Hozeia 13:16 - O Mikanda Ikola

¹⁶ O Samádia kuêla kua kikuma kiê ua kʼenda na-ku, kuma ua kà senguluka, mukonda ua kitukila Nzambi iê; anʼê a ka a sasujula mbata a kà di bhala ku xibhata, o mavumu ma akajiʼâ oso emita, hinu a kà a tandula muene muaʼaxaxe.

Hozeia 13:16 ပူးပေါင်းရင်းမြစ်များ

II Jisobha 15:16

Kieneʼokio Menaheme u nemeka Tifiza ni oso a tungile momo katé ni mu ikanzu ia jimbambe jê joso tundé Tidiza. Mbata ka muenzelele-mu. Kiene kia mu bhekesele ku a sengulula katé ni ahatu emita, mâla ua a ẋuua-nâ mu kaẋi.

II Jisobha 17:18

Kiene kia bhekesa Jihova ku thathamena kiavulu Izalaiele, iú ua a sondolola ene oso ku mesu mê; ka xisamu dingi kima, kikale ngó o muiji ua Juda, kuabhu!

II Jisobha 17:5

Mbata o sobha ia Asídia ua bande ni kuzalata mu ixi ioso iú ueza katé mu mbonge ia Samádia iú ua i kondoloka ni ku i batamena ku mbandu joso mu mivu itatu.

II Jisobha 17:6

Kubhiẋila mu muvu ua kavua ua utuminu ua Ozeia, sobha ia Asídia kiene kia tolola Samádia, iú ua zangula Izalaiele ioso iú ua a balakala ku Asídia; iú ua a bhangesa kutunga bhu Hala ni bhu Habolo bhua zukama ni ngiji ia Ngozane ni mu jimbonge ja akua Mediia.

II Jisobha 8:12

Kuala Hazaiele: Eie nganʼami, u didilaʼhi? Muene-phe, uixi: Mukonda o phulu i ua-nda bhanga anʼa Izalaiele nga ijiia kiá; o imbaka iâ ua-nda kua kà ioha mu túbhia, o minzangala iâ ia mala ua-nda kua kà a jibha ku xibhata, o tuana tuâ ua kà tu sanujuna, o ahetuʼâ a kà kala mu mikutu iiadi, ua-ndo kua kà a bazesa o mavumu.

Izaía 13:16

Tuana tuâ a ka tu sasujula ku mesu mâ ma kumona; mabhata mâ a kà ma bhûnda, o akajiʼâ a ka a bhanga ufusa.

Izaía 17:3

O mbonge ia Ifalaíme ia kà suka bhenhobho, ni mbanza ia Damasku, ni masubhu ma Sídia; a kà kala mukuâ ni kijingo kia anʼa Izalaiele, kiene kiambe Jihova dia Ilômbo Ieta.

Izaía 8:4

Mbata mona muenhú kioso kiluua ejiia kuila, tatʼetu, mba memʼetu, o jimbongo ja Damasku a kà ji bhunda, ni madibhundila ma Samádia a kà ma ambata bhu pholo ia sobha ia Asídia.

Hozeia 10:2

Muẋima uâ ua a kala luiadi, kiene kia kexila ni kuêla; Jihova phe ua kà bula-bula jikalatódio jâ, o iteka iâ u i lunduluila muene bhoxi.

Hozeia 11:6

Xibhata ia-nda ku di ta mu jisanzala jâ, hé ia kà bula jisabhi ku mabhitu mâ, anga ia kà a jikinisa, mukonda dia jiphangu jala kuia ni ku di longesa mudiâ.

Hozeia 7:14

Ene ka mu dikola ko kuami ni muẋima uâ uoso; o kiala-bhu, mikemu ia bhela bhu jihama jâ, mukonda ene a bhongolokela ngó masa ni vinhu, eme a ngi bhukumukina.

Amoji 1:13

Jihova uambe kiki: Anʼa Amone kia tondala lutatu ni luuana kibetu kiâ ki ngi ki katula; mukonda, mu ku sota ku zanzesa o jimbambe jâ, a tandula ahetu ala ni mavumu mu Ngiliiade.

Amoji 3:9

Ima iii ivisenu-iu mu mazemba ma Ajidode, ni mu jinzu ja matala-matala mʼoxi ia Ijitu. Tangenu-kiu, kuamba: Bhongolokelenu ku mulundu ua Samádia, mu tale o ku di vunza kuónene kuala mu mbonge mumu ni usuéia kua ió a a phopheka muʼaxaxe kê.

Amoji 9:1

Jihova nga mu mono, uemana ku thanduʼa Kalatódio, iu ua ngi tangela, uixi: Mútue ua philadi bukulau, ifikidilu ia mabhitu i tekete, phala ima ioso bhulu diaʼnzu i lundumukine bhu thala ia mítue iâ ene oso! Oso a subhuka-ku Eme ue nga-nda ku a jibha ni xibhata katé ku kasule kâ. Mu kaxi kâ se mu kala muthu ulenga, ka kà subhuka, né mu kala iú u subhuka, ka kà tena kubhuluka.

Mikeia 1:4

O milundu bhoxi dia inama iê ia kà sengumuka, ni jihonga ja kà dibula misula mukuâ ni kixila kia uiki kia zukama ku túbhia, mukuâ ni menha ki ma lundumukina mu dikenhe.

Mikeia 6:16

Kuma kia mi beta kota o ku dituma ni itumu ia Omedi, ni kubhanga o ima kala ia bhanga jinga akua bhata dia Akabe, enu muala mu kuendela mu jingonge jala ku mi longa ene, phala eme ni ngi ku jime o mbutu, o ió a tungu mu diembu dié, ni ua a tumbula dingi ka moneka; endelela muene kala muphióphio; o kusekala kua mundu uami anga mu ku bheka ku thandu dienu.

Nahumu 3:10

Sumbala kiene, maji muene ue a mu ambata aii-nê, ku ubhika; katé ni tuana tuê a tu sana-sanena mu jihota joso ja jinzunga; o ilamba iê ioso anga a i tela jisorte; ni makota mê moso a a kuika ku malubhambu.