Hozeia 3:4 - O Mikanda Ikola

⁴ Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Hozeia 3:4 ပူးပေါင်းရင်းမြစ်များ

Dimatekenu 31:19

Kienhiki-phe kuma Labano ku bhata kala-ku, uaii mù bhuta o jimbudi jê, Lakele u nhana o iteka ia tokala mʼonzo ia tatʼâ.

Dimatekenu 31:34

Lakele-phe ua dianga kukatula o iteka, iú ua i sueka mu dikombola dia kamelo, iú ua i xikama ku thandu. Labano anga u xaxata o ima ioso iala mu balaka maji o iteka ka i mono.

Dimatekenu 49:10

Mbasá ia ungana ki ia ka sondoloka kua Juda, o muiji uê ki ua kʼàbhua kijingo kia kutumina; katé bhua kʼèjila Mukunji a-nda ku mu tumikisa, ua bhingi a mu tumaka kuala o ifuẋi ioso.

II Samuuele 6:14

Davidi anga u kina, bhu pholo ia Jihova ni nguzu ioso; Davidi ua zuata efodi ia linhu.

II Jisobha 23:24

Joziia ua zubha-ku ue o akua kuzambula, ni aloi, ni mahamba a vumu, ni iteka, ni maufusa oso a di monekena jinga mʼoxi ia Juda, ni mu Jeluzaleme, phala kukuatesa o maka a kitumu, òsoneke mu divulu dia bongo Hilikiia, o nganga ia dikota, mʼonzo ia Jihova.

II Malunda 15:2

Muenʼiú anga u tunda, uia mu kutakana ni Aza, u muʼambela, uixi: Enu Aza, ni Juda dioso ni Bejamí ngʼivienu! O Jihova uala ni enu, kiosuʼiki enu muala ni muene; se mu mu sota, mua-nda ku mu sanga; o ki muʼila mu mu xa, muene ue ua-nda ku mi xa.

Makatukilu 28:4

O izuatu-phe ia ka iudika, ienhiʼii: Ni kixita-thulu ni efodi, ni mbinza, ni divunga dia makembu, ni kijinga, ni phonda; a kà iudika izuatu ia kuzela ni kuiuka phala phange ié Alá ni anʼê a mala, phala a ngi kalakele ku unganga.

Makatukilu 28:6

O ki u iudika efodi, i kala ia ulu, ni azulu, ni pulúpula, ni kalumezim, ni linhu ia fina iòuinde, ufunu ua mesene ia mulongo.

Kuditenda 2:9

Imabhitu iê ia lundumuka bhoxi, ii ia di lâmbela koxiʼa mavu ku ia lundumukina; o jisabhi jê muene ua ji bukujula ni jitalanga jê; ni sobha iê ni ilamba iê, iá nanga kiá muʼaxaxi ka ifuẋi iengi, mua bhingi ki muene dingi kitumu mba kubazela; o muenhomo jipolofeta jê, ki ji kala dingi ni lumono lua Jihova, lémbue.

Izekiiele 19:14

O ku luthangu luê lumoxi kua tundu túbhia tuoha o ibundu iê, katé ki kuala dingi luthangu ngó lumoxi lua kolo lu tokala kukala mbasá ia kutumina na-iu. Kuku kuene o ku di tenda kua kà xalela-ku.

Izekiiele 20:32

O kia mʼiza ku muẋima uenu, ki mungu kia-nda kubhita, ki mua mu kuila muexi: Tua mesena kukala mukuâ ni akua jixi jengi, kala o miji mu ngongo, a mu bhikila o miẋi ni matadi.

Izekiiele 21:21

Mukonda o sobha ia Babilonha, kia-nda ku tula bhu jiphambu, ua kʼèmana bhu thala dia njila jiiadi jojo, mu kuzambula: O misongo iê ua kà i zuikila bhenhobho, uibhula ku iteka ia bhata diê, hé uia ni kuividila mu mala.

Izekiiele 21:31

Hé nga kà lundulula o njinda iami ku thandu dié, o mu kuzoka nʼeie nga kà bhusila o túbhia tua kutema kuami kokué, anga ngi ku bhakula bhu maku a iiala ia handamana, athu ejidila kujibha, akua kufunha kibuika.

Daniiele 11:31

Anga kuakèza makuenze ku mu banda, anga kididi kiangene kikôla, kia nguzu, a ki kasanesa; jisata ja izuua ioso a ka ji bhuisa-ku, anga a kà bhinganesa-bhu kisunji ki buidisa mundu.

Daniiele 12:11

Mu kutunda bhu kumbi dia kubhuisa-ku o sata ia izuua ioso nʼa ta-ku o kisunji ki buidisa o mundu, bhua kà bhita midi, ni hama jiiadi ni makuinhiʼvua a izuua.

Daniiele 9:27

Muenephe ua kà ta kikutu ni athu a ndumba mu semana imoxi; semana-phe iiza ngó mu kaxi, jisata u ji bhuisa-ku ni mibhaku ia musa; o ua kà bhanga isunji ioso iii-phe, muene ue kua kà mu iza mubuikixi, anga a mu lalumuna kienhiki katé kiá bhu dizubhilu; o kioso kiòxinde anga à ki lundulula ue ku thanduʼa mubuikixi muene.

Hozeia 13:10

Kindala-phe o sobha ié iú kuebhi, phala mu jimbonge jé joso nʼende ni ku ku langa? O afundixi é ala kuebhi, u ua bhingile, uixi: Ngibhienu sobha ni ilamba?

