Hozeia 11:8 - O Mikanda Ikola

⁸ O kiki-phe eie Ifalaíme, ngi kuehelela kiebhi? Ngi ku bhakula kiebhi, eie Izalaiele, tata! Ngi ku bhanga kiebhi kala kia bhiti kua Adama, mba ngi ku kitula kiebhi kala Nzeboíme? Muẋima uami moxi ki u xikina, o henda jami ja bambuka kala túbhia.

Hozeia 11:8 ပူးပေါင်းရင်းမြစ်များ

Dimatekenu 14:8

Sobha ia Sodoma anga u tunda ni sobha Ngomola, ni sobha ia Adama, ni sobha ia Nzeboími, ni sobha ia Bela (muene Zouale), anga a ta o kilômbo kiâ mu dikôlo dia Sedime,

II Samuuele 24:16

Kioso kia zenga anjo lukuaku luê ku thandu dia Jeluzaleme mu ku i buikisa, Jihova u diela divuua dia bheka, anga u ambela anjo iala ku buikisa, uixi: Kuabhu! Lukuaku lué lu suke bhenhobho! Anjo ia Jihova anga i suka bhu dibhiatelu dia Alauna, mukua Jebusi.

I Jisobha 3:26

Muhatu uoso ua vuala monʼa muenhu, bhenhobho u ambela muenexi, kuma henda ia mu kuata ia monʼê, uixi: Aiué! Ngana iami, tata, mu bhane o monʼa muenhu, kana ku mu jibha ngó! Mukuá-phe, uixi: Kana! Ka kale uami, ka kale ué; inda a mu uane!

II Jisobha 13:23

Maji-phe, Jihova ua a kuatelele henda, anga u a lendukila, hé u a sakukila, mukonda dia henda ia kikutu kiê kia tele ni Mbalahamu, ni Izake, ni Jakobo; anga u dituna o ku a jima o mbutu, o bhu pholo iê ue, ka a kaie-bhu luua.

II Malunda 36:15

Anga Jihova, Nzambi ia jitata jâ u a tumikisa o kizuelu kiê ku jiphunga jê. U di meneka muene mu ku a tumikisa na-kiu. Mbata jihenda ja mu kuata ja mundu uê ni ja dibhata diê.

Jisálamu 106:45

U xinganeka o kikutu kiê, hé u diela mukonda dia jihenda jê javulu.

Izaía 16:11

Kienhiki mu mala mua ngi lunguta, kala a mu xika-mu kakoxi, mukonda dia Mouabhe; moxi diami kiene ki muala mukonda dia Kidi-helese.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Jelemiia 18:8

O ki kala o kifuẋiʼokio ki nga kanena, ki biluka kuxa o kuiibha kuâ, kua ngi bhekesa o ku a kanena, eme uami ngi tolola o thulu iami, divuua di nga banzele o ku a bhanga ene, ki ngi di bhange dingi.

Jelemiia 3:12

Katuka-phe, nda u boke o makʼama ku mbandu ia kusuku, uixi: Eie Izalaiele, mbaluke iakime, vutuka! Jihova ua ki tange; o njinda iami ki nganda ku i lunduluila dingi ku thandu dienu; mbata eme ngi mukua Mbote, Jihova ua ki tange, o njinda iami ki nga-nda ku i jijila, katé ku hadia ni hadia, kana.

Jelemiia 31:20

Manhi Ifalaíme ki monʼami ua hate? Kamona kami ka makembu? Mukonda kioso ki ngi zubha ku mu zuela ima ia ku mu bhanga kia ibha, hanji ngi mu xinganeka ni muẋima uoso; kienhiki miẋima moxi i ngi bhuá-mu mukonda dia muene, hanji nga-nda ku mu kuatela henda ia vulu, Jihova ua ki tange.

Jelemiia 42:10

Se mu kalenu muene mʼoxi muenhumu kiambote, kuabhu-phe, eme ue nga-nda ku mi tunga, ki nga-nda ku mi bula, kana; nga-nda ku mi kuna, ki nga-nda ku mi vuza; kuma o ku ibha kuoso ku ngène mu ku mi bhanga, kua ngi kuata ku muẋima.

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Jelemiia 9:7

Kala kiki, Jihova dia Ilombo Ieta uambe, uixi: Talesa-ze, eme nga-nda ku a zunza, anga nga a lola; mukonda-phe, o kilumba kia mundu uami ngeji ku bhanga-nê dingi kiebhi?

Kuditenda 1:20

Talesa, Jihova, o kutata kuosʼuku kua ngʼiza; mídia ia ngi dimbuluka moxi; muẋima moxi ua ngi sandanganha; kuma nga bhange umbalu uaiibha kiavulu; ngedi o bhu kanga xibhata iii i ngi jibha o tuana, o mʼoxi aʼnzu Kalunga-Ngombe iu u nhunga!

Kuditenda 3:32

Kuma, né kia beta muthu hé u mu bheka mu lamba, sai bhua-nda ku mu lendukila, kuma ukaiela kia soko o nzungule ia jihenda jê.

Kuditenda 3:33

Kuma muene o kubeta anʼathu ni ku a bhondeleka, ki kima kia kubhangela vondadi iê.

Izekiiele 33:11

Ambela-u, uixi: Kikola! Eme ngi Jihova Nzambi! Kuma eme ki ngène mu kuuabhela kalunga ka mukua phulu, maji ki ngi uabhela o mukua phulu kudiela ku njila iê ia ibha nʼa kole muenhu; dielenu-phe, dielenu ku jinjila jenu ja ufusa; abha-phe, mukonda diahi mua-ndo fuenu ngoho, enu mu muiji ua Izalaiele, tata!

