Hozeia 10:14 - O Mikanda Ikola

¹⁴ Kala kiki, mu jimbanza jenu mua-nda kubalumuka kibulukutu kia ita, o jimbonge jenu a-nda ku mi muangena-ju, mukuâ ni Xalumane kia muanga-muanga Bete-Halubele mu kizuua kia ita; bhu kumbi dienhódio bhene bhua sasujuila o mama ni tuana tuê.

Hozeia 10:14 ပူးပေါင်းရင်းမြစ်များ

Dimatekenu 32:11

Ngi kudile, nga ku diondo, bhu lukuaku lua kota diami, o lukuaku lua Izaú; kuma nga mu kala ni uoma mba uiza u ngi kuama, ni mama ni ana kumoxi.

II Jisobha 17:16

O ijila ioso ia Jihova, Nzambi iâ, a i xisa, ià a di iudikila mahamba ma utadi ua kuzunza, tungombe tuiadi; ià a bhange kiteka kimoxi kia muxitu; a fukamena o kifuẋi kioso kia diulu; ià a bhikila o dihamba dia Bale.

II Jisobha 17:3

O Salamanazale, sobha ia Asídia, hé u banda mu kulua-nê; Ozeia hé a mu kitula mubhika ua Salamanazale anga uenda ni ku mu bhana lubhaku.

II Jisobha 18:33

Manhi o jinzambi ja akua jixi jengi, ja tena kuila, kala nzambi i bhulula o ixi iê, bhu lukuaku lua sobha ia Asídia?

Izaía 17:3

O mbonge ia Ifalaíme ia kà suka bhenhobho, ni mbanza ia Damasku, ni masubhu ma Sídia; a kà kala mukuâ ni kijingo kia anʼa Izalaiele, kiene kiambe Jihova dia Ilômbo Ieta.

Izaía 33:14

Akua-ituxi mu Ziione uoma ua a kuata, akua-mangonha kua a tula kiteketela. Mukuahi mudietu u tena kutunga bhuamoxi ni mulengu ki uene kujima?

Jelemiia 13:14

Hé nga a sasujula ni ku a bekujula ku akuâ, jitata bhuamoxi ni anʼâ, Jihova ua ki tange, uixi: Ki nga-nda ku loloka, ki nga-nda ku kondejeka, mba ku a kuatela henda, kuila ngi kamba kua buikisa.

Jelemiia 48:41

Jimbânza a ji tambula, o jimbonge a ji bhundu, bhu kumbiʼ-ʼodio o muẋima ua mazonda ma Mouabhe, ua kà di bhanga kala o muẋima ua muhetu kia kala bhu mika ia kuvuala.

Hozeia 10:15

Betele kiene ue kia-nda ku mi bhanga, enu mu akua bhata dia Izalaiele, mukonda dia kuiibha kua ituxi ienu; o kibuika kia sobha ia Izalaiele kia kà di meneka muene mu kimene-mene munhá.

Hozeia 13:16

O Samádia kuêla kua kikuma kiê ua kʼenda na-ku, kuma ua kà senguluka, mukonda ua kitukila Nzambi iê; anʼê a ka a sasujula mbata a kà di bhala ku xibhata, o mavumu ma akajiʼâ oso emita, hinu a kà a tandula muene muaʼaxaxe.

Amoji 3:14

Kizuua ki nga kà tata phonzo ia kutondala kua Izalaiele ku thandu diê, nga kà vutula ue phonzo ia jikalatódio mu Betele; jimbinga ja kalatódio a kà ji batula, ja kà sonoka bhoxi.

Amoji 3:8

Hoji se ia didi, nanhi u kamba ku kala ni uoma? O Jihova, Nzambi, se ua zuela, nanhi u kamba kuzambula ni upolofeta?

Amoji 9:5

Kuma Jihova, Jihova dia Ilômbo Ieta, Muene ngó ua bhingi kuila se oxi u i tuta ngó, iene i sengumuka, o ene oso a tungu-mu a dila jingololo ja kalunga! O ixi iene-phe ienda ni kubanda kala kihonga kionéne kia mu di bhanga masenza, hé ia kà jikinina mukua ni ngiji ia Ijitu.

Mikeia 5:11

Anga o jisanzala joso mu ixi ié nga kà ji muanga-muanga, ni jimbonge jê joso ja masuamenu nga kà ji lundumuna.

Nahumu 3:10

Sumbala kiene, maji muene ue a mu ambata aii-nê, ku ubhika; katé ni tuana tuê a tu sana-sanena mu jihota joso ja jinzunga; o ilamba iê ioso anga a i tela jisorte; ni makota mê moso a a kuika ku malubhambu.

Nahumu 3:12

Jimbonge jé joso ja imbaka phala dilengelu, ja kèla kala mifiku iala ni ibundu ia jifiku ja dianga kúbhia, bhu thembu ki ia tokala jisambatende; se a ji nhikisa ji lalumukina kiá mu kanu dia ió ua-nda ku ji dia.

Habakuke 1:10

Muiji uenhú jisobha joso a ji tobhesa, a bhanga kasekelu ku anʼa jimbanza, o kia talesa o jimbonge jâ, a jiʼolela, kuma mu ku ji tutila nzungule ia mavu, a kà ji tolola hé a ji tambula.