Hozeia 14:1 - O Mikanda Ikola

¹ Eie Izalaiele vutuka kua Jihova Nzambi ié, mukonda o ituxi ié iene ia ku bhalesa.

Hozeia 14:1 ပူးပေါင်းရင်းမြစ်များ

II Jisobha 8:12

Kuala Hazaiele: Eie nganʼami, u didilaʼhi? Muene-phe, uixi: Mukonda o phulu i ua-nda bhanga anʼa Izalaiele nga ijiia kiá; o imbaka iâ ua-nda kua kà ioha mu túbhia, o minzangala iâ ia mala ua-nda kua kà a jibha ku xibhata, o tuana tuâ ua kà tu sanujuna, o ahetuʼâ a kà kala mu mikutu iiadi, ua-ndo kua kà a bazesa o mavumu.

Izaía 19:22

Jihova anga ua kà kuama akua-Ijitu, hé u a saka ue; anga ene a kà bhiluka kua Jihova, o muene ki evua misambu iâ, henda i mu kuata, hé u a bhana o kudisanza.

Jelemiia 2:19

O usuéia ué ua-nda ku ku bhana njumbu, mauendelu mé ma kuselumuka ene a-nda ku ku bazela: tuma-phe ku kʼijiia u di muene-kiu kuila o kuxa Jihova Nzambi ié, kima kiaiibha, ki ludisa mu kanu, ni ku kamba eie o uoma uami-eme, kiene kiambe Jihova dia Ilombo Ieta.

Jelemiia 4:1

Se uedi u vutuka, eie Izalaiele, vutukila-phe kokuami, eme ngi Jihova, o ki uila u sondolola isunji ié bhu pholo iami, kua-nda kuenda dingi ni kubungana.

Kuditenda 5:16

Kitundu ku mútue kia tu laúka. Kokolo dietu, tata, kuma tua te ituxi!

Izekiiele 16:46

O kota dié dia muhetu, muene Samádia, ua tunga ku mbandu ié ia kiasu ni anʼê a ahatu; o ndengʼié ia muhatu, ua tunga mbandu ié ia kúdia muene Sodoma ni anʼê a ahatu.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Izekiiele 33:14

Kioso eme ue ki ngiia o mukua phulu, ngixi: Ni kidi kiene ua-nda kufua; o muene hé u diela o kituxi kiê, anga u bhanga mabatuilu a kidi ni kuiuka,

Hozeia 10:12

Kunenu jimbutu jenu ja kuiuka phala mu bhongolole ja henda; bakenu mavu enu a maxinde, kuma thembu iii ia kusota Ngana, katé muene kieza, nʼa mi nokene ima ia kuiuka kala mvula.

Hozeia 12:6

Eie-phe vutukila kua Nzambi ié, jijila kubhanga mbote ni kubatula milonga mu kidi, kuata-phe kuxibhidila jinga Nzambi ié ni kukinga kua muene mu thembu joso.

Hozeia 12:8

Anga u kala mu ku di thatha, uixi: Ni kidi nga kituka ngi mvuama, nga funu jimbongo ja nzungule; maji mu ikalakalu iami ioso ienhiʼii, ki bhuala uà tena ku ngi kuata ni ungulungumba ua kuila kituxi ki nga te, lémbua.

Hozeia 13:9

Ua di bhange-kiu-ze, eie Izalaiele, ki ua ngi kitukila emeʼokio, eie ua ngi balukila eme ngi Mukuatekexi ué.

Hozeia 4:8

A di dikila ituxi ia mundu uami, miẋima iâ iezala kaluaki-luaki, kuma a bhindamena kumona akua mundu uami kubhanga kiaiibha.

Hozeia 5:5

Izalaiele o ízala iê ia-nda ku di jimbulukila mu pholo iê muene; ni Izalaiele ni Ifalaíme a kà dibhala-phe mu ituxi iâ; o Juda ue ua kà dibhala-nâ kumoxi.

Hozeia 6:1

A kèla: Izenu, tu alukile kua Jihova, mukonda muene ua tu sasujula, muene ue ua-nda ku tu ilula; kia tu kuamʼiki, kiene ue kia tumba o fidila ietu.

Hozeia 9:13

Kala ki nga ki mono, Ifalaíme ua di bhange kala Tilu, kuma a mu phaphe bhu kididi kia matunda; maji o Ifalaíme-phe anʼê ua-nda kuia ni ku a tutila kua mubuikixi uenda ni ku a katula o muenhu bhu xingo.

Hozeia 9:7

Kuma izuua ia ku a zungila ia bhiẋila, izuua ia kuvutula phonzo ieza-bhu; o Izalaiele ua-nda ku di muena-kiu hé u kʼijiia, kuila o polofeta iê ua di bhange kiôua, o mukua kuzambula u xingila makutu; mukonda ua di vudisila o ikuma iê, kiene uê kia kà mu vudixila o luma.

Amoji 1:13

Jihova uambe kiki: Anʼa Amone kia tondala lutatu ni luuana kibetu kiâ ki ngi ki katula; mukonda, mu ku sota ku zanzesa o jimbambe jâ, a tandula ahetu ala ni mavumu mu Ngiliiade.