Hozeia 11:11 - O Mikanda Ikola

¹¹ Akua Ijito a kʼèza ni kuteketa kala tunjila, o akua ixi ia Asídia a kʼèza ue mukuâ ni diembe, anga eme ngi a bhangesa kutunga mu jinzo jâ ene,—kiene kia tange Jihova.

Hozeia 11:11 ပူးပေါင်းရင်းမြစ်များ

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 60:8

Akuahi iá a mu kuijiia bhulu a diambatesa kala matuta, a mu kuiza ni kutuka bhulu kala membe aia bhu tunjanena tuâ?

Jelemiia 31:12

Kienhiki-phe, a kèza hé a kà sanguluka bhu ditala dia Ziione, a kà lengela ku mbote ia Jihova, ku tidiku ni ku makúnua, ni ku maji, ni ku tumbudi, ni tungombe; anga muenhu uâ ua kèla kala jindombe jʼòtekele, ki mungu dingi enda ni mukondo.

Izekiiele 34:27

O miẋi ia mukáu ia kà lukula o ibundu iê, mavu a-nda kubhana o idima iâ, anga ja kà kala ni kukondama mu ixi iâ; hé a kà kʼijiia kuila eme ngi Jihova, kioso eme ki nga-nda kubukula o jimbangala ja a bhikisa jinga na-ju, anga ngi ji bhulula bhu lukuaku lua iá a kexile mu ku a bhikisa.

Izekiiele 34:28

Ki ja-nda kukituka dingi mbole ia uiii ua akua matumbu, mba ji diua dingi ku iama ia ngongo; hé ja kà tunga ni kutululuka kua soko, ki bhu kala dingi muthu u ji sasumuisa.

Izekiiele 37:21

Hé u a ambela-phe, kuma: O Jihova Nzambi uambe kiki, uixi: Talenu, kuma o anʼa Izalaiele nga-nda ku a katula muʼaxaxe ka miji mua di takuila, hé ku jimbandu joso ngʼa bhongolola-ku, ni nga a bheka mʼoxi iâ.

Izekiiele 37:25

Hé a kà tunga mu ixi i nga bhana kua mubhikʼami Jakobo, mu ixi mua tungile o jitata jenu; hé a kà tunga muenhomo, ni ene ni anʼâ, ni ana a anʼâ, katé ku hádia ni hádia; o Davidi, dia mubhikʼami, muene u kala-mu o muadiakimi, katé ku mivu ni mivu ki iene kúbhua.

Hozeia 3:5

O ku hádia-phe anʼa Izalaiele hinu a kà vutuka dingi, anga a kà sota Jihova Nzambi iâ, ni Davidi, sobha iâ; anga ni kuteketa a kà sota ku xila jinga Jihova ni mbote iê, mu izuua i sukidilaku.

Hozeia 7:11

Ifalaíme ue uedi kala diembe dia kilalu, kilunji kala na-kiu; a di tenda kua Ijito, aia ni ku di texila kua Asídia.

Obadiia 1:17

Maji-phe ku mulundu ua Ziione kua kala kubhanduluka; kuá kala kuiuka kuma mulundu ua kà kala mulundu ukôla; anʼa Jakobo a kà lundula mabhata mâ.

Zakadiia 10:10

Mukonda eme nga-nda ku bhangesa kuila a kà vutuka mu ku tunda ku Ijito, nga kà a bhongolola muene mu ku tunda ku Asídia, hé nga kèza-nâ mʼoxi ia Ngiliiade ni mu Libanu, ki kua-nda kuà kala kididi ki soka phala ene.

Zakadiia 8:7

Jihova dia Ilombo Ieta uambe: Tala-ze, nga kà bhulula mundu uami ku ixi i kala ku tundila o dikumbi ni ku ixi i kala ku tudila o dikumbi.

Zakadiia 8:8

Nga kèza-nâ; a kà tunga muʼaxaxi ka Jeluzaleme. Ene a kà kala mundu uami, eme nga kà kala ngi Nzambi iâ, mu kidi ni mu kufundisa kua iuka.