Hozeia 12:1 - O Mikanda Ikola

¹ Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 12:1 ပူးပေါင်းရင်းမြစ်များ

Dimatekenu 41:6

Kithangana, u mona kua sabhuka dingi sambuadi dia mítue ia masa a tolo, a xoueta ni kitembu kia thunda, a kaiela akuâ mu kusabhuka.

II Jisobha 15:19

Kiene kieza Phulu, sobha ia Asídia, mu kúlua o ixi; Menaheme anga u bhana kua sobha Phulu, midi ia jitalendu ja phalata phala o lukuaku luê lu mu kuatekese o kutulama kiambote ku ungana uaʼxi.

II Malunda 21:11

Iu ua bhange ue matala mu milundu ia Juda; ua bhangesa akua Jeluzaleme kutondala ni akua Juda ua a bhangesa kukaiela kienhiki.

Jobe 15:2

Manhi muthu uejiia, mu ku vutula, u vutula kuijiia kua kitembu? Anga uʼizalesa o divumu diê ni kitembu kia thunda?

Jisálamu 78:36

A mu hanza-phe ngoho ni dikanu diâ, aia ni ku mu tela makutu ni dimi diâ.

Jelemiia 2:36

Eie ua tutumbilahi kiosuʼokio ni ku lungulula njila iê? Ni ku Ijitu kuenhoko a-nda kua ku kuatesa jisonhi, kala kia ku kuatesele-ju ku Asídia.

Jelemiia 22:22

O abidiʼé a-nda kua enga kuala o kitembu, o jimbuẋila jê, ja-nda kuia ku ubhika. Nga tange kidi, kiene kiua kia-nda ku ku kuata o sonhi, anga pholo i ku sonoka, mukonda dia kuiibha kué.

Jelemiia 7:15

Hinu ngi mi texi koko, mu ngi bhue ku mesu, kala ki nga texi koko o jiphange jenu joso, o muiji uoso ua Ifalaíme.

Kuditenda 5:6

Tua leka o maku etu ku akua Ijito ni ku akua Asídia, phala a tu ikutise ni kúdia.

Izekiiele 17:10

Manhi se uòphaphe, u tena kuzediua? Manhi se o kitembu kia thunda ki mu tula, uene uoso ki ua-nda kukukuta? u kukuta muene tundé bhu dibakala diê bhua u kunu.

Hozeia 11:12

Ifalaíme ua ngi kondoloka ni makutu, o Izalaiele uezala ni mangonha; maji Juda hanji ala kutumina ni Nzambi, muene uala fiiele kua Ió Ukôla.

Hozeia 11:9

Ki nga-nda kubhanga kia tumu o njinda iami; Ifalaíme ki nga-nda ku mu sengulula; mbata eme ngi Nzambi, ki ngi muthu, kana; kuma eme ngi Kôla muʼ ʼaxaxe kenu, ki ngene kuuabhela kuia ni kubuikisa.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 4:19

Kitembu kia kibhungu kia a ambatela mu mabhabha mê; jisonhi hádia ja-nda ku a kuata mukonda dia jisata jâ.

Hozeia 5:13

Kioso Ifalaíme kia mono o uhaxi uê, ni Juda kia mono dibhebhu diê, Ifalaíme ua bande kusota Asídia, ua tumu muene jiphunga kua sobha Jalebe, phala nʼa tene ku a kudila; maji muenephe ka tena ku mi saka, né ngó ku miʼlula o dibhebhu dienu.

Hozeia 7:1

O ki ngedi-ze ngʼilule Izalaiele, kua tukuluka o phulu ia Ifalaíme; kua tukuluka ue o ikuma ia Samádia; mukonda ene a bhange mangonha; mbata o muii u bokona mʼonzo, o kilômbo kia ingumba ki bhûndila kunu ku kanga.

Hozeia 7:11

Ifalaíme ue uedi kala diembe dia kilalu, kilunji kala na-kiu; a di tenda kua Ijito, aia ni ku di texila kua Asídia.

Hozeia 8:7

Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.