Hozeia 2:23 - O Mikanda Ikola

²³ Izalaiele nga kà mu phapha mu ngongo phala eme; Lo-Luhama nga kà mu kuatela henda, ió ka mu kuatelele henda ia kima; Lo-Ammí, ió ka kexile povo iami, nga kʼèla kiá: Eie u povo iami; o muene ue ua kʼèla: Eie u Nzambi iami.

Hozeia 2:23 ပူးပေါင်းရင်းမြစ်များ

Jisálamu 118:28

Eie-eie u Nzambi iami, eme ngi ku sakidila jinga muene; eie-eie u Nzambi iami, eme ngi ku jîngisa jinga.

Jisálamu 22:27

Katé ku maẋokololo a jixi athu a xinganeke, a vutuke kua Jihova; mbutu joso ja athu, eze a bheze bhu pholo iê.

Jisálamu 68:31

Ku Ijitu hinu ku tunda ilamba eza mù dionda; o Itiópia kindala u sunununa o maku mê kua Nzambi.

Jisálamu 72:16

Mu ngongo mu kale nzungule ia masa katé ni ku thandu dia milundu; ixina iê i kale mu lokosa kala muxitu ua Libano; athu mu jimbonge joso a kale mu fuafua kala iangu mu mukáu.

Mukumbi ua Mikumbi 2:16

O kazola kami, uami; eme ue, ngi uê (nga mu tokala muene). O kilunga kiê u ki disila mu kaẋi ka itulu ia jihonga.

Izaía 44:5

Muenhú ua kèla: Eme nga tokala kua Jihova; mukuá ua kà di-luka dijina dia Jakobo; mukuá dingi uà di-soneka ni lukuaku luê, uixi: Eme ngi mukua-Jihova, muiji uami ua tambula o dijina dia Izalaiele.

Jelemiia 16:19

Jihova tata, u kimbaka kiami, u nguzu iami, u disuamu diami mu kizuua kia phaxi! Matumbu-ze a-nda kuiza kokué, tundé ku maẋokololo ma ixi, anga ela: Mbé jitata jetu a lunduile ngó makutu, ni kingoho ki kuala kubhanduluka kua kima.

Jelemiia 30:22

Enu-phe mua kà kala mu mundu uami, eme nga kà kala ngi Nzambi ienu.

Jelemiia 31:27

Tala, izuua í iza, Jihova ua ki tange, ki nga-nda ku kuna dibhata dia Izalaiele ni dibhata dia Juda ni mbutu ia athu ni mbutu ia iama.

Jelemiia 32:38

Ene a kà kala athuʼami, eme ngi kala ngi Nzambi iâ.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Izekiiele 36:29

Kienhókio nga kà mi kula ku maufusa menu moso; hé nga kʼèxana o kúdia ni ngi ku sokolola, ki mungu dingi mu kala ni nzala ku thandu dienu.

Hozeia 1:6

Anga muhatu u imita luamukuá, hé u bhanduluka monʼa muhatu. Nzambi anga u ambela Hozeia, uixi: Mu luke dijina dia Lo-Luhama; kuma o diembu dia Izalaiele ki ngi tona dingi ku di kuatela henda, ni kukuata kuia ni ku a loloka; maji iene ioso nga kà a katula na-iu.

Hozeia 8:2

Hádia a-nda kudikola ko kuami, exi: Nzambi iamiʼé! etu tu akua Izalaiele tua ku ijiia.

Zakadiia 10:9

Eme nga kà a muangena muaxaxe ka akua jixi, o kuenhoko, ku makanga kuaii, hanji a kà ngi banza; a kà laia ni kulonga tuana tuâ hé a kèza dingi.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Zakadiia 14:16

Kieneʼokio, ene oso a subhuka ku miji ioso iejile mù-lua ni Jeluzaleme, a kà banda muvu ni muvu phala kubheza Jihova dia Ifuẋi, o sobha, ni kubhanga ue o fesa ia jifundu.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Zakadiia 2:11

Bhu kizuuʼokio miji ia ndumba ia-nda kua kà bhongolokela kua Jihova, anga a kà kala kifuẋi kiami; hé nga kà tunga muʼaxaxi kè-eie, anga ua kà kʼijiia kuila Jihova dia Ilombo muène-muene ua ngi tumikisa kokué.

Malakiia 1:11

Kuma tunde bhu tundila dikumbi katé bhu di fuila, o Dijina diami dia kà kala kima kionéne ku miji ioso. Mu ididi ioso Dijina diami a kà di ohela uasu ua dizumba ni ku di bhela jisata ni maujitu mazele kiambote. Mukonda Dijina diami dionéne mu miji ioso. Kiene kia tange Jihova dia Ifuẋi.

Loma 3:29

Kifua o Nzambi ua tokala ngó ni Jijudé kuabhu? Nzambi ka tokala ue ni akua jixi jengi? Kiene muene! Nzambi ia akua jixi jengi ue.

Tiiaku 1:1

Eme Tiiaku, selevende ia Nzambi, ni ia Ngana Jezú Kristu, nga tumu kumenekena o kuinhi dia muiji ni kiiadi ia muanganena mu jixi joso.