Hozeia 3:5 - O Mikanda Ikola

⁵ O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Hozeia 3:5 ပူးပေါင်းရင်းမြစ်များ

I Jisobha 12:16

Izalaiele ioso-phe kia mono kuma, sobha ka a bhana mátui, athu oso a mu vutuila, exi: Mbandu iahi i tuala na-iu ni Davidi? Kua monʼa Jese kana-ku undundu uetu, Ndé ku jifundu jenu, eie u Izalaiele! Kindala soka ni dibhata dié, eie u Davidi. Bhenhobho Izalaiele ioso a di muangena ku jifundu jâ.

Izaía 17:7

Bhu kizuua kieneʼokio, muthu ua kà ta muẋima kua Mubhangi uê, mesu mê ma kà talela kua Dilemba dia Izalaiele.

Izaía 2:2

Anga kia kà bhita-phe kuila: Mu izuua ia kà sukidila-ku, o mulundu kua tungu o inzu ia Jihova, ua kà beta kuzangalala o milundu ioso ni tumilundu tuofele, ndenge; o ifuẋi ia jixi joso ia kà lengela kué muene.

Izaía 2:3

Miji iavulu, ia kèza anga ia kà zuela: Zenu tu bande ku mulundu ua Jihova, kuʼbhata dia Nzambi ia Jakobo, phala a tu longese kioso kiene o jinjila jê, nda tuendele mu jihoka jê; mbata kitumu kia kà tunda mu Ziione, maka ma Jihova ma kèjiia mu Jeluzaleme.

Izaía 60:5

Eie-phe ua kà ki mona anga u benha ni kusanguluka, muẋima ué ua kà sasumuka, anga u sanzumuka; mbata jinzungule jene mu kizanga kia kalunga ja kà bilukila kokué, o maumvuama ma akua-jixi joso ma kà ku kana éiʼmuene.

Izaía 9:13

Hanji-phe, o mundu iú ki u xikina kutolokela uoso ua mu beta, mba a sota Jihova dia Ilômbo Ieta.

Jelemiia 23:5

Jihova uixi: Talesenu, kua-nda kuiza izuua, Davidi nga kà mu balumuina Mbutu ia Iuka; kuma muene sobha, ua kà tumina hé u bhanduluka kiavulu, anga u bhanga ima ia tokala ubatuilu ua kidi ni uiukilu mu ngongo

Jelemiia 30:24

Ki ia kà vutuluka kuema, o njinda ia kutema kua Jihova, katé ki ia kà zubha ku bhanga ni ku kumbidila ioso ia muʼindi muẋima uê; kienhiki, ku zubhilu dia izuua, kia-nda ku mi tombolokela kiambote.

Jelemiia 30:9

maji a kà bhikila Jihova, Nzambi iâ, ni Davidi, sobha iâ, nga-nda ku a balumuina-nê.

Jelemiia 33:17

Mbata Jihova uambe kiki, uixi: Davidi ki mungu dingi ku mu kamba mona ua diiala u xikama bhu kiandu kia dibhata dia Izalaiele.

Jelemiia 33:9

Mbonge iii ia kà kituka dijina diami dia kusanguluka, ni diximanu, ni fuma, mu kaxi ka miji ioso kulu-dia-mundu, oso evua mbote ioso ni kutululuka kuoso ku nganda ku mu bhana.

Izekiiele 16:63

mbé uie ni ku ki lembala, sonhi jende ni ku ku kuata, mu ima ioso i ua bhange, phala kioso ki ngi diʼondolola nʼeie, ki mungu dingi u jikula dikanu mukonda dia jisonhi—kiene kia tange Jihova Nzambi.

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!

Izekiiele 38:8

Mbata kia-nda kubhita izuua ia vulu, a-nda ku ku zungila; o ku zubhilu dia mivu ua kʼèza mu ixi iôtambule ku xibhata, i ia tundu muʼaxaxe ka ifuẋi iavulu mu ku di bhongoluela ku milundu ia Izalaiele ia xalele jinge jingùndu; maji-phe o ixi ioio a i katula muene muʼaxaxe ka ifuẋi, o kiki-phe ene oso a-nda kutunga ni kukondama.

Daniiele 10:14

O kiki ngeza ku ku ijidisa kioso kia-nda kubhita na-kiu o mundu ué, mu izuua i sukidila-ku; mbata kisuma kiki, kia mu tanga ima ia kʼèza ku hádia.

Daniiele 2:28

Sai-ku Nzambi ku diulu, muene mukua kujingununa ijinganu ioso; muene-phe ua-tumu kuijidisa sobha Nabukodonozolo kioso kia-nda kuiza-ku mu izuua ia sukidila-ku; o nzoji ié ni isuma i ua diuana ki uele ku kilu bhu hama ié, ienhiʼii:

Hozeia 1:11

O anʼa Juda-phe ni anʼa Izalaiele a kà di phopha bhuamoxi, anga à kala kiá ni dikota dimoxi; anga a ka tomboka kʼoxi, hé a banda mu jixi; mbata o kizuua kia Jezelele kia-ndu kala kiónene.

Hozeia 11:10

Ene a kʼenda ni kukaiela jinga Jihova; muene ua-nda kukoma kala hoji; o kia koma, tuana tuoso tuene ku mufuila-kumbi a kʼèza ni kuteketa.

Hozeia 5:15

Anga ngi katuka, hé ngi vutuka ku bhata diami, katé kia-nda kumona kuila a zange, anga a sota o pholo iami; mu kuila a bhondalala kiá, a-nda kudimeneka ku ngi sota.

Hozeia 5:6

Eneʼá à kʼ aia ni Jimbudi jâ ni jingombe jâ mu kusota Jihova; maji a kà tokoka ku di mona-nê; mukonda Jihova ua a tundu kiá bhu mbandu iâ.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Amoji 9:11

Mu kizuua kieneʼokio-phe, balaka ia Davidi ia dibhalele, nga kà imika dingi, mazungu mê nga kà a xita, jingundu jê nga kà ji balumuna dingi, nga kà i tunga kala mu izuua ia xahulu.

Mikeia 4:1

Mu izuua-phe ia kà sukidila-ku, kia kà bhita kuma, o mulundu ua inzu ia Jihova a kà u tula bhu zoko-zoko bhua suku o milundu ioso, o tumilundu tuoso ua kà tu somboka, tu xala muene bhoxi, o ifuẋi ioso anga ia kà bhongolokela kueneʼoko.

Dialuilu 24:14

Kiki-phe, ngiia kiá koʼkuetu; imana-phe, ngi ku tangele kioso o kifuẋi kiki ki kia kà bhanga ku kifuẋi kié izuua ia hádia.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 2:4

Inga eie ua mu tobhesa o jinzungule ja kulenduka, ni kudixibha, ni kuxididika kua Nzambi? Eie ua kʼ ijiia kiambote kuma o Nzambi ua lenduka, ni kuila muène ua mesena ku ku sunga mu kudiela.

Matendelelu 4:30

O mu kaẋi ka dilamba dié, mu kuila uíndua ua kutula kiá, ima ioso iii ia kuiza, ku ua kà sukʼoko ua kà lungulukila kiá kua Jihova Nzambi ié, anga ua kà mu tumaka dingi o dízui diê.