Hozeia 10:5 - O Mikanda Ikola

⁵ Akua bhata mu Samádia a-nda kuteketa mukonda dia kiteka kiâ kia kangombe ka Bete-Avene; o mundu uê ua kà ta jingololo mukonda diê, o kibuka kia jinganga ja iteka iâ a kà teketa mukonda dia matunda mâ ma di boto.

Hozeia 10:5 ပူးပေါင်းရင်းမြစ်များ

II Jisobha 10:29

Maji-phe, o Jehu muene ka batuka mu ku kaiela o ituxi ia Jelobouamu, monʼa Nebate, ua bhangesele Izalaiele ku ta ituxi, iene-phe ia tungombe tua ulu tua kexila mu Betele ni mu Dane.

II Jisobha 17:16

O ijila ioso ia Jihova, Nzambi iâ, a i xisa, ià a di iudikila mahamba ma utadi ua kuzunza, tungombe tuiadi; ià a bhange kiteka kimoxi kia muxitu; a fukamena o kifuẋi kioso kia diulu; ià a bhikila o dihamba dia Bale.

II Jisobha 23:5

O jinganga joso ja tele-ku o jisobha ja Juda phala kuenda ni kuohela o uasu ua dizumba bhu ididi ia di-leka mu jisanzala ja Juda ni mu ikanzu ia Jeluzaleme, muene ua ji katula-ku; ua katula-ku o jinganga ja kexile mu kuohela uasu ua dizumba kua Baale, ni ku dikumbi, ni ku mbeji, ni jithéthembua, ni ku kifuẋi kioso kia diulu.

II Malunda 11:15

Muene iu ua di sotela jinganga jêmuène, mbé o kusatela bhu ididi ia di leka, ni madimonho, ni tungombe tua iudika muene-muène.)

II Malunda 13:8

O kiki hanji mua te muẋima ua kuhandamena kúlua ni utuminu ua Jihova, uala bhu maku ma anʼa Davidi; kiene muene, enu muala mu kifuẋi kia dikota, o tungombe tua ulu tua mi bhangela Jelobouamu, ni tu kale jinzambi jenu, muala na-tu.

Izaía 46:2

A kotama, a lembuela bhuamoxi; a lémbua ku di katula o kimbamba kia ílumbua iâ, maji o muenhu uâ ua bokona mu ubhika.

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Hozeia 4:15

Eie-phe, Izalaiele, se ua solo o kudikasanesa, Juda-phe kana ku mu ta mu kituxi kié; kana kuiza bhu Jidingale, ki mu bande ue ku Bete-Avene, ki mu loke kuamba: Ni Jihova muenhú!

Hozeia 5:8

Xikenu mbungu mu Jibeia, koloneta i tende mu Lama! Kolenu nzongo mu Bet-avene! Aluka-phe eie Bejamí, kia ku iza-ze!

Hozeia 9:1

Kana-phe kutumbujuka ni ngalasa, eie Izalaiele! Kana kukala mu kutana kala o miji ia mukuá kʼejiia Nzambi! Mbata eie Nzambi ié ua mu baluka kala muhatu ua kidianzunga; o futu ia kidianzunga iene i u a fulamena bhu mazanzu oso a kuanekena o tiliku.

Hozeia 9:11

O Ifalaíme-phe kijingo kiê kia-nda kutuka mukuâ ni njila; ki bhua-nda kukala luvualu, ki bhua-nda kukala mona, ki bhua-nda kukala kuimita mba ngó kusangita, lémbua.

Amoji 3:14

Kizuua ki nga kà tata phonzo ia kutondala kua Izalaiele ku thandu diê, nga kà vutula ue phonzo ia jikalatódio mu Betele; jimbinga ja kalatódio a kà ji batula, ja kà sonoka bhoxi.

Sofoniia 1:4

Nga kà sunununa lukuaku luami kua Juda mu kuzoka-nê, ni kua ene-oso a tungu mu Jeluzaleme, anga ngi zubha kujikinisa mu kididi kiki ió oso a subhuka kua Baale, ni dijina dia akua kubhakuila iteka ni jinganga jâ;

Jipoxolo 19:27

O ki tualʼ iki-phe, se ki tu dimuka, ni ufunu uetu uene uanda kudibota! Ki bhene-phe ngó bhu ki suka! Ni Tembulu iene ia kiteka kia dikota kia muhatu Diiana, anda ku i kita kingoho, katé ni muene Diiana, ene ku mu bheza kuala Azia ioso, ni athu oso mu ngongo, hinu a mu katula o kijingu.

Josuué 7:2

Josuué anga u katula athu bhu Jedikó, u a tuma ku Hai, kua zukama Bete-Avene, ku mbandu ia thunda ia Betele, anga u a ambela, uixi: Bandenu hanji mu londe ixi. Anga a banda a londa Hai.

Afundixi 18:24

Muene-phe, uixi: Mua ngi tambula jinzambi jami ji nga iudika, kumoxi ni nganga, iene ioso muaii na-iu; eme kua ngi xala-hi? Muala kuila kiebhi; uandala-hi, mba ihi kia kukuatʼá?