Hozeia 13:3 - O Mikanda Ikola

³ Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Hozeia 13:3 ပူးပေါင်းရင်းမြစ်များ

Jobe 21:18

Kuma edi kala ibhiate ku kitembue, mukuâ ni izeji i phephuluka ni kitaphephe.

Jobe 30:15

Kua ngʼiza mauoma, kijingu kiami kia phephuluka kala a kiʼambata ku kitembu, kuzediua kuami kua bhiti kala ʼtuta dia mvula.

Jisálamu 1:4

Ió abhumu-phe ki kiene; maji a soka ni ibhiate i phephuluka ni kitembue.

Jisálamu 68:2

Mukuâ ni dixi kia di kaia kuala o kitembu, ene ue a a kaie; mukuâ ni sela ki i sangumuka ku túbhia, kiene ue isuéia i buile bhu pholo ia Nzambi.

Izaía 17:13

Akua jixi a kà numina kala kiene kunumina dibhubha dia menha, maji Nzambi ua kà a bazela, anga a kà lengela dikanga; ene a kà a kaia kala ibhiate ku mulundu, kia i bhitula kuala o kitembu, mukuâ ni fufutila ia mavu, kia i nhangumuna kuala o kitembu kia nguzu.

Daniiele 2:35

Bhenhobho-phe kiá, ni felu ni utuma, ni ngòndo ni phalata kumoxi kiá ni ulu, iene ioso sasu-sasu, anga ikituka kala ibhiate i ala kubhiata bhu mbango, kitembu kia i ambatesa, katé iendelela ni kididi bhu ia kexile ki bhu moneka dingi; maji o ditadi-phe dia nemeka o kiteka, dia di bhange mulundu uonéne, anga uizalesa oxi ioso.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

Sofoniia 2:2

Kioso ngongo kiluua itunda, kizuua kiluua kiza kia kubhita kala ibhiate ia-lu phephuluka ni kitembu, kioso njinda ia Ngana kiluua iza, kuthandu dienu, xi, kioso kizuua kia njinda iê ku thadu dienu kiluua kiza.

Zakadiia 8:12

Mukonda eme nga-nda ku kuua o kutululuka o mbutu ia kà kala ni kuzediua. Muvide ua kà lukula ibundu iê, o ixi ia kà bhana idima, o diulu dia kà bhana dimume diê mu kimene; anga ngi bhangesa kuila, o ima ioso iii ia kà biluka undundu ua ngene ua iá a subhuka ku muiji uenhú.