Hozeia 2:15 - O Mikanda Ikola

¹⁵ Bhene-phe bhu nganda ku mu bhela dingi o mábhia mê, ni dikôlo dia Akole ngi mu bhana-diu, di kala muelu ua ku mu dielelesa. Bhenhobho ua kà kala mù kuimba, mukuâ ni mu izuua iê ia unzangala, uila kala bhu kizuua kia bandele mu kutunda ku Ijito.

Hozeia 2:15 ပူးပေါင်းရင်းမြစ်များ

I Jisobha 16:31

Anga ki bhita kuma (kifua ua fika kima kiofele kia bhange, kia kuenda mu ituxi ia ta jinga Jelobouamu, monʼa Nebate) u taku dingi o kusakana hanji ni muhatu a mu ixana Jezabele, monʼa Etibahale, sobha ia akua Sidonha; anga uia mu kubhikila o kiteka kia Bahale, ni ku ki fukamena bhu pholo iê.

Jisálamu 106:12

Bhenhobho a xikana kiua o maka mê; anga emba hanji ni ku mu ximana.

Jisálamu 129:1

A ngi huha muene luavulu ni ku ngi talesa hadi tunde mu undenge, Izalaiele a ki zuele kiá!

Izaía 65:10

Salone ua kà dí-bhanga kibhanga kia jimbudi, o dikôlo dia Akole dinangu dia ibhaku, phala athuʼami a ngi soto.

Izaía 65:21

Ene-phe a kà tunga jinzo, anga a kala-mu; a kà dima milenga ia mivide, anga a kà dia idima iê.

Jelemiia 2:1

Kizuelu kia Jihova anga ki ngi sanga,

Jelemiia 2:2

kixi: Nde, ua kà handekele mu mátui ma Jeluzaleme, uixi: Jihova uambe, kiki: Nga ku lembalala, ni mbote ja unzangala ué, ni jihenda jé ja ubhanga, ni kioso ki ua ngi kaiejela jinga mu kikangalakata, mu ixi ki i xikina ku i kuna.

Jelemiia 29:11

Kuma ixinganeku ioso i ngala ku mi xinganeka na-iu, nga ijiia kiambote muene, eme ngi Jihova, ixinganeku ia uembu, ki ia phulu, kana, nda ngi mi bhane dizubhilu di muene ku kinga.

Jelemiia 3:4

Ki ualʼiki, ua lembua ngó katé bhu ueza-bha, o ku di tenda kokuami, kuamba: Tata iami! Eie u musonguedi uami, tua tunduʼdi undenge?

Jelemiia 32:15

Mukonda Jihova dia Ifuẋi, Nzambi ia Izalaiele, uambe kiki: Hádia hanji anda kusumba jinzu, ni mikáu ni mábhia a mivide mu ixi mumu.

Kuditenda 3:21

Maji eme-phe, ngala kuila o ki ngi lembalala kima kiná, nguzu iza dingi.

Izekiiele 16:22

O mu maufusa é oso, ni mu maundumbu mé, ua lémbua kuxinganeka o izuua ia unzangala ué, kioso ki ua kexile tuẋi-a-thakala, ua zula, ua di dimbula mu sangi ié.

Izekiiele 16:60

Maji-phe né kienhókio, eme o kikutu kiami ki nga-ta ni eie mu izuua ia unzangala ué, hanji nga-nda kua kà ki banza muene, hé nga kà ta dingi ni eie kikutu ki nangenena.

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.

Izekiiele 28:25

O Jihova Nzambi, uambe kiki: kioso eme ki nga-nda kubhongolola o dibhata dia Izalaiele, mu kaxi ka ifuẋi mua di muangena, eme anga ngi di kôlesa muʼaxaxe kâ, bhu pholo ia akua jixi, kuabhu-phe, kienhókio a-nda kua kà tunga mu ixi iâ i nga bhana kua mubhikʼami Jakobo.

Izekiiele 28:26

A kà tunga momo ni kukondama, a tunga a soma, anga a kà bhanga mabhata, a kà kuna mivide; kiene muene, a kà tunga ni kukondama, kioso eme ki nga-nda kufundisa ene oso a muia ni kunhana mu jimbandu jâ; hé a kà kʼijiia kuila eme ngi Jihova, ngi Nzambi iâ.

Hozeia 11:1

Izalaiele kioso kiala hanji kamona ka ndenge, Eme nga mu zolo kiá; o mu Ijitu muene mu ngexanena monʼami.

Hozeia 12:13

Maji Jihova-phe ua tumine o polofeta iú ua tombola Izalaiele ku Ijitu, o ku lukuaku lua polofeta kuene kua kondekela jinga o mundu uê.

Hozeia 12:9

Maji eme-phe, tunde mʼoxi ia Ijito, eme ngi Jihova Nzambi ié; hanji eme nga-nda ku ku bhangesa kuzekela mu jifundu kala bhu izuua ia jifesa.

Hozeia 13:4

Sumbala kiene, hanji tunde koxi ia Ijito, eme Jihova Nzambi ié; kala kiki, kana ku di tambulula dingi ni nzambi iengi nʼu ngi xi eme, mbata ki kuene dingi Mubhuludi uengi, kale eme-muène ngó.

Hozeia 2:12

O mivide iê ni mifiku iê nga ka i buikisa, ioio iambe muene, uixi: lene o futu iami ia ngi bhana kuala o jisaii jami. Eme-phe nga-nda ku i kitula mixitu, anga iama ia mukáu ia kà i dia.

Amoji 9:14

Nga kà katula ubhika ua uhutile ku kifuẋi kia mundu uami ua Izalaiele, jimbonge joso ja bilukile jingundu, ene a kà ji tunga dingi, muene mua kà kala; kia kà dima mivide, vinhu iê a kà i nua muene, kia kà bhanga imbu, ibundu i tunda mu imbu iâ a kà i dia muene.

Zakadiia 9:12

Anga ngʼambela, ngixi: Vutukenu mu kimbaka, enu sumbala a mi kutu maji hanji muala ni kudielela; lelu dienhidi ngi mi tangela kuila imbamba ienu ioso nga-nda ku mi vutuila-iu mu luiadi.

Dialuilu 21:17

Bhenhobho Izalaiele emba mukumbi uâ, exi: Imbilenu-kiu! Fuafua, u kixima,

Nzuá 10:9

Eme ngi dibhitu. Se muthu u bokuena ko-kuami, u bhuluka. Muenhó u bokona, u tunda, u sanga jinga iangu.

Jipoxolo 14:27

O kia zubha kutula ni kubhongolola o Ngeleja, a a kunda ima ioso ia bhange Nzambi ni ene. A a kunda ue kioso Nzambi o njila ia kuxikana, kia i jikuila o matumbu.

Josuué 7:26

Ku thandu diê anga a lunjika-ku ndumba ia dikota ia matadi. Katé ni lelu iá bhobho. Jihova anga u bateka kiua njinda iê. Kiene kia bhangesa o kididi kiókio ku kʼixana exi, Honga ia Akole, katé mu kizuua kia lelu.

Afundixi 8:34

Anʼa Izalaiele anga a fula kuxinganeka Jihova Nzambi iâ, ua a kudila jinga bhu lukuaku lua jinguma jâ, ku mbandu ni mbandu;