Hozeia 13:14 - O Mikanda Ikola

¹⁴ Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Hozeia 13:14 ပူးပေါင်းရင်းမြစ်များ

Jobe 33:24

kuabhu-phe, Nzambi ua kà mu kuatela henda, hé ua kʼàmbela anju, uexi: Mu bhulule, phala ka kutuke mu kina; nga sange kiá u mu kùla.

Jobe 41:22

Mu xingu iê muene mua tunga o nguzu; ku mu tukulukila, ni dilamba di lenga

Jisálamu 16:10

Kuma eie ku xikina kuehela muenhu uami kuʼalunga; muthu ué ua mu solo kà kala mu sekumuka.

Jisálamu 30:3

Ua ngi vutula, Ngana, mu kina mu ngambele kuia; eie ua ngi bhake hanji ku muenhu, kuma kuia mu bombo dia kalunga kua ngi kambele ngó!

Jisálamu 49:15

Nzambi-phe u ngi tambula o muenhu uami kua kalunga-ka-ngombe, hé u ngi bhongolola kua muene kuoso kuala. (Selah.)

Jisálamu 49:16

Ku kale ni uoma, muthu se ua di bhange kilamba, mba dibhata diê diʼla kala dia tambula unéne.

Jisálamu 71:20

Eie ua ngi bhitisa mu jiphaxi ni malamba a vula matelu, eie ua ngi zangumuna dingi, ua ngi bhe muenhu uobhe; ua ngi zaukisa muene mu bòmbo dia kalunga!

Jisálamu 86:13

Kuma henda ié i ua ngi kuatela iavulu; mbata ua ngi kudila o muenhu uami mu bòmbo dia kalunga.

Izaía 25:8

O kalunga ua ka kà bhuisa-ku muene nzaká, kienhiki Jihova ua kà kondona o masoxi mu pholo joso, inga mu ixi ioso u katula-mu o kusebuluka kua mundu uê, kuma Jihova muene ua ki tange.

Izaía 26:19

O athuʼé, àfua, a kʼèza dingi ku muenhu; o athuʼé àia kalunga-ka-mbala-maminhu, a kà fukunuka. Phaphumukenu, mu tane ni kusanguluka enu muà tunga mu fufutila; Kuma o dimume dié dila kala mume dia isasa ia uisu; ni oxi iene ia kà lukula madifundu ma bhakele.

Jelemiia 15:6

Jihova uambe, eie ua ngi-xi, ua vutuka ku dima; kiene ki nga-nda kusununuina o lukuaku luami ku thandu dié hé ngi ku jikinisa; o kudielesa ue kua ngi kumu kiá.

Jelemiia 20:16

Muthu muenhó a kale mukua ni madiembu ianhá a buikisa kuala Jihova, sè ngó kuila ki mu kata ku muẋima; muenhó uila, o ku kimene uívua nzôngo, o ku mediia uívua kibulukutu.

Jelemiia 31:35

Kienhiki kia tange Jihova mukua kubhana o dikumbi phala mukengeji mu muanha, ni itumu ia mbeji ni jithéthembua phala mukengeji mu usuku, Io u jikula makungu mu kalunga anga u bhangesa mabhuku mê kuzuma; Jihova dia Ilombo Ieta diene o dijina diê.

Izekiiele 37:9

O muene anga u ngʼambela, uixi; Zambula ku nzumbi, zambula eie monʼa diiala, tata, u tangele o nzumbi, uexi: O Jihova Nzambi uambe kiki: Eie u nzumbi, tundila mu itembu i uana iaʼxi, nda u bhuselele ku thandu dia imbi iii, phala eze dingi ku muenhu.

Hozeia 6:2

Bhu bhita izuua iiadi, o ki i bhua u tu bhana dingi muenhu; mu kizuua kia katatu u tu fukununa, anga tu kala jinga kiá bhu pholo iê-muène.

Hozeia 7:10

O Izalaiele, izala iê ia-nda ku mu jimbulukila muene ku mesu mê; maji mu ioso iii ene ka-nda kualukila kua Jihova Nzambi iâ, né ngo ku mu sota.

Malakiia 3:6

Mbata eme, eme Jihova, ki ngaʼaluluka; mukonda dia kienhiki, enu mu anʼa Jakobo, ki muà ka buika enuʼoso, kana.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Loma 11:15

Mukonda kioso o Jijudé kia a kaie, o mundu ua biluka makambʼ a Nzambi. Kia kà bhita-phe kiebhi hinu Jijudé kia kà a xikina dingi? Kia kà kala muenhu phala oso afu kiá!

Loma 11:29

Kuma Nzambi kene kualuluka mu ubanzelu uê, ku mbandu ia ió uoso a mu sola kuala muène anga u mu zediuisa.

II Kolindo 5:4

Kuma kidi kiene, etu kioso ki tuala mu fundʼumu ia mukutu uetu, tu kema mukonda dia kinemenu kia tu xina. Ki mukonda tu andala a tu zula o mukutu uetu iú ua bhoxi, mbata tua mu kuinda ku tu zuika ni mukutu ua diulu, phala o muenhu u jikinise kiki kia xikamena o kufua.

Filipe 3:21

Muène, o mukutu uetu uasebuluka ua kalunga, ua kà u bhana kidifua kiòbhe, phala u di fangane ku mukutu uê Muène ua kubenha, kabasa o kutena kuê kuala na-ku, kuasoko mú tolola ima ioso ni i mu belesela muène.

I Tesalonika 4:14

Kuma etu tua xikana kuila Jezú ua fuile iú ua fukunuka. Kiene ue kimoxi oso a fuila mu kuxikana Jezú, Nzambi ua kà a bheka dingi kumoxi ni Jezú muene.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Dijingunuinu 20:13

O musanza ua kalunga anga u bhana oso madifundu ala-mu. O kùfua ni kalungʼa-ngombe, anga a bhana uâ ni madifundu mâ ma jikilile bhoxi dia kutena kuâ. Ene oso hé a a fundisa mu umoxi-umoxi, kala kia tokala mu imbamba iâ ia bhanga jinga.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.

Dijingunuinu 6:8

Ngedi ngi tala, kua moneka kabalu ka mukète. O ua mondala-ku ʼjina diê Kùfua, o kuema diê kua mu kaiela Kalunga-Ngombe. Enhá anga a a bhana ukota ua mbandu ia kauana mu ngongo, phala kujibha ni ita, ni nzala, ni dibhe-bhu, ni ku iama i kuama iene mu mikáu mu ngongo.

I Samuuele 15:29

O Kutende ió ua di bhana muene fuma ia Izalaiele, ka ẋikina kuta makutu mba kudiela; mukonda muene ki muthu kuila u diela.