Hozeia 10:11 - O Mikanda Ikola

¹¹ Mbata Ifalaíme ua di bhange mukua ni kangombe kʼolonge, kʼejidila kiá kutitidila masa ni tiliku bhu dizanzu; maji mu xingu iê muene mua uabhʼomo, muene mu nga-nda kutula o kanga iami; Ifalaíme nga-nda ku mu kutila ku dikalu kala kabalu; o Juda ua-nda kudima, jakobo anga u kaiela ni kubula makende.

Hozeia 10:11 ပူးပေါင်းရင်းမြစ်များ

Izaía 28:24

Mbé o kidimakaji u dima mavu mu kumbi dioso dia kambàmba, nʼeza kiua mu kuna? Inga o mavu mê u ma kanda kizuua kioso, nʼa ma bula-bula ngó?

Jelemiia 28:14

Mbata Jihova dia Ifuẋi, Nzambi ia Izalaiele, uambe kiki, uixi: Bhu xingu ia akua jixi joso jiji nga te-bhu jungu ia felu, phala kubhikila Nabukodonozolo, sobha ia Babilonha; a-nda ku mu bhikila muene; katé ni iama ku mukáu nga mu bhana na-iu.

Jelemiia 46:20

Kangombe ka mukaji ka uabha kinéne, eieʼmuène u Ijitu, maji, tala, kibuika kié kí kiza kiá, kia mu tundila ku suku.

Jelemiia 50:11

Mukonda mua sanguluka, mua tuka-tuka ni kutana, enu mua bhunda-bhunda o undundu uami! Anga mu di nanukisa kala kangombe ka nete, muia ni kuthúlula kala jikabalu ja nguzu.

Hozeia 11:4

Mu ku a kuata, nga a kuata jinga ni uthu, nga a tekula ni henda, mu ku a babata nga di bhange kala kifulu ki tula ni kulembakata, mu pholo iâ; nga a disa jinga.

Hozeia 2:5

Kuma mamʼâ ua te jiphànda; ió uoso ua emitine ua bhange isunji; o ujitu uoso ua di katula-u; mukonda muene uambe, uixi: Eme nga-nda kulandula o jisaii jami, ene mu ngi bhana o mbolo iami, ni menha ami, a ngi bhana o lâ ni linhu iami, a ngi bhana o majiʼami ni maluvu a kúnua.

Hozeia 3:1

Anga Jihova u ngʼambela, uixi: Ndé dingi luamukuá, u zole muhatu, a mu zola kuala kamba dié, suke muene-phe kiuaia, (uene mu ta jiphanda), mukua ni Jihova kia zola anʼa Izalaiele, Sumbala-phe ene a landukila kutala ku jinzambi jengi, a uabhela jimbolo jabhange ni ji-uva.

Hozeia 4:16

Mukonda Izalaiele ua baluka kala ki baluka o mamʼa ngombe; o kiki-phe Jihova ua-nda ku a enga kala kambudi mu kikála kia zanze.

Hozeia 9:1

Kana-phe kutumbujuka ni ngalasa, eie Izalaiele! Kana kukala mu kutana kala o miji ia mukuá kʼejiia Nzambi! Mbata eie Nzambi ié ua mu baluka kala muhatu ua kidianzunga; o futu ia kidianzunga iene i u a fulamena bhu mazanzu oso a kuanekena o tiliku.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Matendelelu 25:4

Ngombe i titidila o masa kana ku i kuta dikanu.