Hozeia 10:4 - O Mikanda Ikola

⁴ O mu kuta ikutu ni akuâ, a vudisa maka ma kingoho ni kuloka ngó makutu; bhuanda ku a tula-phe kaxtiku ka a sabhukila kala ki buingita o kisasa kia ikolakola mu mbondongolo ja mibhanga, ku mábhia.

Hozeia 10:4 ပူးပေါင်းရင်းမြစ်များ

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Hozeia 4:2

Maji kiala-mu ngoho o kuloka mu kingoho ni kutanga makutu, ni kujibha, ni kunhana, a ta jiphanda, kutunda ufumbe, kubhingana ufumbe ni ku di jibha.

Hozeia 6:7

Maji ene o kikutu a ki matuka, kala kia bhange Adá; ia a ngi balukila, ni ku ngi bhanga phulu.

Amoji 5:7

Mbata enu ufundisilu ua iuka mua u lungulula kibaka kia kulula, kubatula o milonga mu kidi mua ki takuila bhoxi.

Amoji 6:12

O tubalu tu tena kulenga mu kaxi ka matadi? Inga ku matadi a tena ku dima-ku ni jingombe? Enu-phe o kubatula milonga mua ku kitula kima kia lulu. Ibundu ia kuiuka ni kufundisa mu kidi, mua i kitula ibundu ia kingululu.

Jipoxolo 8:23

Kuma nga ku mono uezala mu luimbi, luimbi luedi kala ndululu mu kulula, eie uafu mu múkala ua ituxi.

Loma 1:31

akua undumbu, kima kia bangana ka ki kumbidila, a kaka, ka moneka henda ia muthu.

Matendelelu 29:18

Ki bhu kale-phe diiala muʼaxaxi kenu, mba muhatu, mba diembu, mba kibuka kia muiji, nʼa kala ni muxima u ẋanjuka kua Jihova Nzambi ietu, hé u di ta mu bheza o mahamba ma miji iii; phala muʼaxaxi kenu ki mu kale kima ki sabhukisa lundanji lualulu.

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

Matendelelu 31:17

Mu kizuua kienʼokio bhene-phe kiá bhua-ndu uamena o kutema kuami, anga ngʼa ehelelela, pholo iami ngi i lungisa kiá kuengi, phala a a jikinise; a-nda kutala hadi ni jiphaxi javulu, anga a kʼèla: O hadi ioso iii ia tuʼijila mukonda Nzambi ietu muʼaxaxi ketu kʼala-mu, ki kiene?

II Timote 3:3

Ka moneka henda ia muthu, kene kuloloka, akua kutatela ngó akuâ, keji kufikisa jihanji, a kaka, a di zemba ni ima iambote.

Jihebeleu 12:15

Muila ni ku di langa kiambote, phala mudienu ki mu kale muthu u tokoka o kiadi kia Nzambi. Di langienu, phala ki bhu kale muthu uila kala muxi ua lulu, u sabhuka, ni u mi tatese, hé u sambukisa athu avulu ni ndululu iê ia kulula.