Hozeia 2:1 - O Mikanda Ikola

¹ Phange ienu ia diiala, mu lukiʼenu Ami (Mundu-Uami); ni phange ienu ia muhatu, mu lukiʼenu Luhama (A-tu-kuatela-henda).

Hozeia 2:1 ပူးပေါင်းရင်းမြစ်များ

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

Jelemiia 31:33

Maji o kiki kiene o kikutu ki nga-nda kuta ni bhata dia Izalaiele, kia-nda kúbhua o izuuʼoio, Jihova ua ki tange: Nga kà ta o kitumu kiami mu thulu iâ, nga kà ki soneka muene ku muẋima uâ; eme nga kà kala ngi Nzambi iâ ene a kà kala mundu uami.

Jelemiia 32:38

Ene a kà kala athuʼami, eme ngi kala ngi Nzambi iâ.

Jelemiia 51:5

Mukonda Izalaiele ni Juda ka ehelela luua kuala Nzambi iâ, kua Jihova dia Ifuẋi, némbe hanji oxi iâ izala ni ikuma bhu pholo ia ió Ukola mua Izalaiele.

Izekiiele 11:20

Mbhebhu aie ni kuenda mu jingonge jami, ni alunde o mabatuilu mami, nʼende ni ku a bhanga; ene hé a kà kala kiá mundu uami, eme ngi kala ngi Nzambi iâ.

Izekiiele 36:11

Hé nga kà sokolola athu ni ibhaku ku thandu dienu, ene hé a ka di sokolola ni ku di vualulula; anga ngi mi tungisa kala mʼukulu, anga ngi bhangesa dingi kuila o kikexilu kienu ki beta dingi o kukala kiambote, ku dimatekenu dienu ndenge; anga mu kʼijiia kuila eme-ʼeme ngi Jihova.

Izekiiele 36:28

Hé mua kà tunga mu ixi i nga bhana ku jitata jenu, enu anga mu ngi kala mu mundu uami, eme ngi kala ngi Nzambi ienu.

Izekiiele 37:27

O balaka iami ia kà kala ni ene, emeʼeme ngi kala ngi Nzambi iâ, o ene a kà kala ene o mundu uami.

Hozeia 2:2

Mamʼenu mu bazedienu, mu bazedienu, mbata muene ki muhatuʼami dingi kana, eme ue ki ngala dingi ngi munumiʼê; maundumbu mê a ma tule, phala a mu bhue ku mesu, ka jijile dingi jiphànda bhu jitulu jê.

Hozeia 2:23

Izalaiele nga kà mu phapha mu ngongo phala eme; Lo-Luhama nga kà mu kuatela henda, ió ka mu kuatelele henda ia kima; Lo-Ammí, ió ka kexile povo iami, nga kʼèla kiá: Eie u povo iami; o muene ue ua kʼèla: Eie u Nzambi iami.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

II Kolindo 4:1

Mukonda ia kiki, etu ki tu kala ni usudi, kuma o Nzambi, mu henda iê, muène ua tu bhana o kikalakaluʼiki.

I Timote 1:13

Muène ua ngi bhange kienhiki, sumbala mʼokulu nga diangele ku mu zuela kiaiibha, ni ku mu zukutisa, ni ku mu sombola. Maji o Nzambi ua ngi kuatelele henda, mukonda ki nga xikanene luua, o ioso i nga kexe mú bhanga ki nga i ijidile.

I Phetele 2:10

Mʼokulu ki mua kexile mu mundu ua Nzambi, kiki-phe muala mu mundu uê. Mʼokulu o henda ia Nzambi ki mua ijidile luua, kiki-phe mua tambula o henda iê.