Hozeia 3:2 - O Mikanda Ikola

² Anga muhatu ngi mu sumba muene mu kuinhi ni itanu dia xikulu ia itadi ia phalata, ni homele imoxi ia sevada ni kaxaxi.

Hozeia 3:2 ပူးပေါင်းရင်းမြစ်များ

Dimatekenu 31:41

Nga bhange kienhiki makuinhi aiadi a muvu osoʼâ mu bhata dié; nga ku bhikila mu kuinhi dia muvu ni iuana mu kulemba anʼé aiadi a ahatu, mivu isamanu mu kunganhala ibhaku; maji eie, o futu iami i tua bângana, ua i lungulula lukuinhi luosʼulu.

Dimatekenu 34:12

Né mua ngi xindi kilembu kiahi kiosuʼiki, ni ujitu, ngi i bhana muene ioso i mua zuela; kabasa mua ngi bhana kilumba ku mu sakana.

Makatukilu 22:17

Maji se o phaʼiâ nguê muene ku mu bhana-ne, kiene kimoxi u bhana kitadi kala ki ene kulemba ilumba.

Izaía 5:10

Kuinhi dia kibelebele dia mivide, dia kà bhané ngó kizongelu kimoxi kia batu; o ua kunu homele ia mbutu, u munʼé ngó efa imoxi, toka!

Izekiiele 45:11

O efa ni batu i kala kizongelu kimoxi, katé kiela o batu mu ku i zonga i tena kakuinhi ka homele; o efa ue i tena kakuinhi ka homele; kioso kia soko o homele kiene ki kala o nzòngo iê.

Hozeia 3:3

Eme nga mu ambela, ngixi: Eie ua-nda kukala nʼeme izuua ia nzungule; kana kuta dingi jiphanda nʼu di bhange dingi u kiuaia; kua-ndu kala dingi u muhatu ua diiala diengi; kiene ue eme ki nga-nda kukala phalʼeie.

Ijila 27:16

Se bhu kala muthu ulumbila dikaẋi dia mukáu kuê kua Jihova, eie-phe o ki u ta o suilu, ulekulala izongelu ia mbutu ioso isoka o ku bhuila-mu: Se mukáu ubhuila homele ia muvimba ia sevada, mukáu ió suilu iê makuinhi atanu aʼxikulu ja phalata.

Lute 4:10

Ni Lute mukua Mouabhe, mukaji a Mahalone, nga mu lembe lelu kukala mukaji ami, phala ngi xalese dijina dia difundu mu undundu uê, phala dijina dia difundu ki di bhue-mu ni di jime mu jindandu jê, ni bhu kanga dia dibhata diê. Enu-phe mu jimbangi kizuua kia lelu.

I Samuuele 18:25

Saúlo anga u zuela, uizi: Davidi mu mu ambela kiki: Muenexi ka mesena kilembu mukonda ua mesenʼé ngó hâma ia inhûnga ia akua Fidíxia, mu ku mu vutuila phonzo ku jinguma jê. Saúlophe ua zuela kiki mukonda ua fika kuma Davidi ua-nda ku dibhala bhu lukuaku lua akua Fidíxia.