Hozeia 2:9 - O Mikanda Ikola

⁹ Kala kiki, eme ngiʼzó, phala bhu thembu ia tokala, ngi mu tambula o masa mami, bhu thembu ia tokala o kubela kuê; ngi mu tambula o maluvu ami a kúmua; nga-nda kuolola ue o lâ iami, ni linhu iami, ia kexi kudivungila O tuẋi iê.

Hozeia 2:9 ပူးပေါင်းရင်းမြစ်များ

Izekiiele 16:27

Kala kiki, tala-ze, kiene ki nga sununuina o lukuaku luami ku thandu dié, eme nga sosolola o dikânda dié; eme nga ku bhakula ku vondadi ia iá oso a ku zembe, ana a ilumba mu Fidíxia, ió a kexi mu kala ni jisonhi ja njila ié-eie ia ufusa.

Izekiiele 16:39

Anga ngi ku bhakula bhu maku mâ, inzu ié ia undumbu a kà i lundumuina bhoxi, o ididi ié ia di-leka a kà i sengulula, hé a ku zula o izuatu ié, o makembu mé ma ku kemba-nâ a kà ku tambula-u, hé a kà ku xa tuẋi-a-thakala, ua zuluka muene, ua xala ngó.

Izekiiele 23:26

Eie ue o izuatu ié a kà ku zula-iu, o ima ié ia makembu a kà ku tambula-na-iu.

Daniiele 11:13

Mukonda o sobha ia ku suku uanda kuvutukila-ku anga u tula dingi kifuẋi kionéne mu kanga, o kia diangediʼokio ndenge, o ku dizubhilu dia jithembu, mivu muene, ua kʼèza lusolo ni kilômbo kia dikota ni nzungule ia umvuama.

Hozeia 2:3

Mbé eme ki ngi-ze ku mu zula, ni ngi mu tadike kala bhu kizuua kia mu vualele, hé ngi mu bhanga kala kikangalakata, ngi mu kitulula kala oxi ia kukuta, anga ngi mu fuisa ni dinhota.

Hozeia 8:7

Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.

Hozeia 9:2

Maji ni dizanzu dia kuanekena o tiliku ni ditangi dia kukamena vinhu ki dia kà bhana huta i dikila muthu, o maluvu a ka mi kamba.

Jouele 2:14

Nanhi ua kijiia kuila muene ualulukê nʼa diela, phala kuema diê nʼa kʼàxa-ku kizediuise mu mibhaku ia makúdia ni makúnua phala Jihova Nzambi ienu?

Sofoniia 1:13

Mukonda dia kiki, mabhata ma enhó a kà ma bhûnda, o jinzu jâ ja kâ muangana. A kà tunga jinzu, maji ka kà zeka-mu; a kà dima mábhia ma mivide, maji hadi ia ngó, vinhu iê ka kà inua.

Malakiia 1:4

Né hanji Edomo uala kubanza, kuila: Sumbala a tu sengulula kiua, maji hanji, jingùndu tua kà tona dingi ku ji tunga lua mukuá. Maji-phe, Jihova dia Ifuẋi uambe kiki: Ene némbé a tunga, eme nga-nda ku a sengulula muene; a kà a luka, exi: Ixi ia isuéia; athu a di zemba ni Nzambi, katé njinda iê ia a uamena ku thandu diâ mu thembu joso.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.