Izekiiele 6:9

Kienhokio-phe, amoxi-mu mudienu a-nda kua kà ngi lembalala dingi oso a kà bhulaka mu miji iengi ia makanga, kuene kua ambata ku ubhikʼoko; kuma eme nga luuala mukonda dia kubola kua muẋima uâ, ua ngi xisa eme, ni mukonda dia mesu mâ ma landukila undumbu ua iteka iâ. Hádia-phe a-nda ku di kala ni fuokoso eneʼâmuène, mukonda dia kuiibha kuavulu kua bhange mu maufusa mâ moso.

Hozeia 6:4

Eie Ifalaíme, tata, Eme ngi ku bhanga kiebhi? Eie, Juda-phe, Eme ngi ku ila kiebhi? Mukonda o henda ienu iedi kala dituta dia kimene, kala dimume dia kimene-mene, di bhita lusolo.

Hozeia 7:1

O ki ngedi-ze ngʼilule Izalaiele, kua tukuluka o phulu ia Ifalaíme; kua tukuluka ue o ikuma ia Samádia; mukonda ene a bhange mangonha; mbata o muii u bokona mʼonzo, o kilômbo kia ingumba ki bhûndila kunu ku kanga.

Amoji 4:11

Amoxi mu kaxi kenu nga a lungulula o miẋima mukuâ ni Nzambi kia lunguluile Sodoma ni Ngomola; enu-phe, enu mua di bhange kala kixinji kia luhuinhi luókatule bhu jiku! Sumbala kiene, maji hanji-phe mua lémbua kudiela ni mu bhiluke kokuami, Jihova ua ki tange.

Amoji 7:3

Bheneʼobho Jihova u diela anga uamba, uixi: Ki kia-nda kubhita.

Amoji 7:6

Jihova anga u ki diela ue kienhiki. Jihova Nzambi anga u zuela uixi: Kiki ue ki kia-nda kubhita.

Mikeia 5:3

Kala kiki, Nzambi ua-nda kuehelela o mundu uê, katé bhu thembu ia kuila, o ió ua mu sènda ni mika ia kuvuala ua vuala kiá, o muene ue kiene kiua kia kà a bhana. Kieneʼokio o mbandu ia jiphange jê iaxala-ku ia kà vutuka kumoxi ni ana a Izalaiele.

Sofoniia 2:9

Kala kiki, mu kidi kiene, Eme Jihova dia ifuẋi, Nzambi ia Izalaiele, nga lokela muenhu uami kuma Mouabhe ubuika kala Sodoma, anʼa Amone a di bhanga kala Ngomola; o ixi iâ i di bhanga kangu dia môngua, mu sabhuka isása i xixima, i biluka ngundu i nangenena, kuma ene aia muene nzaká, kà moneka dingi. O ió oso a subhuka ku mundu uami, a kà kituka ene tubhinganu tuâ, a subhuka ku athu ami a kʼèza hé a a kuata anga a avua.

Matesu 23:37

Uaué! Jeluzaleme, Jeluzaleme tata! Ua bhingi jipolofeta u ji jibha, akunji a tuma Nzambi ko-kué, éʼ u a bûba ni matadi! Lukuxi luosʼulu lu ngandalele kubhongolola anʼé kumoxi, kala sanji ki i bhongolola tuana tuê moxi a mabhabha, enu-phe nguenu!

Matendelelu 29:22

Oso-phe a kèza-ku ku muiji iú, o anʼa a-nda kubalumuka kioso ki mu bhua-ku enu, ni ene kiá ni oso a kà tunda ku makanga, kioso kia mona o mabhebhu a kà sekalesa oxi iii, ni mahaxi mê moso ma mu nemekana-u Jihova.

Matendelelu 29:23

Mù kuila mua bhiti mbòmbe ia xofidi ni môngua oxi ioso ia seluka iazubha, kuma ia lémbua kuima, ia lémbua kusabhukisa ngó dife dimoxi; mbambe ni kia bhitile mu Sodoma, ni Ngomola, ni Adama ni Nzebouime, a a buikisile kuala Jihova kia mu kuatele o njinda ié ni kutema kuê.

Matendelelu 32:36

Mbata Jihova ua-nda kubatuila o povo iê kiaiuka, Jiselevende jê u a kuatela henda. Kia mona kuila abhânge, alémbua, ki bhua subhuka muthu, né fôlo.

II Phetele 2:6

Ni jimbànza ja Sodoma ni Ngomola Nzambi ua ji bhange uthôkua, ua jʼêlesa ni ji kale ngó jingundu, mbé ji kale kijimbuete kua ió oso enda ni kubhuma.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

Dijingunuinu 11:8

O imbi iâ anga i zeka mu nzunga, mu mbanzʼoio ia dikota, mua jibhilile ue Ngana iâ ku dikulusu. O dijina diê mu ku i tumbula mu kixanga, ela Sodoma, mba Ijitu.

Dijingunuinu 18:18

Anga a di kola, kia talesa o dixi diê mu kúbhia, exi: Mbanza ia dikota, tata! Ki i moneka luiadi!

Afundixi 10:16

Anga a tubhula o jinzambi ja jixi jengi muʼaxaxi kâ, a kala mu bhikila Jihova; muene anga u kala ni muẋima ua kuxinganeka o kusebuluka kua Izalaiele anga u kala ni henda iâ.