Hozeia 12:11 - O Mikanda Ikola

¹¹ Ngiliiade manhi ua kambe ikuma? A di bhange-phe lusebu ngó kuabhu. Mu Jidingale ala kusatela jingombe, maji jikalatódio jâ ja di bhange kala jindunji ja matadi a hatu, mu jimbondongolo ja mibhanga ku mábhia.

Hozeia 12:11 ပူးပေါင်းရင်းမြစ်များ

I Jisobha 17:1

Bhenhobho Elija, mukua lumono mu akua Ngiliiade, uambela Akabe, uixi; Ngana kuene kuala, Nzambi ia Izalaiele, uavu o pholo iê bhu ngala, kuma mivu iii ki kua-ndu suka mbundu mba kunoka mvula, kale kʼeme nga ki zuela.

II Jisobha 17:13

O Jihova iú ua bazela jinga Izalaiele ni Juda ku ukunji ua misesedi iê, ni ku mizambuidi ioso, uixi: Ku jinjila jenu ja ibha tundenu-ku, muende ni kubhaka o ijila iami ni jingonge jami, kala kiambe o kitumu kioso ki nga tendelela ku jitata jenu, eme ue ngi mi tumikisa na-kiu ku ukunji ua abhikʼami, o misesedi.

Jelemiia 10:15

Ia di bhange kingoho, midimu ia mangonha; o bhu kithangana kia ku a zungila, hinu a jima o mbutu.

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

Jelemiia 2:20

Mʼukulu munhá kioso eme ki nga kexile mu kubukujula ophi ié ni kubatujula o mikolo ié, eie uambele, uixi: Ki mungu dingi ngi tondala; sumbala kiene maji leluʼidi ku tuthuthulundu tuoso ni bhu ixina ioso ia mixi ia uisu, ua mu-ia ni ku kotajana mu kubhanga undumbu.

Jelemiia 2:28

O jinzambi jé-phe ji ua di iudikila jala kuebhi? ji balumuke se ji tena ku ku kudila bhu kithangana kia ku bhondalala kué: Mbata jinzambi jé, u Juda, ja soka ni ji sanzala jé mu kuvula.

Izekiiele 17:2

Monʼa diiala, ndoko tá kifika, u zuelele o dibhata dia Izalaiele mu kitùta.

Hozeia 10:1

Izalaiele ua di bhange muvide ua di zandela, uala kuima ngó ibundu phala muene; kia vulu ibundu iê, kiene ue kia di vudixila jikalatódio jê; kala kia uabha oxi iâ, kiene ue kia di iudikila o iteka iâ ia matunda.

Hozeia 10:2

Muẋima uâ ua a kala luiadi, kiene kia kexila ni kuêla; Jihova phe ua kà bula-bula jikalatódio jâ, o iteka iâ u i lunduluila muene bhoxi.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 6:8

Jiliiade iene o sanzala ia akua kubhanga o phulu, usanga ia sotama ni manhinga.

Hozeia 8:11

Mukonda Ifalaíme ua vudisile jikalatódio, jikalatódio ngó ja kutela ituxi.

Hozeia 9:15

Phulu iâ ioso u i sanga mu Jidingale, muenhomo muene mu nga di kumina-nâ; o mukonda dia usuéia ua ibhangelu iâ, nga-nda ku a kaia mʼonzo iami; ki nga-nda ku a zola dingi, kana! Mukonda o ilamba iâ ioso, ala ngó athu a bhukumuka.

Amoji 4:4

Ndenu ku Betele mu bhange ima ia kutondala; ni ku Jidingale mu vudise o ikuma! Imene ioso bhekenu maujitu menu, o ku makumbi a tatu-atatu, zenu ni madijimu menu.

Amoji 5:5

Maji ki mu sote ku Betele, mba muiza bhu Jidingale, ki muie ue ku Beleseba, mukonda, o ku tanga kidi, Jidingale a-nda ku mu ambata ku ubhika, o Betele a-nda ku mu sengulula u xala kilombo ngundu.

Jona 2:8

Oso a kaiela ukumbu ua kubheza iteka, ió a lueza, kuma a sanduka bhuʼotho ia henda ié ia kidi.

Dialuilu 12:6

Uixi: Ivenu maka mami; hé mudienu mu kala polofeta, eme Jihova ngi dʼidikiza kua muene mu kisukila, ngi mu zuelesela ku nzoji.