Hozeia 14:5 - O Mikanda Ikola

⁵ Eme Izalaiele nga kà mu tekela kala dimume dîa kimene, o muene ua kà buingita kala kitulu mu honga, o jindanji jê ja kʼàia makanga kala musédulu ua muxitu ua Libano.

Hozeia 14:5 ပူးပေါင်းရင်းမြစ်များ

II Samuuele 23:4

U kala mukuâ ni kuma kúkia, ki kala mu tunda o dikumbi, mu kimene kia kambe o matuta; mukua ni iangu iauisu i sabhuluka mu ngongo kitua o muanha ua zele, kuila mvula ia tundu mu kunoka.

II Jisobha 19:30

Mbata o kioso kià bhulaka mu dibhata dia Juda kí kia xala masubhu, kia kà tona dingi o kufuafua jindanji koxi, ni kubhana ibundu bhulu.

Jobe 29:19

Lundanji luami lua kà lebhelela muene katé ku menha, o mu usuku uoso dimume dia ka xikama mu jithangu jami.

Jisálamu 133:3

Mukuâ ni dimume dia mulundu ua Helemone di kulumuka ku milundu ia Ziione; kuma mu uphange kala kiki, Jihova ua bhake-mu dibesá, maji dibesá dia muenhu ki uà bhua dingi!

Jisálamu 72:16

Mu ngongo mu kale nzungule ia masa katé ni ku thandu dia milundu; ixina iê i kale mu lokosa kala muxitu ua Libano; athu mu jimbonge joso a kale mu fuafua kala iangu mu mukáu.

Jisálamu 72:6

Muene a tule kala mvula i noka mu dikèla, mukuâ ni isanga i tekela o mikáu.

Jisálamu 80:9

Ua u iudikila kididi, muvide ua kuata, iu ua zande oxi ioso.

Jisálamu 92:12

Uaiuka-phe u koma kala diie; u kula hé u jinga kala muxi ua muxitu ua Libano.

Jisálamu 92:13

Oso a a phaphe mʼonzo ia Jihova, a jîngila muene ku malumbu ma Nzambi ietu.

Jisabhu 19:12

Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

Mukumbi ua Mikumbi 2:16

O kazola kami, uami; eme ue, ngi uê (nga mu tokala muene). O kilunga kiê u ki disila mu kaẋi ka itulu ia jihonga.

Mukumbi ua Mikumbi 4:5

O tumele tué tuiadi bhu thulu, tuedi kala tuana tu-iadi tua ngulungu tuòvuale jindumba, tua mu dila mu itulu ia jihonga.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 18:4

Mbata Jihova ua ngʼambela kiki: Eme nga-nda kudixibhidila bhu bhata diami ni kutala mu kanga, mukuâ ni ki tua muanha ua mediia, o dikumbi anga di kuata kumuika, kala dituta dia mbundu, kibhita dizuza bhu thembu ia kumuna.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Izaía 27:6

Bhua kèza izuua ia kuila Jakobo u ta jindanji, o Izalaiele ua kà sabhuluka u fuafua anga u bhana itulu ni ibundu; enhá anga a kèzalesa oxi ioso ni ibundu, kulu dia mundu.

Izaía 35:2

Dia kà tulula muene kiavulu, di sanguluka ni kutana kuonéne, dia kà tumbujuka ni ngalasa; a mu bhe kijingo kia Libano, ni makembu ma Kalamelu ni Salone; ene a kà mona o fuma ia Jihova, kioso kiene o unéne ni kujinga kua Nzambi ietu.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Izaía 45:8

Mvula inoke, mbundu i sume, o kidi kize ni kusuka kala mbundu; oxi i jikuke, ubhulukilu uende ni kusabhuka kiá, kuiuka kuende ni kuima bhuamoxi ni ubhulukilu; eme ngi Jihova, nga a bhange.

Izaía 57:18

Eme ngala kumona o jinjila jâ, phala ni ngʼa sake, ngʼa batesa ue, hé ngʼa bhana dingi o kukondama ni ene ni mundu uâ ua di-kuata o mukondo ua kudila.

Izaía 57:19

Ibundu itunda ku mizumbu eme-muène ngi i iudika; ngi bhana paze kua ió ala ku makanga, ni kutululuka kua ene ala bhua zukama, eme Jihova, eme-muène nga kà a bhana o kudisanza.

Jelemiia 3:22

Vutukenu, mbaluke ja ana, eme nga-nda ku mi saka o makuẋinuka menu. Etuʼetú, tueza kokué, mbata eʼmuène u Jihova Nzambi ietu.

Jelemiia 32:41

Anga ngʼenda ni ku sanguluka muene mukonda dia ene, kioso ki ngiia ni ku a bhanga o mbote, hé ngʼa kuna muene mu ixi muenhumu, ku kidi kiene, ni muẋima uami uoso ni muenhu uami uoso.

Hozeia 6:3

Jihova-phe tu mu ijiie, tuende ni kujijila jinga ku mu ijiia; mukonda iú uiza, o kuxindumuka kuê mukuâ ni ukielu ua kizuua; ua-nda ku tu zungila mukuâ ni mvula, kala mvula ia isanga i kaiela ku mvula ia kudinji, ienda ni kutekela oxi.

Mikeia 5:7

O mbandu ia subhuka-bhu ia Jakobo anga ia kà di funga mu akua miji iandumba, a kà di bhanga kala o dimume dia tundu kua Jihova, a kʼèla kala mvula ia kizeke ki i sukila ku thandu dia sabhelela, ia bhingi ki i kinga kima ku muthu, mba idielela kima kioso-kioso ku anʼathu mu kunoka kuê.

Mikeia 7:18

Nzambi, nanhi muene u soka nʼeie, eie u loloka o ituxi anga o kubhukumuka kua mbandu ia iá a subhuka ku undundu ué u ku jimba kiá? Ngana kene kuila o njinda iê u i bhaka katé ku hádia ni hádia, mukonda muene kia mu uabhela kiavulu, o ku kuatela henda.

Matesu 6:28

Mu kuatela-hi hele ue ia kuzuata? Xinganeka itulu ku mukáu, kioso ki i kula; ki i kalakala, ki i bhoto.

Luka 12:27

Talenu o itulu ku mukáu, kioso ki i kula; iene-phe ki i kalakala, ki i bhoto mujinha ua kutunga jithanga, phala ni izuata. Eme-phe ngi mi a mbela kuma, né Solomá ni kizunda kiê kioso, ka kembele kala kia kembe o kakitulu kamoxi-ku.

Efezo 3:17

Eme nga mu bhinga dingi phala Kristu a mi tunge ku miẋima ienu mu kuxikana. Nga mu samba phala o ki muila mua te jindanji, mua kuata, mua xikama mu henda,

Matendelelu 32:2

Ulongelu uami-ème mvula inoka, mbundu isuma, mbambe ni masumi-sumi ma mvula ku thandu a mafe, kifua dimume di tula ku iẋoka.