Hozeia 12:2 - O Mikanda Ikola

² Jihova hádia uiza mu kufundisa ioso iene mu kubhanga Juda; o Jakobo a kà mu bhana kaxtiku kala kia fuama o uendelu uê; a kà mu futa muene kala kia fuama o ibhangelu iê.

Hozeia 12:2 ပူးပေါင်းရင်းမြစ်များ

II Jisobha 17:4

Maji o sobha ia Asídia kia muedi sui, ua mu mono kuila ua-nda ku mu tunda ufe, mukonda Ozeia ua tumikisa jiphunga kua Só, sobha ia Ijitu, o kufuta ue o mubhaku, kua sobha ia Asídia, ku muvu ni muvu kala kia kexe mu kubhanga jinga, ua ki eha; o sobha ia Asídia-phe kia ki mono, ua mu kutu iú ua mu jikila mu kiboiongo.

Jobe 15:2

Manhi muthu uejiia, mu ku vutula, u vutula kuijiia kua kitembu? Anga uʼizalesa o divumu diê ni kitembu kia thunda?

Jisálamu 78:36

A mu hanza-phe ngoho ni dikanu diâ, aia ni ku mu tela makutu ni dimi diâ.

Ndongixi 5:15

Muthu-phe kala kia tundu mu vumu dia mamʼâ, ua zula, kiene ue kia kà vutukʼê, ua kʼàia muene maku a hatu, kala kiejile ku muenhu iú; ku ikalakalu iê ioso kà kambata-ku kima bhu lukuaku luê.

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 24:21

Anga kia kà bhita mu kizuua kieneʼokio kuila: Jihova ue ua kà zungila o ilômbo ia bhulu, mu dinga ni dinga, ni ku jisobha jaʼxi kulu dia mundu.

Izaía 3:11

Mukua phulu-phe, lamba diê, ua-nda kutala hadi; mbata a-nda ku mu vutuila kioso kia tokala mu ikalakala ia muku mê.

Izaía 30:6

Muzambu ua iama ku sulu: ku ixi ia mukondo ni jingongo a kàmbata jimbongo jâ a ji tuika ku makunda a tujumenda, umvama uâ a kà u ambatela ku milumba ia jikamelu, aia kubheka ima ioso iii ku athu ka tena ku a bhandulula ni kima, muene Ijitu.

Izaía 59:18

Kioso kia tokala mu ikalakalu iâ, kiene kia kà a vutuila muene, … ulundulula ngânji kua iá a mu kuatela luma, u bhana futu ku jinguma jê; o ikolo ua kà i bhana ue o futu iâ.

Jelemiia 25:31

Kinuminu kia kà bhixila katé kua sukuʼoxi, mukonda Jihova ua kuata mvunda ni akua jixi, xitu ioso ua kà funda na-iu; athu a ibha ua kà a bhakula ku xibhata, kiene kiambe Jihova.

Hozeia 2:13

O izuua ia bheza jinga Baale, nganda ku mu bhela-iu muene o kastiku kê, kia kexe ku mu bhangela o dixi dia dizumba, ni ku mu kembela ni jibixa ni malenge moso, hé uia ni kukaiela o jisaii jê, iu ua ngi landuka jinga, eme ngi Jihova.

Hozeia 4:1

Ivuenu kizuelu kia Jihova, enu mu anʼa Izalaiele, mbata Jihova ua kuata mvunda ni jitungi ja tunga ku mundu, mukonda mu ngongo ki muala kidi, ki muala henda, ki muala kuijiia Nzambi.

Hozeia 4:9

Kienhiki-phe kioso kikala o mundu, kikala ue o nganga; eme nga kà mu bhana kaxtiku mukonda dia mauendelu mê, nga kà mu bhana o futu ia tokala ikalakalu iê.

Hozeia 7:1

O ki ngedi-ze ngʼilule Izalaiele, kua tukuluka o phulu ia Ifalaíme; kua tukuluka ue o ikuma ia Samádia; mukonda ene a bhange mangonha; mbata o muii u bokona mʼonzo, o kilômbo kia ingumba ki bhûndila kunu ku kanga.

Hozeia 7:11

Ifalaíme ue uedi kala diembe dia kilalu, kilunji kala na-kiu; a di tenda kua Ijito, aia ni ku di texila kua Asídia.

Hozeia 7:2

Mu muẋima uâ a lémbua kutongolola kuma ngi lembalala o ituxi iâ ioso; o ki tualʼiki-phe ikalakalu iâ ia a kondoloka, ia lulama muene bhu pholo iami.

Hozeia 8:10

Né-mbe-phe ene a ta mauenji muʼaxaxe ka akua jixi phala kuia ni ku a kuatekesa, eme nganda ku a bhongolola; kuma andeka-ku kiá o kubhondalala ni kutunuka mukonda dia sobha ni ilamba ala ku a phopheka.

Hozeia 8:13

Mu kubhana jisata ja ilumbu a jibha ibhaku ia sata hé a i dia o xitu, maji Jihova muene ka i xikina; kuma Jihova u lembalala o mangonha mâ, o ituxi iâ ua bhela-iu kastiku; mukonda hádia a vutukila ku Ijitu.

Hozeia 8:9

Mbata a bandele ku Asídia mu kukuata-nê ukamba; ua di bhange mukua ni mukete ku milundu ubheka uê mu ku dʼimanena; maji Ifalaíme uala kuta uenji ua jisaii.

Hozeia 9:15

Phulu iâ ioso u i sanga mu Jidingale, muenhomo muene mu nga di kumina-nâ; o mukonda dia usuéia ua ibhangelu iâ, nga-nda ku a kaia mʼonzo iami; ki nga-nda ku a zola dingi, kana! Mukonda o ilamba iâ ioso, ala ngó athu a bhukumuka.

Hozeia 9:9

A di bolesa kinéne kala mu izuua ia Jibeia; Jihova-phe ua-nda kulembalala o mangonha mâ, anga u a bhana o kaxtiku kala kia fuama o ituxi iâ.

Amoji 2:4

Jihova uambe kiki: Juda kia tondala lutatu mba luuana, kibetu kiê ki ngi mu katula-kiu, mukonda o ngonge ia Ngana a i tènde, o itumu iê a tokoka o ku i bhaka, kia a kala kota o ku diehelela ku makutu ma jinzambi jâ ene-muène, kala kienda jinga o jitata jâ.

Mikeia 6:2

Enu mu milundu ivuenu, ni enu madisesa ma ixi ma kuata kiambote, kuma Ngana ua kuata mvunda ni Kifuẋu kiê, iu ua-nda kufunda ni Izalaiele.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Loma 2:6

Kuma muène ua kà uanena athu oso kala kia tokala mu imbamba iâ ia bhanga jinga.

Ngalásia 6:7

Kana ku di nganala, Nzambi kene ku mu tobhesa. Kuma muthu kioso kia kuua, kiene kiandù bhongolola.