Hozeia 11:2 - O Mikanda Ikola

² Uila Eme ki nga jiji ni ku a exana, ene uâ kiene kia kuata kuendelela dingi ni kusondoloka bhu mbandu iami; a bhakula jisata ku jibaale, oha uasu ua dizumba ku iteka ia kusonga.

Hozeia 11:2 ပူးပေါင်းရင်းမြစ်များ

I Jisobha 12:33

Anga u banda mù satela ku kalatódio ka bhangele mu Betele, mu kizuua kia kuinhi ni kitanu, kia mbeji ia solele muene ku muẋima uê; kienhiki hé u bhangela anʼa Izalaiele fesa anga u satela ku kalatódio, uoha uasu ua dizumba.

I Jisobha 18:19

Kala kiki-phe, tuma ku ngi bhongoluela Izalaiele ioso ku mulundu ua Karmelo ni hama jiuana ni makuinhʼatanu a jipolofeta ja dihamba dia Bahale ji bhongoloke ue, ni hama jiuana ja jipolofeta ja dihamba dia Asela ala kudia o makudia a tunda ku mezʼa Jezabele.

Nehemiia 9:30

Eie-phe ua a vungina ni kilendu kié mu mivu iavulu, anga u kuata ku a bazela ni Nzumbi ié, mu ukunji ua jipolofeta jé; maji ene-phe nguaʼuâ ku ku bhana mátui; kia ku bhangesa ku a bhana bhu lukuaku lua ifuẋi ia akua jixi.

Izaía 65:7

Jihova uambe: O ikuma ienu, ni ikuma ia jitata jenu bhamoxi, a kexe mu kuoha o fumasa ku milundu, anga a ngi ẋonguena ku tuthuthulundu; kienhiki ngi vutukila ku a zongela o futu ia ikalakalu iâ iòkulu anga ngʼa lukuila-iu bhu homba iâ.

Jelemiia 18:15

Kienhiki o mundu uami ene ku ngi jimba muene, hé a kuata kuohela uasu ua dizumba ku lusebu; ia a tu bhangesa ku di bhukana mu jinjila jâ ni mu ikoka ia xahulu, phala nʼendele mu ikoka iengi ki iòsengulule;

Jelemiia 35:13

Jihova dia Ifuẋi, Nzambi ia Izalaiele, uambe kiki: Ndé, ka tangele mala a Juda ni iá a tungu mu Jeluzaleme: Manhi ki mungu dingi mu xikina ku mi longa, phala ni muivue o maka mami? Jihova ua ki tange.

Jelemiia 44:5

Maji ene nguâ kubhana mátui; mba a bheteka dítui diâ nʼa diele ima iâ ia ibha, nʼehe kuia ni kuoha uasu ua dizumba ku jinzambi jengi.

Hozeia 11:7

Mbata o mundu uami uejidila ku ngi baluka; o kia exana kuiza kua Suke-ku, ki bhuala muthu u xikina ku ki bhanga.

Hozeia 2:13

O izuua ia bheza jinga Baale, nganda ku mu bhela-iu muene o kastiku kê, kia kexe ku mu bhangela o dixi dia dizumba, ni ku mu kembela ni jibixa ni malenge moso, hé uia ni kukaiela o jisaii jê, iu ua ngi landuka jinga, eme ngi Jihova.

Hozeia 4:13

A bhana jisata ku thandu dia milundu, a bhanga dixi dia uasu ua dizumba ku malundu onéne, ni bhu ixina ia miẋi ia di zandela ia mikaluvádiu, ni jixopo, ni jitelebindo, mbata o kilembeketa kia di xala-bhu; kiene ki bhekela anʼenu a ahatu ku kituka jihabhu, ni akaji a anʼenu kuta jiphànda.

Hozeia 4:17

Ifalaíme ua di bhakula kiá ku mahamba; mu ehienu!

Zakadiia 1:4

Ki mu kale kala o jitata jenu, a a bokelele jinge kuala o jipolofeta ja diangelè-ku kuila: Jihova dia Ilombo, uambe kiki: Dielenu kindala mukonda dia ikalakalu ienu ia bolo ni jinjila jenu ja iibha; maji-phe, ene a di tunine o kuívua, mba ngó ku ngi bhana mátui, kiene kia tange Jihova.

Zakadiia 7:11

Ene-phe anga a ditunʼâ kuívua, mu kubhukumuka kuâ a ngi bhana dikunda, mátui mâ a ma jika phala a lémbue kuívua.

Luka 13:34

Uaué, Jeluzaleme! Jeluzaleme tata! Ua bhingi o jipolofeta u ji jibha, o akunji Nzambi a ku tumikisa, eie u a bûba ni matadi! Lukuxi luosʼulu, lu ngandalele kubhongoloka o kifuẋi kia mundu uê uoso, kala ki bhanga o sanji tuana tuê moxiʼa mabhabha, enu-phe ki mu xikina!

Nzuá 3:19

O kuêla kuenhuku: O mukengeji ueza mu ngongo, maji athu-phe a beta kuzola o kitombe, mukengeji ua a kala ndenge, mukonda ima iâ ia bhanga iaiibha.

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Afundixi 10:6

Anʼa Izalaiele anga a tona dingi kubhanga kiaiibha mu mesu a Jihova, a kala mu bhikila Jibaale, ni Jitalote, o iteka, ni jinzambi ja Sídia, ni jinzambi ja Sidone, ni jinzambi ja Mouabhe, ni jinzambi ja anʼa Amone, ni jinzambi ja akua Fidíxia, Jihova anga a mu baluka, a mu xa, ngua-uâ ku mu bheza.

Afundixi 2:13

Kuma a xisa muene Jihova, hé a kala mu bhikila Baale ni Jitalote.

Afundixi 3:7

Anʼa Izalaiele anga a bhanga kiaiibha ku mesu a Jihova, kuma Jihova, Nzambi iâ, a mu jimbi hé a bhikila Jibaale ni iteka ia Jitalote.