Hozeia 12:8 - O Mikanda Ikola

⁸ Anga u kala mu ku di thatha, uixi: Ni kidi nga kituka ngi mvuama, nga funu jimbongo ja nzungule; maji mu ikalakalu iami ioso ienhiʼii, ki bhuala uà tena ku ngi kuata ni ungulungumba ua kuila kituxi ki nga te, lémbua.

Hozeia 12:8 ပူးပေါင်းရင်းမြစ်များ

Jisálamu 49:6

Ió oso a dielela umonhi uâ, a di fiiala o kuvula jinbongo jâ.

Jisálamu 52:7

Diene-ze o diiala dia ditunu Nzambiʼidi, mù kala kimbaka kiê; iu ua di fiiala o jimbongo jê kuvula, hé u di fikidila mu usuéia uê.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisabhu 11:1

Pezu ia kupezala ni mangonha Jihova ia mu ibhila kiavulu; maji o nzongo-phe ia kuzonga mu kidi, iene ku mu uabhela kinéne.

Jisabhu 30:12

Sai-ko muiji ua athu u di mona kuzela ku mesu mê-muène, o uene-phe nuka a u sukuile o dixidilu diê.

Jisabhu 30:20

Kiene ue o njila ia muhatu mukua jiphanda; muene uila udia, u kondona ku dikanu diê, uixi-phe: Emeʼamʼiú, ki nga teʼami kituxi.

Jelemiia 2:23

Eie uala kuila kiebhi: Eme kana ki nga di kasanesa ki nga xingidisa mahamba a Bale? Talesa o njila ié mu dikolo muná, uijiie kioso ki ua bhange, tongolola-kiu kuma uala u kamelu ka sakalala, ni kuenda jihonda mu njila jê.

Jelemiia 2:35

Eie-phe hanji ua mu kuila: Nga di zele, kia kidi muene, o njinda ié ia ngi kungu. Talesa nga-nda kufunda nʼeie, kuma eie uambe: ki ngatʼiami kituxi.

Jelemiia 5:27

Jinzu jâ u sanga jezala mangonha mu mangonha, mukua ni ngaiola iezala tunjila; kiene kia di bhangela athu ònene ia a biluka jimvama.

Izekiiele 28:5

O mu kuijiia kué, kua di zale kinéne mu mauenji mé, ua vudisa dingi o kutena kué; o muẋima ué iú ua mu zangalala mukonda dia kutena kué;

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 14:1

Eie Izalaiele vutuka kua Jihova Nzambi ié, mukonda o ituxi ié iene ia ku bhalesa.

Hozeia 4:8

A di dikila ituxi ia mundu uami, miẋima iâ iezala kaluaki-luaki, kuma a bhindamena kumona akua mundu uami kubhanga kiaiibha.

Amoji 8:5

Anga muamba, muixi: O mbeji ia thethama ia kà bhita kizuua kuẋi ni tu sumbise o jimbundu jetu ja tiliku? O sabhalu ue iza kithangana kiebhi, mbé tu jikule o inganja ietu ia tiliku, ni kutununa o kizongelu kia efa, tu vudise ku xikulu, tu bhange ungulungumba ni jipezu ja mangonha ja kufumba na-ju athu.

Habakuke 1:16

Anga, mukonda dia kiki, uanda uê u u satela, o kibhongoluelu kiê u ki ohela ima ia mazumba, kuma ni imʼiii mbandu iê ia jingi kiengi, o kúdia kuê kua vulu dingi.

Zakadiia 11:5

Mbata oso ene ku ji sumba, aia ni ku ji jibha; ki bhuala muthu u a ebhula kuma oso ala mu ku ji sumbisa a mu kuila exi: Nzambi a tane-ku, mukonda eme nga kituka kiá ngi mvuama! o abidi ue kene ngó ku ji kuatela henda.

Malakiia 2:17

Ngana, mua mu kumisa ni uzuelelu uenu; anga mu ila, muixi: Tua mu kumisa mu kima kiahi? Ki muala kuzuela, muexi: Uoso u bhanga kiaiibha, u lunga; ku mesu ma Ngana, ki kima; athu kala kiki ene a mu uabhela muene; Nzambi ia ku fundisa-phe, iú kuebhi?

Malakiia 3:13

Jihova, uixi: Mua ngi zuela ima iaiibha ni kunonga; maji enu-phe, muexi: Ihi i tua ku zuela ia ku iibhila eie u Jihova?

Luka 10:29

O mesene ia Kitumu-phe mukonda uandala ku di bhembula, uambela Jezú, uixi: O mukuetu-phe nanhi?

Luka 12:19

Anga ngambela o muenhu uami, ngixi: Eie muenhu uami, ua zediua! Mukonda uala ni jimbongo javulu, jòbhake phala nzungule ia mivu. Nhohé kiá, u die, u nue, u sanguluke!

Luka 16:13

Kana-ku ngàmba u tena ku kalakela ngana jiiadi. Kuma u zemba ngana imoxi, hé u zola ia mukuá; mba u di tuma ni ngana imoxi, hé u tènda iamukuá. Enu uenu ki mu tena kubhikila kumoxi ni Nzambi ni Mamunu.

Luka 16:15

Jezú-phe anga ua ambela, uixi: Enuenu mu akua kudiuabhesa bhu pholo ia athu, Nzambi-phe ua mijiia o miẋima. Kuma sai ni kima a ki ximana mu ʼaxaxe ka athu, kua Nzambi-phe ufusa.

Matendelelu 8:17

Sumba muà kela mu miẋima ienu muixi: Mu nguzu ietu ni kusuina kua maku metu, muene mu ejiia o umvuama uoso uenhú.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

Dijingunuinu 3:17

Mukonda eie uambe, uixi: Ngi mvuama, nga mono jimbongo, ioso ngala na-iu ki nga bhindamena kima. Maji kua kʼijiia ngó kuila uala u sébhue, ua tate! Uala u ngadiama, u kifuôfo, u mukua tuẋi!