Hozeia 13:6 - O Mikanda Ikola

⁶ O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 13:6 ပူးပေါင်းရင်းမြစ်များ

Nehemiia 9:35

Mbata ene mu ixi ia ungana uâ, sumbala ni jimbote janzungule ji ua a bhana, ni ixi iadixala íi ia nete i ua a tudila ku pholo, nguaʼuâ ku ku bheza, mba a ta dikunda ku ibhangelu iâ iaiibha.

Jisálamu 10:4

O muthu uaiibha, mu kubhuma kua izale iê, uila uixi: U kʼibhula mukua-hi? Anga uia ni kubanza muene, uixi: Kana-ku Nzambi.

Jisabhu 30:9

Nga lengesa kuila o ki ngizala, ni jimbote ja ndumba, nga vula ku ku dituna kiá eie, hé ngiia, ngixi: O Jihova muene nanhi? O ki ngi kala ngi ngadiama ia ngadiádia, ngavula kunhana, kifua nga lebhukisa o dijina dia Nzambi.

Izaía 17:10

Mukonda o Nzambi ié ia Kibhamuenhu ua mu jimbi, kua te dingi muẋima ku Ditadi dié diene ku ku xitila. Kienhiki né uedi u phapha mixi ia uabha kiambote, hé u i tela kikanzo kia kathathala,

Jelemiia 5:7

Eme-phe o ki ngi mona kiki, ngi ku loloka kiebhi? anʼé a ngiʼxa eme hé a lokela ku jinzambi ki jinzambi ngó, kioso eme ki nga zubha kua ekutisa, ai kiá kuta jiphanda jâ, a bokona monzo ja idianzunga, a di bhanga ibuka-ibuka.

Izekiiele 23:35

Kala kiki, O Jihova Nzambi uambe, kuma: Mukonda eie ua ngi jimbi, eie ua ngi takuila kuema dié, kuabhu-phe, ua-nda kuambata ue ni phulu ié ni maundumbu mé.

Izekiiele 28:5

O mu kuijiia kué, kua di zale kinéne mu mauenji mé, ua vudisa dingi o kutena kué; o muẋima ué iú ua mu zangalala mukonda dia kutena kué;

Hozeia 10:1

Izalaiele ua di bhange muvide ua di zandela, uala kuima ngó ibundu phala muene; kia vulu ibundu iê, kiene ue kia di vudixila jikalatódio jê; kala kia uabha oxi iâ, kiene ue kia di iudikila o iteka iâ ia matunda.

Hozeia 12:8

Anga u kala mu ku di thatha, uixi: Ni kidi nga kituka ngi mvuama, nga funu jimbongo ja nzungule; maji mu ikalakalu iami ioso ienhiʼii, ki bhuala uà tena ku ngi kuata ni ungulungumba ua kuila kituxi ki nga te, lémbua.

Hozeia 2:13

O izuua ia bheza jinga Baale, nganda ku mu bhela-iu muene o kastiku kê, kia kexe ku mu bhangela o dixi dia dizumba, ni ku mu kembela ni jibixa ni malenge moso, hé uia ni kukaiela o jisaii jê, iu ua ngi landuka jinga, eme ngi Jihova.

Hozeia 2:7

Phala o muene kia kèla ngi kaiela o jisaii jami, ka tena dingi ku di bonga-nâ; uila u a sota, maji utokoka ku a sanga; bhenhobho-phe anga uila uixi: Ngi vutuka, nga kʼàia kua munumeʼami ua diangele; mukonda, o mʼokulu, nga betele kuzediua ni muene, o kiki kana.

Hozeia 4:6

Mundu uami a a buikisa mukonda dia kukamba kuijiia. Mukonda eie-phe ua ditunu o kuijiia, eme ue nga-nda ku ku dituna, phala ku kale dingi u nganga bhu pholo iami; kala kiki, kuma o kitumu kia Nzambi ié eie ua ki jimbi, eme uami ue ané nga-nda ku a jimba.

Hozeia 4:7

Kala ene kioso kia di sokolola, kiene ue kia te o ituxi iavulu ko kuami; eme-phe nga-nda ku a lungulula o kijingu kiâ, hé a ka bonga malebhu ni jisonhi.

Hozeia 5:14

Mbata eme nga-nda kubalukila Ifalaíme mukuâ ni hoji, anga dibhata dia Juda ngi di hamena kala ngi munzangala ua hoji; Eme, eme-muène nga-nda ku a sasujula muene, anga ngiiʼami kiá; Eme nga-nda ku a sumbununa kala kiama kia ambatela ku mazu, u a kudila ka-nda kumoneka.

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Hozeia 8:14

Mbata o Izalaiele ua jimbi Mubhangi uê, uoso ua mu bhanga, iú uala kuia ni ku di tungila mazemba; Juda ue ua di tungila jimbonge ja kolo; maji eme o jimbânza jâ nga-nda ku ji ta túbhia, o túbhia tu bhuikisa o mazemba mâ.

Hozeia 8:4

Ene-phe a hingisa jisobha, kana ni eme, kuma ki eme nga ji solo: a di tela ilolo, eme sè ku kiʼjiia; a katula ku phalata iâ ni ku ulu uâ, ia a di iudikila iteka, phala ku di buikisa.

Matendelelu 32:18

ʼTadi dia Muenhu ua mu jimbiê kiá, ua kuvuala; Nzambi uoso ua kʼumbile iú ua ku bhana o kukala, ki bhinga u mu jimba?