Hozeia 13:11

Mu njinda iami nga ku bhele sobha, o kia ngi kuata kutema nga ku katula-iu.

Hozeia 2:11

O kusanguluka kuê kuoso nganda ku ku bhuisa-ku, ni jifesa jê, ni mbeji jê ja thethama, ni jisabalu jê, ni mabhongolokelu mê moso ma izuua ia jifesa.

Ijila 8:7

Anga u mu zuika divunga, u mu kuta ni phonda, u mu zuika o mbinza, u ta-ku ni efodi, u mu kuta dingi ni phonda ia makembu anga u mu iudika kiambote.

Zakadiia 10:2

Kuma o iteka mʼonzo izuela kingoho; akua kutaha ngombo a zambula makutu ni kutanga jinzoji ja ku tobhesa na-ju akuâ; o kiela ku konda malamba, kingoho kiene; kienhiki kiene kia bhekesa kuila athu aia ni kuenda ngó kala jimbudi, ezala ni dilamba, mukonda a kambe kabhila.

Zakadiia 13:2

Bhu kizuuʼokio-phe, kia kà kala kiki: Kuma majina ma iteka mu ngongo nga kà ma bhuisa-mu; o iteka ki bhuà kala dingi uoso u i xinganeka, Jihova dia Ilombo Ieta ua ki tange. Ni jipolofeta ja makutu mu ngongo nga kà ji kaiesa-mu, ki ja kà kala-mu dingi; ni nzumbi ioso ia ufusa ue ia kà tunda.

Luka 21:24

Mundu anda kubuila ku mazu a xibhata; amukuá kuia ku ubhika mu jixi joso. Jeluzaleme-phe ia kà xala mu ku i titidila kuala akua jixi jengi, a kambe kuijiia Nzambi, katé kia kà bhua o thembu ia akua jixi jengi.

Nzuá 19:15

Ene-phe a di kola, exi: Aie-nê; Aie-nê! Aie-nê, ku dikulusu! Pilatu ua ambela, uixi: Sobha ienu, kífua muandala ngi mu ta ku dikulusu? Makota ma jinganga, exi: Etu ki tuala ni sobha iengi! Sobha ietu Sézalu ngó, kuabhu!

Jihebeleu 10:26

Mbata se o ituxi tu tona ku i ta ku luelu, ku thandu dia ku tu ijidisa o kidi, sata ia tokala ituxi ia xala-ku, ki i moneka dingi.

Afundixi 17:5

Diiala dienhidi, Mika, anga u kala ni inzu iê ia jinzambi; u iudika ni efodi ni jitelafini, u xingidisa monʼê umoxi ua diiala mu ku kala nganga iê.

Afundixi 18:14

Bhenhobho malʼatanu a diangele kuia kulónda ixi ia Laixi, ambela akuâ, exi: Mua kʼijiia kuma mu jinzu jojo muala efodi, muala telafini, muala ue ni kiteka kia iudika mesene ia kuzunza; o ki tualʼiki xinganekenu kioso ki mua tokala kubhanga.

Afundixi 8:27

Ngidiione anga u iudika na-u efodi, u kala na-iu bhu bhata diê, bhu Ofila; Izalaiele ioso anga i sendukila bhu bhata diê bhenhobho; anga ki di bhanga kutondala kua Ngidiione, ni kua dibhata diê.

I Samuuele 14:3

Ni Ahija monʼa Ahitube, phangʼia Ikabode, monʼa Finehase, monʼa Eli, nganga ia Jihova bhu Silo, iú bhobho, ua zuata efodi. Mundu-phe ka kʼijiia kuila Jonata ua tundu-bhu.

I Samuuele 15:23

Kuma o kuxibhaka mukuâ ni kituxi kia uoloji; o kubhukumuka, mukuâ ni kudianguka ni iteka mba kubheza mahamba mʼonzo. Kaia kiki, mukonda eie ua ditunu kuíva o kizuelu kia Jihova, muene ue ua ditunu ku ku bhaka ku usobha phala ku kale dingi ku ungana.

I Samuuele 2:18

Samuuele anga u kala mu xibhidila bhu pholo ia Jihova, hanji monandenge muene, ua zuata efodi ia linhu.

I Samuuele 21:9

Nganga-phe, uixi: Mukuale ua Ngoliia mukua Fidíxia, ua mu jibhidile eie mu honga ia Elá, iu-ê-iú, uófute mu dituaia kuema dia efodi; ki u u mesena, tambula-u, kuma uene ngó uala-bhu, kana-bhu uengi. Davidi uixi; Uenhó-phe ki uala mukuâ; ngi bhane-u.

I Samuuele 22:18

Muenexi anga u ambela Doueki, uixi: Bhixila eie, u kitukile jinganga. Doueki, mukua Edomo, anga u bhixila, u balukila jinganga, muene anga u jibha kizuua kienhokio makuinhi nake a muthu ni kitanu, ene oso jinganga a zuata efodi ia linho.

I Samuuele 23:6

Kioso-phe kia lenge Abiiatale, monʼa Ahimeleke, anga u sanga Davidi ku Keila, uejiia kumoxi, ni efodi ia kuata bhu lukuaku.

I Samuuele 23:9

Davidi anga u kʼijiia kuma Saúlo uala ku mu kanena ku mu bhanga kiaiibha! Anga u ambela nganga Abiiatale, uixi: Beka kunu efodi.

I Samuuele 30:7

Davidi anga u ambela nganga Abiiatale, monʼa Ahimeleke, uixi: Nga ku diondo, efodi ngi bhekele-iu kunu. Abiiatale anga u bheka efodi kua Davidi.