Hozeia 2:8 - O Mikanda Ikola

⁸ Mbata muene, ki kia mu tetulukila kuma eme nga mu bhele o masa, ni maluvu a kúnua, ni maji; eme nga mu vudixile o phalata ni ulu, ia zangela kua Baale.

Hozeia 2:8 ပူးပေါင်းရင်းမြစ်များ

I Malunda 29:16

Jihova, Nzambi ietu, o ima iavulu kiki i tua iudika phala ku ku tungila dibhata mu Dijina diê dikola, ia tunduʼê bhu lukuaku luê, o iene ioso iê-Eie.

Jobe 19:8

O njila iami muene ua i xiti, nga lémbua kubhita; o mu tu njila tuami ua te-mu kuvunda ni kitombe.

Izaía 1:3

O ngombe iejiia ngana iê, o bulu ue iejiia mu kidilu kia mu tela ngana iê; maji Izalaiele dia mundu uami ua xiti mu thulu, kifuxi kiami kʼejiia kima.

Izaía 46:6

A zanga o ulu mu ngonga, o phalata bhu pezo; a futila na udivi; muene anga u iudika-ku nzambi; hé a i diundila, a i bheza.

Jelemiia 7:18

O ana a ẋanga jihuinhi, o jitata anga ji uika o túbhia, o ahatu-phe a toxa fuba ia tiliku phala kubhanga jimbolo ja kusatela mvuale ia diulu, ni kubhakula mubhaku ua makúnua ku jinzambi jengi, phala ku ngi lokalala o njinda.

Izekiiele 23:41

Eie ua xikama ku hama, ia iuka kiambote, ia kijingu, ia kexile bhua lulama ni meza òzale; o ku thandu dia mesa eie ua tula-ku o uasu uami ua dizumba ni majiʼami.

Daniiele 3:1

Sobha Nabukodonozolo, anga u iudika kiteka kia ulu, o kitala kiê makuinhi asamanu a kóvado, o kubumba kuê kua kóvado jisamanu; ua kʼimika mu dinhana dia Dula, mu sengo ia Babilónia.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Hozeia 10:1

Izalaiele ua di bhange muvide ua di zandela, uala kuima ngó ibundu phala muene; kia vulu ibundu iê, kiene ue kia di vudixila jikalatódio jê; kala kia uabha oxi iâ, kiene ue kia di iudikila o iteka iâ ia matunda.

Hozeia 13:1

Mʼokulu kioso Ifalaíme kia zuela jinga, athu a teketa; anga u kala muene ni ditala dia kijingo mua Izalaiele; maji muene-phe ua di bhale mu kuêla kua kubheza Baale anga ufua.

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Hozeia 2:5

Kuma mamʼâ ua te jiphànda; ió uoso ua emitine ua bhange isunji; o ujitu uoso ua di katula-u; mukonda muene uambe, uixi: Eme nga-nda kulandula o jisaii jami, ene mu ngi bhana o mbolo iami, ni menha ami, a ngi bhana o lâ ni linhu iami, a ngi bhana o majiʼami ni maluvu a kúnua.

Hozeia 4:11

O uhabhu, ni vinhu ni maluvu, a katula kilunji.

Hozeia 8:4

Ene-phe a hingisa jisobha, kana ni eme, kuma ki eme nga ji solo: a di tela ilolo, eme sè ku kiʼjiia; a katula ku phalata iâ ni ku ulu uâ, ia a di iudikila iteka, phala ku di buikisa.

Habakuke 1:16

Anga, mukonda dia kiki, uanda uê u u satela, o kibhongoluelu kiê u ki ohela ima ia mazumba, kuma ni imʼiii mbandu iê ia jingi kiengi, o kúdia kuê kua vulu dingi.

Luka 15:13

Kia bhiti tuizuua, o ndenge u bhongolola ioso, anga u katuka njila ia kuia ixi ia dikanga. Kuenioko anga u zanga-zanga itadi iê mu ulaji.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Matendelelu 8:18

Kana-phe! Inda mu lembalala jinga, kuma Jihova Nzambi ienu muene ua mi bhana o nguzu ia kumona o kuzediua kuosʼuku; ua ki bhangela-phe phala kuxikika o kikutu kia lokele ku jitata jenu kala ki kia di monekena leluʼidi.

Afundixi 9:27

Anga aia ku mábhia, a muna mivide iâ, a titidila jiuva mu ditangi, a keta vinhu anga a kala mu bhanga kizokola, a bokona mʼonzo ia nzambi iâ, o mu fesa, Abimeleke enda ni ku mu longolola ni ku mu xinga.