Hozeia 13:10 - O Mikanda Ikola

¹⁰ Kindala-phe o sobha ié iú kuebhi, phala mu jimbonge jé joso nʼende ni ku ku langa? O afundixi é ala kuebhi, u ua bhingile, uixi: Ngibhienu sobha ni ilamba?

Hozeia 13:10 ပူးပေါင်းရင်းမြစ်များ

I Jisobha 12:20

Anga ki bhita-phe kuila, kia zubha Izalaiele ioso kuívua kuma Jelobouamu, ua vutuka, ua tundu kiá ku Ijito, a tuma ku mu ixanena bhu kionge, anga a mu bhanga sobha ia Izalaiele ioso. Kienhokio kana-ku dingi muthu ua kaiela o dibhata dia Davidi, kikale o muiji umoxi ngó ua Juda, kuabhu.

II Jisobha 17:4

Maji o sobha ia Asídia kia muedi sui, ua mu mono kuila ua-nda ku mu tunda ufe, mukonda Ozeia ua tumikisa jiphunga kua Só, sobha ia Ijitu, o kufuta ue o mubhaku, kua sobha ia Asídia, ku muvu ni muvu kala kia kexe mu kubhanga jinga, ua ki eha; o sobha ia Asídia-phe kia ki mono, ua mu kutu iú ua mu jikila mu kiboiongo.

Jisálamu 10:16

Jihova eie u muenexi, o ungana ué unangenena; matumbu a kambe kuijiia Nzambi ka kà kala mʼoxi ié.

Jisálamu 149:2

Izalaiele a sanguluke ni ió uoso ua mu bhanga; anʼa Ziione a kale ni ngalasa, mua muene muenexi uâ.

Jisálamu 44:4

Eie u Nzambi, eie-muène u Sobha iami; kuma eie ua bhana o uzonda kua Jakobo.

Jisálamu 74:12

Né kienhiki, Nzambi-phe muene Sobha iami tunde mu xahulu; muene uene mu bhanga jinga o uzonda ua ku tu bhângela mu ngongo ioso.

Jisálamu 89:18

Kuma ngubu ietu ia tu xitila, u Jihova, eie ua i kuata; ni sobha ietu ua tu kala ku pholo, isèngele ia ngene ia Ngana Ukôla ia Izalaiele.

Izaía 33:22

Mbata Jihova muene Mufundixi uetu; Jihova muene Mubhani-a-ngonge ietu; Jihova muene Muenexʼetu, muene ua kà tu bhulula.

Izaía 43:15

Eme ngi Jihova, Lemba dienu dia Vumu, Mubhangi a Izalaiele, ngi sobha ienu.

Jelemiia 2:28

O jinzambi jé-phe ji ua di iudikila jala kuebhi? ji balumuke se ji tena ku ku kudila bhu kithangana kia ku bhondalala kué: Mbata jinzambi jé, u Juda, ja soka ni ji sanzala jé mu kuvula.

Jelemiia 8:19

Ivua o nzongo ia mona a kilumba kia mundu uami, ku ixi ia makanga! Jihova kifua mu Ziione kala-mu? Sobha iê kene-mu? Mukonda diahi-phe a ngi lokalala, njinda a i balumuna ni iteka iâ ia kuseta, ni ukumbu ua iteka ia akua jixi jengi?

Kuditenda 4:20

O na tudilu dia kubhuima kuetu a tu ûndila-nê kua Jihova, a mu kuatela mu madiela mâ; o muene-phe, muene tua mu edile, tuixi; né kiá ki tu bhinga ku xalela muʼaxaxe ka akua jixi, tua kà kala mu kilembeketa kia muene.

Hozeia 10:3

Mu kienhiki-phe, ene kindala anda kuzuela, kuamba: Etu ki tuala ni sobha, mukonda etu Jihova ki tuala ku mu xila; o bhu tualʼabha-phe Sobha i tu bhangela dingi kima kiahi?

Hozeia 13:4

Sumbala kiene, hanji tunde koxi ia Ijito, eme Jihova Nzambi ié; kala kiki, kana ku di tambulula dingi ni nzambi iengi nʼu ngi xi eme, mbata ki kuene dingi Mubhuludi uengi, kale eme-muène ngó.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Hozeia 7:7

Ene oso a tema kala forno, a jikinisa afundixiʼâ; jisobha jâ joso ja bhuku; muaxaxi kâ ki mua moneka dingi ngó muthu umoxi u di tenda koʼkuami.

Hozeia 8:4

Ene-phe a hingisa jisobha, kana ni eme, kuma ki eme nga ji solo: a di tela ilolo, eme sè ku kiʼjiia; a katula ku phalata iâ ni ku ulu uâ, ia a di iudikila iteka, phala ku di buikisa.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Nzuá 1:49

Natanaiele ua kumbulula, uixi: Mesene, eie u Monʼ a Nzambi! Eie Ngana, u sobha ia Izalaiele.

I Samuuele 8:7

Jihova anga u ambela Samuuele, uixi: A evue; dízui dia mundu ku di tènde, mu ioso ia ku ambela; kuma ki eie a ku ditunu, a ngi ditunu Eme, mbé ki ngi kale dingi ngi sobha iâ.