Hozeia 2:16 - O Mikanda Ikola

¹⁶ Anga kia kà bhita mu kizuua kiókio, kiambe Ngana, eie ua kà ngʼila kiá: “Muadi uami”, kua kà ngiʼxana dingi: “Baale diami”.

Hozeia 2:16 ပူးပေါင်းရင်းမြစ်များ

Dimatekenu 34:3

Muxima uê anga u naminina kua Dinah, monʼa Jakobo ua muhatu, u zola kilumba kienhiki, o kia mu mono ua luuala, u mu zuelesa ni henda.

Izaía 40:2

Jeluzaleme mu tedienu maka ma mu kuatekesa muẋima moxi; mu tangedienu kuamba dinhengena dié diabhu-ku, kikuma kiê kiololoke kiá; o ituxi iê ioso, ua i tambuila kiá luiadi ku lukuaku lua Jihova.

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Jelemiia 3:14

Bilukenu, enu mu ana a ẋinuka, Jihova ua ki tange; mbata eme nga-nda ku mi sakana, anga ngi mi katula iú ku mbonge iii, kiiadi ku muiji ua mukuá; hé nga kà mi ambata ku Ziione.

Izekiiele 20:35

Hé nga kà mi bheka mu kikangalakata kia akua jixi; muenhomo muene mu nga-nda kua kà funda ni enu, pholo ni pholo.

Hozeia 2:7

Phala o muene kia kèla ngi kaiela o jisaii jami, ka tena dingi ku di bonga-nâ; uila u a sota, maji utokoka ku a sanga; bhenhobho-phe anga uila uixi: Ngi vutuka, nga kʼàia kua munumeʼami ua diangele; mukonda, o mʼokulu, nga betele kuzediua ni muene, o kiki kana.

Nzuá 3:29

Mu ukaza, uoso uala ni dibhanga, muène nga-iala. Dikamba-phe dia ngaiala, ua mu imanena ngó ni ku mu ívua, u sanguluka kiavulu, mukonda dia kuívua dízui dia nga-iala. Eme uami ki ngʼ ívua ioso ia-lu bhita, kuene o kuzediua kuami, kua ngi soko.

II Kolindo 11:2

Nga mi kuatela muene difuba, kala difuba dia mi kuatela Nzambi. Nga mi te iambu, ngandala ku mi bheka kala muhatu ua ujitu, ua monʼa kilumba kua muadi uenu umoxi, muène Kristu.

Dijingunuinu 19:7

Tu tanienu, tu sanguluke kiavulu! Tu ximane o unéne uê! Kuma o kithangana kia ukaza ua Kambudi kieza-bhu, o dibhanga diê ua di polondala kiá!

Afundixi 19:3

Muadi uê anga u balumuka, u mu kaiela, mbé kuzuela-nê kiambote, ni ku mu bheka dingi mʼonzo; u enda ni kaiala kê, ni bulu jê jiiadi. Anga u sanga muhatu, o muhatu muene u mu bheka mʼonzo ia tatʼâ; o uavu monʼê ua muhatu kia mu mono, u mu tambula kiambote.

Lute 2:13

Lute anga u mu ambela, uixi: Ngi bonge kisangu-sangu ku mesu mé, ngana iami, mukonda ua ngi bhuisa hele, ngi kahatu ké; kuma ua ngi zuelesa ni henda, sumbala o ilumba ié iamukuá eme ki ngi di fika-nâ.