Hozeia 11:12 - O Mikanda Ikola

¹² Ifalaíme ua ngi kondoloka ni makutu, o Izalaiele uezala ni mangonha; maji Juda hanji ala kutumina ni Nzambi, muene uala fiiele kua Ió Ukôla.

Hozeia 11:12 ပူးပေါင်းရင်းမြစ်များ

Dimatekenu 2:11

Ngiji imoxi dijina diê Pixone; iene ia kondoloka o ixi ioso ia Havila, muala o ulu;

Dimatekenu 32:28

Uixi dingi: Dijina dié ki di kala dingi Jakobo, di kala kia Izalaiele; kuma ua bhânge ni Nzambi, ua bhânge ni athu, ene oso ua a lende.

Jisálamu 78:36

A mu hanza-phe ngoho ni dikanu diâ, aia ni ku mu tela makutu ni dimi diâ.

Izaía 29:13

Mbata Jihova uambe, uixi: Manhi o mundu iú a ngi zukama, ala ku ngi xila ngó ni dikanu diâ, ni mizumbu iá, maji o muẋima uâ ua di sandula dikanga kokuami, o uoma uâ ua ngi kuatela uala ngó mu ijila ia athu, iejiia mu kilunji.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Hozeia 10:13

Mua dimi phulu, enu mua bhongolola ituxi; ibundu i muá-di, ia tundu ku makutu; mbata mua dielela ku ima i mu funha mu ilunji ienu, ni ku ndumba ia makuenze a ita a mi vudila.

Hozeia 12:1

Ifalaíme uala ku di dikila ni kitembu, kumbi dioso dia kambamba u kaiela kitembu kia thunda; u nangena ku vudisa makutu ni kibuika izuua ioso; o kikutu u ki ta ni Asídia, maji mê uia mu ku mabheka ku Ijito, kuma diene o dibhôko dia mu bhana.

Hozeia 12:7

Ifalaime ua di banga ngenji ia kufuna mauenji, o pezo ia kufumba naiu athu iene ia mu kala bhu maku mê; ua uabhela kudia mangonha.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 4:2

Maji kiala-mu ngoho o kuloka mu kingoho ni kutanga makutu, ni kujibha, ni kunhana, a ta jiphanda, kutunda ufumbe, kubhingana ufumbe ni ku di jibha.

Hozeia 7:16

Ene, o kia vutuka, kana, ka vutuka kua Suke-ku; a di bhange kala uta ua mufula ua ngangamana, u landukisa ngó; o ilolo iâ ia kà laúka ku xibhata, mukonda dia isuéia uâ ua a kala bhu dimi; o kienhiki hinu a-nda ku a tela-kiu kabáxia mʼoxi ia Ijitu.

Hozeia 7:3

Muenexi a mu sangulukisa ni usuéia uâ, o ilamba iâ a i sangulukisa ni makutu mâ.

Mikeia 6:12

Kuma o jimvuama jenu jezala kusuína, o akua diʼembu diê a zuela makutu, o dimi mu kanu diâ diejidila o kulunguluka ni kunganala athu.

I Kolindo 6:2

Inga enu ki mua kʼ ijiia kuma athu a Nzambi hadi a kà fundisa o mundu? Se muedi kuma ene a kà fundisa o mundu, kifua tumilonga tuofele tutu mu tu tokoka?

Dijingunuinu 1:6

iu ua tu bhake ku usobha ni unganga mbè tuende ni kubhikila Nzambi Tata iê. O kua Jezú Kristu muenhó kukale o fuma ni kutumina mu mivu ni mivu sè dizubhilu! Amén!

Dijingunuinu 3:21

Uoso u tolola, ngi mu bhana o kuxikama nʼeme bhu kiandu kiami, uila eme ki nga tolola, eme nga xikama ni Tata iami bhu kiandu kiê.

Dijingunuinu 5:10

Eie ua a bhake ku usobha ni unganga ua Nzambi ietu, ene hinu à kala mù tumina mu ngongo.