Hozeia 1:7 - O Mikanda Ikola

⁷ Inda dibhata dia Juda nga-nda ku mu lendukila, nga-nda ku a bhuluila ku lukuaku lua Jihova Nzambi iâ; kuma ki nga-nda ku a bhulula mu ku a bhángela ni uta ua mufula, ku xibhata ue ki kuene, ku ita ki kuene, ku jikabalu kana, ku akua jimonde ue kana.

Hozeia 1:7 ပူးပေါင်းရင်းမြစ်များ

II Jisobha 19:29

O kiki ki ku kala kijimbuete: O muvu iú anda kúdia ioso ia disabhukila iene; o muvu uiza ioso i tunda ku ngolongo; maji o mu muvu ua katatu, kuuenu mu mune, phaphenu mivide, mu-die ku ibundu iê.

II Jisobha 19:34

Uixi: Mukonda o mbanza iii nga-nda ku i kambuidila, mbé o ku i bhulula mukonda dia jihjenda jami Eme-muène ni mukonda dia henda i nga kuatela mubhikʼami Davidi.

II Jisobha 19:35

Anga ki bhita-phe kuila, mu usuku uenhó, mu kaẋi kà kilômbo kia akua Asídia, o anju ia Jihova ua buikisa-mu hama ni makuinhi nake ni kitanu kia jihulukaji ja athu; o a subhuka-ku kia balumuka mu kimenemene, a mona ngó mikutu ioso imbi mu imbi.

II Jisobha 6:18

Mbata a muʼendela muene, Ilizeu ua sambe kua Ngana, uixi: Nga ku diondo, Ngana, athu iá a kuame ni ufofo. Anga a a kuama ni ufofo, kiene kia tange Ilizeu, kiene.

Jisálamu 33:16

Sobha ka fike kuila kilômbo kia dikota ki mu bhana kulenda; dizonda ue ka di fiiale o nguzu iê iavulu.

Jisálamu 44:7

Maji ua tu bhana o muenhu, eie ua kaia o jinguma jetu; eie ua kuatesa jisonhi kua oso a tu zembe.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 14:30

Kienhiki Jihova kia bhulula Izalaiele mu kizuua kienhókio bhu maku a akua Ijitu; Izalaiele anga a mona ngó o imbi ia akua Ijitu ia takuka bhu ndúndu ia kalunga.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Jelemiia 25:5

Kia tange, kuila: Dielenu, muthu ku njila iê ia ibha ni mu ku ibha kua ibhangelu iê, nda mu tunge mu ixi ia mi bhana Jihova, enu ni jitata jenu, tundé mʼukulu ni ku hádia ni hádia.

Jelemiia 25:6

Ki mu kaiele jinzambi ja ngene phala ku ji bhikila ni ku ji bheza, kana ue ku ngi thathamesa ni ikalakalu ia maku menu, phala ki ngi mi bhange kia ibha.

Jelemiia 33:26

kiene ue, eme nga-nda ku di tuna luvualu lua Jakobo, ni lua Davidi, mubhikʼami, mu kikexilu kia kuila o ku mbutu iâ, ki ngi katula-ku dingi uoso u tumina ku mbutu ia Mbalahamu, ni Izake, ni Jakobo; mukonda ubhika uâ nga-nda ku u bhuisa-ku muene anga ngʼa kuatela henda.

Hozeia 1:8

O kia zubha kusumuna Lo-Luhama, u imita dingi, anga u bhanduluka monʼa diiala.

Hozeia 11:12

Ifalaíme ua ngi kondoloka ni makutu, o Izalaiele uezala ni mangonha; maji Juda hanji ala kutumina ni Nzambi, muene uala fiiele kua Ió Ukôla.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

I Samuuele 17:47

O mundu uoso iú ua bhongoloka bhabha nda u ijiie ue kuila Jihova ka bhulula ni xibhata mba sosá, kuma o ita, ita iangene ia Jihova. Muene lelu ua-nda ku mi bhakula bhu maku metu.