sondolola o huta ia kúdia, bhuala-phe o kuinhi dia muhatu mbolo iâ a i kangela forno iâ imoxi, anga i bhinga ku i uanena ku pezo; bhenhobho-phe o ki mudia ki muikuta.

Mikeia 6:14

Ua kà dia, maji ua kà lémbua kuikuta, o nzala ia kà ta kibuta mʼonzo ié, (moxi dié mua ká kuizala ni sonhi); ku jimbote ji u mona, ua kà kala ngó u muzangi, kubhake kana; o ioso i ua kà bhaka, eme nga kà i bhakula ku xibhata.

Sofoniia 1:6

ni iá a xisa kuendela mu njila ia Nzambi, ni iá aditunu kusota Nzambi mba kuibhula dingi kua muene.

Ajeu 1:6

Mu kuna nzungule, mu bhongolola idima iòfele; mu dia muene, maji mu lémbua kuikuta; mu nuenu muene, maji dinhota dienu ki di bhu; o kuzuata mu zuatenunu muene, maji mbambi ienu ki ibhu, kuma ki mu tema; ni ió u kalakala, kia tambula o futu iê ku kizuua, u i tambuila mu saku ia kubuka.