Hozeia 4:1 - O Mikanda Ikola

¹ Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Hozeia 4:1 ပူးပေါင်းရင်းမြစ်များ

I Jisobha 22:19

Bhenhobho Mika, uixi: Ivua-phe o kizuelu kia Ngana: Nga mono Jihova ua xikama bhu kiandu kiê, ni kifuẋi kioso kia diulu, kiemana bhu mbandu iê ku lukuaku luê lua kúdia ni ku lukuaku luê lua kiasu.

Jisálamu 81:9

Ki bhu kale nzambi iengi muʼaxaxi kenu, kana kufukamena nzambi ia matumbu.

Izaía 1:10

Enu muedi kala o ilôlo mu Sodoma, ivenu kizuelu kia Jihova; bhanenu mátui ku kitumu kia Nzambi ietu, enu muala kala o mundu ua Ngomola, tata!

Izaía 1:18

Izenu-phe kiá, mu ngi sambulule, eme Jihova. Né-mbé ituxi ienu ia kusuka kala husu, ia-ndu zela mukuâ ni neve (o kikulakaji); né-mbé iedi nguí kala hundu, iila muene phalatatá mukuâ ni kindemba kia mbudi izela.

Izaía 28:14

Kala kiki-phe, ivuenu kizuelu kia Jihova, enu mu akua kubhanga kasekelelu, mu jinganga ja kutumina o mundu iú uene mu Jeluzaleme.

Izaía 34:1

Bhiẋilenu kunu, mu ifuẋi, phala kuívua, enu ue mu mundu, ividilenu: Ivua eie u ixi ni ima ioso iene-mu, eie u mundu ni ima ioso-lolo idivualamu.

Izaía 34:8

Kuma-phe kiene o kizuua kia phonzo ia Jihova, uene o muvu ua kufuta o jinguma joso jene mu kuzoka ni Ziione.

Izaía 5:3

Kiki-phe enu akua-bhata mu Jeluzaleme, nʼenu mu akua Juda, nga mi diondo, tu fundisienu hanji nʼeme ni díbhia diami dia muvide.

Izaía 59:4

Ki bhuala muthu u dikola mu ku sota kulûnga, kana-bhu ue muthu u tukuluka mu kufunda phala kusota o kidi, a di-fiiala kingoho, o kuzuela kuâ o makutu; emita milonga, avuala ikuma.

Izaía 59:8

Njila ia kutululuka a lémbua ku ijiia, mu makànda mâ ku sange-mu kutetuluka; o njila jâ ja kubhengalala a di bhangela-ju ene-muène, uoso uendelamu ka tena kumona dinhohenu.

Izaía 66:5

Ivenu kizuelu kia Jihova, enu oso muala ni uoma ua kizuelu kiê; jiphange jenu, oso a mi zemba, ia ene ku mi takujula dikanga mukonda dia dijina diamiʼeme, exi: Jihova a mu fumanese; mbebhu tu mone o kusanguluka kuenu, maji eneʼô-phe sonhi ja-nda kua kà a kuata.

Jelemiia 11:7

Mbata nga lokele kinéne ku jitata jenu, mu kizuua ki nga a katuile mʼoxi ia Ijitu, katé mu kizuua kia lelu, nga kuata o ku di meneka ni ku loka, ngixi: Bhanenu matui ku dízui diami.

Jelemiia 19:3

U zuele, uixi: Ivenu kizuelu kia Jihova, enu mu jisobha ja Juda, ni akua bhata mu Jeluzaleme: Jihova dia Ilombo Ieta, Nzambi ia Izalaiele, uambe kiki: Talenu, nga-nda kubheka hadi ia dikota bhu kididi kiki, o uoso-uoso uanda ku ivua, mu mátui mu-ia ni ku mu diʼtaiela.

Jelemiia 2:4

Ivenu kizuelu kia Jihova, enu dibhata dia Jakobo, nʼenu mu madiembu moso ma dibhata dia Izalaiele.

Jelemiia 2:9

Kala kiki nga-nda ku-zoka nʼenu, eme ngi Jihova; katé ni ana a anʼenu hadia ngi zoka-nâ.

Jelemiia 25:31

Kinuminu kia kà bhixila katé kua sukuʼoxi, mukonda Jihova ua kuata mvunda ni akua jixi, xitu ioso ua kà funda na-iu; athu a ibha ua kà a bhakula ku xibhata, kiene kiambe Jihova.

Jelemiia 34:4

Né kieneʼokio, kizuelu-phe kia Jihova ivua-kiu eie Zedekiia, sobha ia Juda; Jihova-phe uambe kiki kokué, uexi: Kua-nda kúfua ku xibhata.

Jelemiia 4:22

Ni kidi kiene o mundu uami a dianguka, ka ngijiia dingi; a di bhange mizunda ia ana, ka dimuka kana; ala ngó ni unjimu ua ku bhanga phulu, kejiiâ kubhanga mbote, lémbue.

