Hozeia 11:6 - O Mikanda Ikola

⁶ Xibhata ia-nda ku di ta mu jisanzala jâ, hé ia kà bula jisabhi ku mabhitu mâ, anga ia kà a jikinisa, mukonda dia jiphangu jala kuia ni ku di longesa mudiâ.

Hozeia 11:6 ပူးပေါင်းရင်းမြစ်များ

Jisálamu 106:39

Kienhiki kia di bolesa ni imbamba iâ, a di bhange jindumbu mui ibhangelu iâ.

Jisálamu 106:43

Luavulu muene Ngana ua a kudila; maji ene-phe kene kunanga mu kuxibhaka, enda ni kutunuka mu kudianguka kuâ,

Izaía 18:5

Mbata kuila o thembu ia kumuna ki ieza-bhu luua, kuila ibundu moxiʼa itulu ia di bhange kiá, ji-uva jemi, jeza mù kusuka, euá, jithangu a kà ji solala ku kixina ni imvu, o jithangu ja lebhelela a ka ji batula.

Izaía 27:10

Kuma o mbanza ia di-fikidilʼoio, ia xala ubheka, ia kituka dibhata dia uʼehèlele, a i ambudisa mukuà ni kikangalakata; o tuana tua jingombe tua kà dila mueneʼomo, tua kà zeka mueneʼomo, anga tua kà butulula muene o jithangu jê.

Izaía 30:1

Jihova uambe, uixi: Kokolo dia ana oso a bhukumuka, a mu tambula phangu kuengi, o kokuami kana; ia a di futu ni divunga diengi, ki diene dia tundu kua Nzumbi iami; mbé o ku bandekeza kituxi ku thanduʼa kituxi.

Izaía 9:14

Kienhiki Jihova ua-nda kubatula Izalaiele o mútue ni mbunda, ni luthangu ni lumbamba, mu kizuua kimoxi kiene.

Jelemiia 5:17

Ene hinu a kàdia o itula ié, ni mbolo ié ia tokalele anʼé a mala ni anʼè a ahatu; jimbudi jé ni jingombe a kà kudia-ju; a kà dia ue ni muvide ué ni mufiku ué; o jimbonge jé ja makota ji ua dielela a-nda ku ku senguluila-ju kuala o xibhata.

Jelemiia 50:35

O xibhata ia-nda kuiza ku thandu dia akua Kaldeia, Jihova ua ki tange, ni ku thandu dia ia a tungu mu Babilonha, ni ku makota mê ma jingana ni ku jingijiie jê.

Kuditenda 2:9

Imabhitu iê ia lundumuka bhoxi, ii ia di lâmbela koxiʼa mavu ku ia lundumukina; o jisabhi jê muene ua ji bukujula ni jitalanga jê; ni sobha iê ni ilamba iê, iá nanga kiá muʼaxaxi ka ifuẋi iengi, mua bhingi ki muene dingi kitumu mba kubazela; o muenhomo jipolofeta jê, ki ji kala dingi ni lumono lua Jihova, lémbue.

Izekiiele 20:47

Uambele o ditutu dia Sulu kuila: Ivua o maka ma Jihova: Jihova Nzambi uambe kiki: Tala, o momuʼé nga-nda ku bambula-mu túbhia tua ka jikatesa o miẋi ioso ia uisu ni miẋi ioso ia kukuta; o mulengu uia ni kulekujuka ki ua kà jima dingi, inda o pholo joso ja kà jokota ni mulengu uenhó tundé ku sulu katé ku suku.

Hozeia 10:14

Kala kiki, mu jimbanza jenu mua-nda kubalumuka kibulukutu kia ita, o jimbonge jenu a-nda ku mi muangena-ju, mukuâ ni Xalumane kia muanga-muanga Bete-Halubele mu kizuua kia ita; bhu kumbi dienhódio bhene bhua sasujuila o mama ni tuana tuê.

Hozeia 10:6

Asídia ue a kà mu bhakula kala ujitu kua sobha Jalebe. Ifalaíme ua-nda kubonga malebhu, o Izalaiele sonhi janda ku mu kuata mukonda dia mahamba mê.

Hozeia 13:16

O Samádia kuêla kua kikuma kiê ua kʼenda na-ku, kuma ua kà senguluka, mukonda ua kitukila Nzambi iê; anʼê a ka a sasujula mbata a kà di bhala ku xibhata, o mavumu ma akajiʼâ oso emita, hinu a kà a tandula muene muaʼaxaxe.

Hozeia 4:16

Mukonda Izalaiele ua baluka kala ki baluka o mamʼa ngombe; o kiki-phe Jihova ua-nda ku a enga kala kambudi mu kikála kia zanze.

Hozeia 4:17

Ifalaíme ua di bhakula kiá ku mahamba; mu ehienu!

Ijila 26:25

Oko kuthandu dienu ngi bheka-ku kiá xibhata, iene anga i mi bhanga-kiu mu kuvutula o phonzo ia kikutu ki tua tedienu-di; anga ngi mi phopha muene kiambote hé ngi mi tula mu jisanzala jenu; kiene kiua ki ngi mi tumikisa o dibhebhu mu kaẋi kenu, anga ngi mi bhakula ue bhu maku a jinguma.

Ijila 26:31

O jisanzala jenu nga kà ji sengulula, o ididi ienu ia kubhezela nga kà i solala, o dizumba dinuha kiamboteʼokio di mu ngi tela Eme, ki nga kà di suua dingi.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.

Amoji 6:8

O Jihova, Nzambi, ua di lokela muene ku muenhu uê, o Ngana, Nzambi ia Ilômbo Ieta, uambe kuila: Kudizangeleka kua Jakobo kua ngi kala kima kia kisunji, o mazemba ma jinzu jâ ja matala, nga di zemba na-ju muene; kienhiki, ni mbonge ni ioso ialamu, nga-nda ku i bhakula muene.

Mikeia 5:11

Anga o jisanzala joso mu ixi ié nga kà ji muanga-muanga, ni jimbonge jê joso ja masuamenu nga kà ji lundumuna.

Malakiia 4:1

Talesenu mukonda, kizuua kiókio kia-nda kua kèza, kiza ni kuuama kala kidijiku kia túbhia tua muzukuta, ene oso a di zangeleka, akua izala, ni iá oso a bhanga ima ia ufusa, a kèla kala iangu ia mbúdila; mu kizuua kiókio kiala kuiza-ku, a kà uama muene katé abhu-bhu, kiene kia tanga Jihova dia Ifuẋi; ki bhua kà a xala lundanji né luthangu.

Matendelelu 28:52

Sanzala jé joso ja kà sekala, kuma a kà ji kondoloka ku jinguma; o imbaka ié ioso iamakota i ua dielelele, ia ku fikidile kiambote, a i lundumuina bhoxi. Mu ididi ioso mu uatungu ua kà kala ni mukondo, a kà ku kondela bhu mielu ioso katé kiá kua suku oxi ioso ia-nda ku ku bhana Jihova Nzambi ié.

Matendelelu 32:25

Anga mu ila: ku kanga xibhata i ídia, dia, moxi kimbuua kijeja. Ki kala o munzangala ua diiala, ki kala o mona-kilumba kiluua ejiia diiala; ki kala o mona bhu maku, ki kala o velu mukua jinvi,