Hozeia 12:9 - O Mikanda Ikola

⁹ Maji eme-phe, tunde mʼoxi ia Ijito, eme ngi Jihova Nzambi ié; hanji eme nga-nda ku ku bhangesa kuzekela mu jifundu kala bhu izuua ia jifesa.

Hozeia 12:9 ပူးပေါင်းရင်းမြစ်များ

Dimatekenu 25:27

Minzangala anga i kula; Izaú anga u kala dinhanga dia dikota, mukua kunhunga mu iangu; Jakobo-phe muthu ua di xibhʼê, uia ni kuxalʼê ku bhata.

II Samuuele 7:2

Muenexi u ambela polofeta Natane, uixi: Talesa, eme nga tungu mʼonzo ia musédulu, o álaka ia Nzambi phe hanji ia tungu mu jilona ja balaka.

Ejidala 3:4

Fesa ia jifundu ue a i bhange muene kala kia ki soneka; jisata ja izuua ioso aii ni ku ji bhakula, ku jiʼalula ku kizuua, ja tenena muene kala kia ji xindi dialuilu diê.

Jisálamu 49:7

A bhange ioso ia tena maji ki bhuala u tena kukula phangʼiê, mba ku mu bhakela kua Nzambi, ni kubhana kitadi.

Jisálamu 81:10

Eme Jihova, ngi Nzambi ié, nga ku katula mʼoxi ia Ejito; jikula mu kanu dié kiambote, eme ngi ku izalese-mu.

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Jelemiia 35:7

Ki mua kà tunga inzu, mba mu kuna mbutu, mba mu phapha miẋi, mba mu kala ni dibhia dioso-dioso dia mivide; maji izuua ienu ioso mua kâ tunga mu jifundu ja jibalaka, mbé mu kole muenhu mu ndumba dia izuua kulu-dia-mundu, ku muala kuenda ni kunhunganena.

Jelemiia 5:27

Jinzu jâ u sanga jezala mangonha mu mangonha, mukua ni ngaiola iezala tunjila; kiene kia di bhangela athu ònene ia a biluka jimvama.

Hozeia 11:1

Izalaiele kioso kiala hanji kamona ka ndenge, Eme nga mu zolo kiá; o mu Ijitu muene mu ngexanena monʼami.

Hozeia 13:4

Sumbala kiene, hanji tunde koxi ia Ijito, eme Jihova Nzambi ié; kala kiki, kana ku di tambulula dingi ni nzambi iengi nʼu ngi xi eme, mbata ki kuene dingi Mubhuludi uengi, kale eme-muène ngó.

Hozeia 2:15

Bhene-phe bhu nganda ku mu bhela dingi o mábhia mê, ni dikôlo dia Akole ngi mu bhana-diu, di kala muelu ua ku mu dielelesa. Bhenhobho ua kà kala mù kuimba, mukuâ ni mu izuua iê ia unzangala, uila kala bhu kizuua kia bandele mu kutunda ku Ijito.

Ijila 19:36

Jipezu ji ku uabhe, matadi ma kupezalela ma ku uabhe, efa i ku uabhe, o hine ue i ku uabhe; Kuma Eme-muène Ngi Jihova Nzambi ienu, nga mi katula kʼoxi ia Ijito.

Ijila 26:13

Eme-muene-ze ngi Jihova Nzambi ienu, nga mi katula kʼoxi ia akua-Ijitu, phala ki mu kale mu abhika a-ene; o ʼphapha ja ophi ia kexile bhu xingu ienu nga ji bukujula, eme nga mi bhetula phala mu ende kiambote o nzánza.

Mikeia 6:4

Eme, ni kidi kiene, nga ku tombola mu ixi ia Ijitu; mu inzu ia ubhika mu ua kexile, nga ku kulamu; Eme nga katula Mozé, ni Alá, ni Midiiana, ià u nga tumine ku ku tuamenena o njila.

Zakadiia 11:5

Mbata oso ene ku ji sumba, aia ni ku ji jibha; ki bhuala muthu u a ebhula kuma oso ala mu ku ji sumbisa a mu kuila exi: Nzambi a tane-ku, mukonda eme nga kituka kiá ngi mvuama! o abidi ue kene ngó ku ji kuatela henda.

Dialuilu 15:41

Eme Jihova, Nzambi ienu, nga mi katula mʼoxi ia Ijitu, phala ngi kale ngi Nzambi ienu, Eme ngi Jihova Nzambi ienu.

Nzuá 7:2

O fesa ia Jijudé, iexana Fesa ia Jifundu, anga i zukama.