Hozeia 13:7 - O Mikanda Ikola

⁷ O kikiphe nga-nda ku a kitukila kala hoji; ngenda ni ku a batamena mu njila kala ingo.

Hozeia 13:7 ပူးပေါင်းရင်းမြစ်များ

Jobe 10:16

Mbata se eme ngi di zangeleka, eie u ngi tomba mukua ni hoji ia kiluami, anga u bhanga dingi ima ia isunji ni madiuanu mu ku ngi bhanga kia ibha.

Izaía 42:13

Jihova ua-nda kutubhuka mukuâ ni kindanda; ua-nda ku di-ambatesa ni huii kala ki bhanga o dikuenze dieta; u kola, u ta kibulukutu kionéne, anga u tolola o jinguma jê.

Jelemiia 25:38

mu fundu iê ua tundu-mu kala monʼa hoji; kuma ixi iâ a i kitula jingundu mukonda dia njinda ia nguma, ni mukonda dia kusuina kua njinda ia Jihova.

Jelemiia 5:6

Mukonda dia kiki hoje ia tundu mu kitumba ia-nda ku a buidisa, o kimbungu kia ixi ia kisekele kia-nda kua sengulula; ongo ia batamena o madiembu mâ: uoso-uoso u tunda mu jisazalʼomo a mu sasujula; mbata o itondalu iâ ia sokoloka, o umbaluke uâ ua di bandekeza.

Kuditenda 3:10

Uixi kala kitôto mu ku ngi batamena; mukuâ ni hoji ia tela.

Hozeia 5:14

Mbata eme nga-nda kubalukila Ifalaíme mukuâ ni hoji, anga dibhata dia Juda ngi di hamena kala ngi munzangala ua hoji; Eme, eme-muène nga-nda ku a sasujula muene, anga ngiiʼami kiá; Eme nga-nda ku a sumbununa kala kiama kia ambatela ku mazu, u a kudila ka-nda kumoneka.

Amoji 1:2

Hé uzuela, uixi: Jihova ua kà hunza mu Ziione, ua kà bhela mbimbi iê mu Jeluzaleme; mu kikála mua tungile jinge o tubhila muà kala mukondo, o bhu thala ia mulundu ua Kalumelu bhua kà kukuta.

Amoji 3:4

Hoji i dilʼé ngó mu ditutu, se ki ia mono mbole? Kamona ka hoji kala mu ngenda, hé ua kevu kà dila, ki ka kuata kima?

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Dijingunuinu 13:2

Kiama ki nga mono, kidifua kiê kala ongo, o inama iê kala kitôto, o dikanu diê kala dikanu dia hoji. O mudikixi muène ua bhana o kiamʼiki o kutena kuê, ni kiandu kiê, ni ungana uavulu.