Jelemiia 4:28

O kiki kia-nda ku didisa oxi, o madiulu bhulu a-nda kuvunda; kuma kiene ki nga zuela, kiene ki nga kane, ki nga tolola dingi o thulu (kudiela), ki nga-nda ku ki lungulula dingi.

Jelemiia 5:4

Eme-phe ngixi: Kia kidi kiene o iá ene o jingadiama ja jisemenhiʼiji: malaji ahatu, kuma kejiia njila ia Jihova, ni ubatuilu ua Nzambi iâ.

Jelemiia 51:5

Mukonda Izalaiele ni Juda ka ehelela luua kuala Nzambi iâ, kua Jihova dia Ifuẋi, némbe hanji oxi iâ izala ni ikuma bhu pholo ia ió Ukola mua Izalaiele.

Jelemiia 6:13

Kuma tundé ku ndenge jâ, tulé ku dikota, ene oso muthu ni muthu a di bhakula ku luimbi lua kitadi; tundé ku polofeta katé ku nganga, a jijila midimu ia makutu.

Jelemiia 7:28

Eie ua kà ambela uixi: O kiki kiene o kifuxi kia lembua ku bhana o mátui ku dízui dia Jihova Nzambi iâ, ka xikina kuivua kibazu: Kidi kia jimbidila, mu kanu diâ kiòkatule-mu.

Jelemiia 9:20

Ivenu-ze, enu, mu ahatu, o kizuelu kia Jihova, o matui menu ma tambule kizuelu ki tunda mu kanu diê; nda mu longe anʼenu a ilumba o kudila, kala kilumba a longe mukuá o ku-ta jingololo.

Jelemiia 9:3

Oleka o dimi diâ kala uene o mufula uâ, mu kuta o makutu; a di suinisa maji ki phala o kidi, kana: mukonda a muia dingi ku pholo ni kubhanga usuéia mu usuéia, eme a lémbua ku ngʼijiia, Jihova ua ki tange.

Jelemiia 9:7

Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Izekiiele 16:35

Kala kiki, eie u Kidianzunga, ívua o kizuelu kia Jihova.

Hozeia 12:2

Jihova hádia uiza mu kufundisa ioso iene mu kubhanga Juda; o Jakobo a kà mu bhana kaxtiku kala kia fuama o uendelu uê; a kà mu futa muene kala kia fuama o ibhangelu iê.

Hozeia 12:3

O kia kexi hanji mu divumu ua naminine mu kasènde ka phangʼiê, o kia bhixila kiá mu ukota, mu kuvula nguzu ua bhânge ni Nzambi.

Hozeia 5:1

Ivuenu-kiu, enu mu jinganga; batekelenu, enu mu dibhata dia Izalaiele; enu ue, mu mbèle ia muenexi, bhanenu mátui, kuma mulonga iú ua mi tokala enu; mbata enu mua di bhange mu dibhèbhe mu Mixipa, muedi kala uanda ua di zale ku thala ia mulundu ua Tabole.

Hozeia 5:4

Ngua-uâ kuiukisa o ikalakalu iâ phala nʼa vutukile kua Nzambi iâ; mbata o nzumbi ia undumbu iene iala muaxaxi kâ, o Jihova a tokoka ku mu ijiia.

Jouele 1:2

O kiki ivuenu-kiu enuʼoso mua kuka kiá! Ividilenu enuʼoso mua tungu mu ngongo! Kiki kia bhiti mu izuua ienu? inga ni mu izuua ia jitata jenu ue?

Amoji 3:1

Ivenu kizuelu kia Jihova, uala kuzuela mu kuzoka ni enu, mu anʼa Izalaiele, enuʼoso mu muiji nga mi tombola mu ixi ia Ijitu, kuamba:

Amoji 7:16

Kiki-phe, ivua kizuelu kia Jihova: Eie uixi: Izalaiele kana ku mu zambuila kiaiibha, kana ue kubazela o dibhata dia Izake.

Mikeia 6:2

Enu mu milundu ivuenu, ni enu madisesa ma ixi ma kuata kiambote, kuma Ngana ua kuata mvunda ni Kifuẋu kiê, iu ua-nda kufunda ni Izalaiele.

Nzuá 8:55

Eme-phe nga mu ijiia. Se ngambele kuma ki nga mu ijiia, ngeju kala ngi mukua makutu, kala enu. Eme-phe nga mu ijiia, eme ngʼ aiuka o maka mê.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

Dijingunuinu 2:11

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, kalunga ka kaiadi ki kà tena ku mu kuama.

Dijingunuinu 2:29

Kala kiki, uoso uala ni dítui, évue kioso o Nzumbi ia Nzambi kia jimbuila o Jingeleja!