Hozeia 10:1 - O Mikanda Ikola

¹ Izalaiele ua di bhange muvide ua di zandela, uala kuima ngó ibundu phala muene; kia vulu ibundu iê, kiene ue kia di vudixila jikalatódio jê; kala kia uabha oxi iâ, kiene ue kia di iudikila o iteka iâ ia matunda.

Hozeia 10:1 ပူးပေါင်းရင်းမြစ်များ

I Jisobha 14:23

Mbata akua Juda ene uâ a tungu ididi ia matala ma di leka, ni iteka, ni idifua ia jinzambi ja ditutu ku milundu ioso ia di leka ni bhoxi dia miẋi ioso ia uisu ia di zandela.

Jelemiia 11:13

Mukonda kala kia soko o dialuilu dia jinzambi jé, eie Juda, kiene kia soko o jinzambi jé! O kia soko ue o dialuilu dia jinzunga joso ja Jeluzaleme, kiene ue ki ua tungila jikalatódio ku ima ia jisonhi, o jikalatódio ja kuohela uasu ua dizumba kua Bale.

Jelemiia 11:17

Mbata Jihova dia Ilombo leta, ua ku phaphe, muene ua ku xindila divuua, mukonda dia usuéia ua bhange o dibhata dia Izalaiele ni ua dibhata dia Juda, dia di bhangela ene, a ngi lokalala o njinda iami, mu kuohela uasu ua dizumba kua Bale.

Jelemiia 2:28

O jinzambi jé-phe ji ua di iudikila jala kuebhi? ji balumuke se ji tena ku ku kudila bhu kithangana kia ku bhondalala kué: Mbata jinzambi jé, u Juda, ja soka ni ji sanzala jé mu kuvula.

Hozeia 12:11

Ngiliiade manhi ua kambe ikuma? A di bhange-phe lusebu ngó kuabhu. Mu Jidingale ala kusatela jingombe, maji jikalatódio jâ ja di bhange kala jindunji ja matadi a hatu, mu jimbondongolo ja mibhanga ku mábhia.

Hozeia 12:8

Anga u kala mu ku di thatha, uixi: Ni kidi nga kituka ngi mvuama, nga funu jimbongo ja nzungule; maji mu ikalakalu iami ioso ienhiʼii, ki bhuala uà tena ku ngi kuata ni ungulungumba ua kuila kituxi ki nga te, lémbua.

Hozeia 13:15

Ifalaíme né-mbe u zanda anga u bhana ibundu muʼaxaxe ka jiphange jê, hanji-phe, kua keza kitembu kia thunda, kitembu ki tunda kua Jihova, ki balumuka mu kikangalakata anga kiza ni kubanda; kiene kia kà kukutisa otho iê, o dijiia diê di thothuena; o ima ioso ia matunda iala naiu a kà mu bhunda-iu.

Hozeia 13:2

O kiki-phe ituxi ia mu di vuala dingi, a nomona ku phalata iâ anga a di bhangela kiteka kia kuzunza, a di bhangela muene iteka ia solo ku miẋima iâ, iene ioso-phe ima iòkalakale ku maku ma jihete ja ufunu, anga aia ni kuila: Enu mu athu satelenu ku jinzambi jiji, bhanenu jibeju ku tungombe tutu.

Hozeia 13:6

O kiala mu nzungule ia sabhelela, a di, ekuta; o kia zubha kudia ni kuikuta, muẋima uâ ua zangalala, kiene kia a bhekesa o ku ngi jimba eme.

Hozeia 2:10

O kiki lusebu luê ngi lu tadika muene ku mesu ma jisaii jê; kana muthu u tena ku mu kudila bhu lukuaku luami.

Hozeia 2:8

Mbata muene, ki kia mu tetulukila kuma eme nga mu bhele o masa, ni maluvu a kúnua, ni maji; eme nga mu vudixile o phalata ni ulu, ia zangela kua Baale.

Hozeia 3:4

Mbata anʼa Izalaiele a-nda kukala ue muene izuua ia nzungule ka moneka sobha, ka moneka dikota, kene ni sata, kene ni kiteka mu dibhata, mba ngó efodi.

Hozeia 4:7

Kala ene kioso kia di sokolola, kiene ue kia te o ituxi iavulu ko kuami; eme-phe nga-nda ku a lungulula o kijingu kiâ, hé a ka bonga malebhu ni jisonhi.

Hozeia 8:11

Mukonda Ifalaíme ua vudisile jikalatódio, jikalatódio ngó ja kutela ituxi.

Hozeia 8:4

Ene-phe a hingisa jisobha, kana ni eme, kuma ki eme nga ji solo: a di tela ilolo, eme sè ku kiʼjiia; a katula ku phalata iâ ni ku ulu uâ, ia a di iudikila iteka, phala ku di buikisa.

Ijila 26:1

Kana, ki mu di iudikile mahamba, ki mu dʼimikine iteka ia kusonga mba jipholela, o mʼoxi ienu ue ki mu xikike-mu fikula ia ditadi, phala kuenda ni ku i fukamena; mbata Eme-eme ngi Jihova Nzambi ienu.

Nahumu 2:2

Mukonda Jihova ua kʼeza dingi ni unéne ua Jakobo, kala o unéne ua Izalaiele, sumbale abhûndi a bhûnda muene, o mivide ioso anga a i buidisa

II Kolindo 5:16

Uila kiki, ku pholo ku tuia, kana muthu tu mu fika dingi mu imbamba ia xitu. Né-mbe Kristu muène tua mu fika jinga mu xitu, kiki ki kiene dingi ki tu bhanga.

Filipe 2:21

Mukonda akua ene oso a bhindamena ima iâ-ene, ka bhindamena ima ia Jezú Kristu.