Hozeia 10:13 - O Mikanda Ikola

¹³ Mua dimi phulu, enu mua bhongolola ituxi; ibundu i muá-di, ia tundu ku makutu; mbata mua dielela ku ima i mu funha mu ilunji ienu, ni ku ndumba ia makuenze a ita a mi vudila.

Hozeia 10:13 ပူးပေါင်းရင်းမြစ်များ

Jobe 4:8

Ku uialelu uami, ngene mu mona kuma oso a bhanga ikuma, a kuna ima ia ibha, iene muene ia bhongolola.

Jisálamu 33:16

Sobha ka fike kuila kilômbo kia dikota ki mu bhana kulenda; dizonda ue ka di fiiale o nguzu iê iavulu.

Jisálamu 52:7

Diene-ze o diiala dia ditunu Nzambiʼidi, mù kala kimbaka kiê; iu ua di fiiala o jimbongo jê kuvula, hé u di fikidila mu usuéia uê.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisabhu 1:31

Kala kiki-phe, a kà diaula-ku ku kibundu kia tundu ku uendelu uâ, anga jiphangu jâ-ene muene jʼa kuma.

Jisabhu 12:19

Mizumbu ia kidi, itunga i soma; dimi-phe di tanga makutu, dinanga ngó kathangana.

Jisabhu 13:2

Muthu uádia ku mbote i tunda ku kibundu kia dikanu diê; maji o muenhu-phe ua ibalukutu, kúdia kuâ, kikote.

Jisabhu 19:5

Mbangi ia makutu, katena ku di zula mu mulonga; o u tanga o makutu, ka tena kubhuluka.

Jisabhu 22:8

Uoso u kuua usuéia, u bhongolola phulu; o ku pholo ku aia, a mu iokojola.

Ndongixi 9:11

O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

Izaía 17:11

o mu kizuua ki ua kà i phapha, u i bhangesa kusabhuka ni kukula, o ki kúkia mu kemene hé ua ká bhangesa kuila mbutu iê ime; hanji, o idima iòbhongolole ia kà di bota mu kizuua kia malamba ni misusu ia vulu ki i xikina ku i saka.

Hozeia 11:12

Ifalaíme ua ngi kondoloka ni makutu, o Izalaiele uezala ni mangonha; maji Juda hanji ala kutumina ni Nzambi, muene uala fiiele kua Ió Ukôla.

Hozeia 4:2

Maji kiala-mu ngoho o kuloka mu kingoho ni kutanga makutu, ni kujibha, ni kunhana, a ta jiphanda, kutunda ufumbe, kubhingana ufumbe ni ku di jibha.

Hozeia 4:8

A di dikila ituxi ia mundu uami, miẋima iâ iezala kaluaki-luaki, kuma a bhindamena kumona akua mundu uami kubhanga kiaiibha.

Hozeia 7:3

Muenexi a mu sangulukisa ni usuéia uâ, o ilamba iâ a i sangulukisa ni makutu mâ.

Hozeia 8:7

Kuma a kunu kitembue, ia a-nda kumuna kibhungu; ki bhuala díbhia dia kumuna; o iangu ia hatu ki i tena kutunda fuba, lémbua; né i bhana fuba, a kà i dia kuala athu akua jixi jengi.

I Samuuele 24:14

Ki tualʼiki, nanhi ua katula muenexi ua Izalaiele ku Mbanza? Ua tundu mu kuseia-hi? Mu kuseia ímbua ia di fuila? Inga mu kuseia mbuanana?