Hozeia 2:14 - O Mikanda Ikola

¹⁴ Talesa, eme-phe nga-nda ku mu sunga, anga ngiia-nê ku mukáu mu kikangalakata, o kuenhoko anga ngi mu tela maka ma mu sungisa kilunji, a mu tula mu muẋima.

Hozeia 2:14 ပူးပေါင်းရင်းမြစ်များ

Dimatekenu 34:3

Muxima uê anga u naminina kua Dinah, monʼa Jakobo ua muhatu, u zola kilumba kienhiki, o kia mu mono ua luuala, u mu zuelesa ni henda.

Jobe 36:16

Kienhiki eie ue, ua mu sota ku ku katula bhu dikelengu dia mukondo phala ku ku bheka bhu kididi kia zanze, bhua kambe kima ki ku phopheka, o mákudia ku meza mé anga a kʼèzala ni maji.

Mukumbi ua Mikumbi 1:4

Ngʼambate, tuie lusolo, kokué. Sobha ua ngi bokuesa mu xilu diê. Tua kà sanguluka, tua kènda ni kutanena momué; O henda ié tua kà beta ku i xinganeka o vinhu ndenge; kiene kia ku zolela oso a iuka o miẋima.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 5:5

Ngi mʼijidise-phe kindala kioso ki nga kane kubhanga o díbhia diami dia muvide: Kikanzo kiê ngi ki muanga, nda di kale kiá dikêla dia ibhaku; o kipena kiê ngi ki lundumuna, nda a ki titidile.

Jelemiia 16:14

Uila kiki, Jihova uambe, talesa, kua-nda kuiza izuua, o kiki kà ki tanga dingi, kia kuila: Jihova u kola; Ua bandesa ana a Izalaiele koxi ia Ijitu.

Jelemiia 2:2

kixi: Nde, ua kà handekele mu mátui ma Jeluzaleme, uixi: Jihova uambe, kiki: Nga ku lembalala, ni mbote ja unzangala ué, ni jihenda jé ja ubhanga, ni kioso ki ua ngi kaiejela jinga mu kikangalakata, mu ixi ki i xikina ku i kuna.

Jelemiia 45:4

Eie-phe u mu tangela kiki: Jihova uambe, uixi: Tala, kioso ki nga tungu, ngi ki bula; o kioso ki nga phaphe, ngi ki vuza; kienhiki muene mu ixi ioso muenhumu.

Izekiiele 20:10

Eme nga a katula muene mʼoxi ia Ijitu, eme ngaii-nâ mu kikangalakata.

Izekiiele 20:33

Kikola! Eme ngi Jihova Nzambi! Kuma ni lukuaku lua nguzu, ni lukuaku luòlama, ni ku mi lunduluila o njinda, nga-nda ku mi tumina muene.

Hozeia 2:3

Mbé eme ki ngi-ze ku mu zula, ni ngi mu tadike kala bhu kizuua kia mu vualele, hé ngi mu bhanga kala kikangalakata, ngi mu kitulula kala oxi ia kukuta, anga ngi mu fuisa ni dinhota.

Mikeia 1:7

Iteka iê ioso iobhange ni maku a ka i bukujula, ni itadi ioso i a mu futu ku maufusa mê a kà ioha mu túbhia, mahamba mê moso nga kà ma bhuisa-ku mukonda ua a sumbu ni kitadi kia undumbu ué, mʼa kà biluka mukuâ ni futu ia muhetu ua kidianzunga.

Mikeia 4:10

Eie tala hanji hadi ni misusu ni ikalakalu, eie u monʼa Ziione ua muhatu, ni phaxi ni lamba kala ià ió uala ni mika ia kuvuala; mukonda kindala mu sanzala ua-nda kutunda-mu, ua kà tunga ku mukáu anga ua kʼèza katé ku Babilonha. Kueneʼoko-phe kuene ku ua kà bhandulukila; kueneʼoko kuene kua kà ku kudila Ngana, bhu maku ma jinguma jé.

Nzuá 12:32

Eme se a ngi zangumuna bhoxi, ngi sunga athu oso ko-kuami.

Nzuá 6:44

Kana muthu u tena kuiza ko-kuami, se Tata ua ngi tumu u kamba ku mu sunga; eme-phe ngi mu fukununa mu kizuua kia kà suka-ku.

Dijingunuinu 12:14

Muhatu anga a mu bhana mabhabha maiadi ma holokoko ia dikota, phala a bhite bhulu katé mu kikangalakata bhu kididi kiê, bhua mu dikila mu thembu, ni jithembu, ni kaxaxe ka thembu, phala a suamene o pholo ia Kinhoka, kʼaie dingi ni ku mu asa.

Dijingunuinu 12:6

O muhatu anga u lengela mu kikangalakata, mua kala o kididi kiê kia mu iudikila Nzambi. Hé a kala mu ku mu dikila kuenhoko mu midi ia kizuua ni hama jiiadi ni makuinhi a samanu.

Afundixi 19:3

Muadi uê anga u balumuka, u mu kaiela, mbé kuzuela-nê kiambote, ni ku mu bheka dingi mʼonzo; u enda ni kaiala kê, ni bulu jê jiiadi. Anga u sanga muhatu, o muhatu muene u mu bheka mʼonzo ia tatʼâ; o uavu monʼê ua muhatu kia mu mono, u mu tambula kiambote.