Hozeia 1:4 - O Mikanda Ikola

⁴ Ngana anga u mu ambela, uixi: Mu luke dijina dia Jezelele; mbata bhuanda kubhita ngó kathangana kòfele, manhinga ma Jezelele nga kà mʼebhula ku thanduʼ ʼa diembu dia Jehú, anga o utuminu ua Izalaiele ngi u bhuisa-ku kiá.

Hozeia 1:4 ပူးပေါင်းရင်းမြစ်များ

II Jisobha 10:1

Akabe anga u kala ni makuinhi sambuadi a mona mu Samádia: anga Jehu u soneka mikanda, u i tumikisa mu Samádia ku atumini bu dizelele, ni ku ikulakaji, ni ku iá a kexi ma sasa o ana a Akabe, uixi:

II Jisobha 10:17

O kioso Jehu kia bhijiẋila mu Samádia, ua jibha ene oso a subhukile mu Samádia, a tokala ni Akabe, katé kia a sengulula, kala kia tange o kizuelu kia Jihova, kia zuelela kua Elija.

II Jisobha 15:29

O mu izuua ia Peka, sobha ia Izalaiele, muene mueza Tiglate-Philesele, sobha ia Asídia, iú ua tolola jimbanza ja Inzone ni Abele-Bete-Mahaka, ni Jenoua, ni Kadexi, ni Hazole ni Ngiliiade, ni Ngalileia kumoxi ni ixi ioso ia Nafitali, oso a tungiuie-ma ua ambata iú uai-nâ ku Asídia.

II Jisobha 15:8

Mu muvu ua makuinhi a tatu ni nake a utuminu ua Azadiia, sobha ia Juda, Zakadiia, monʼa Jelobouamu, sobha ia Izalaiele, u tumina mu Samádia, mbeji jisamanu.

Izaía 7:14

Uila kikiphe, Jihova muene, ua-nda ku mi bhana kijimbuete: Talesa, kua kà kala monʼa kilumba, uimita, nʼa vuale monʼa diiala, o dijina diê a kà mu luka Imanuele.

Izaía 8:3

Anga ngiia mu ku di mona ni polofeta ia muhatu, muene iú uemita, anga uvuala mona-diiala; Jihova u ngʼambela uixi: Dijina diê, mu luke Mahele-xalalaxe-baze.

Izaía 9:6

Kuma a tu vualela mona, a tu bhana mona ua diiala; o kutumina a mu tuika-ku bhu isuxi iê, o dijina diê a kà mu luka: Kidiuanau, Ndongixi, Nzambi ia Nguzu, Tata Inangenena, Kilamba kia Paze.

Jelemiia 20:3

Anga ki bhita kuila o kuma ki kuakie Paxulu u jituna Jelemiia bhuʼtolongo. Jelemiia bhenhobho uixi: Jihova ka kuixana kuila eie Paxulu; maji Mangolomisabibi.

Jelemiia 23:2

Uila kiki, Jihova Nzambi ia Izalaiele, uambe kiki ku abidi ala kuinga o mundu uami: Enu mua muanganesa jimbudi jami, enu mua ji kaie, o jene ki mua ji zungila; Jihova-phe uambe: Talesenu, o phekalu ienu iii nga-nda ku mi betela-iu.

Jelemiia 3:8

Kioso-phe ki ngedi suí, mukonda dia ima ioso iii, Izalaiele dia kuẋinuka nga mu senge, kuma ua te jiphanda, eme nga mu bhana lubongo luê lua ku mu senga, maji ki lua kuatesa uoma kua phangiʼé ia muhatu na Juda, o phèke-phèke ioio; maji muene ue uaii, iú ua di te-mu ue ni kubhanga undumbu.

Izekiiele 23:10

O ene ia a mu zula tuxi-a-athakala, o anʼê a mala ni a ahatu a mu ambata-nâ, maji o muene a mu jibha ni xibhata; iú ua fumana muʼaxaxe ka ahetu hi akuâ, iá a mu te mu mimbu.

Izekiiele 23:31

Uendela jinga mu njila ia kota dié; kala kiki o kopho iê-muène eie ue nga-nda ku ku bhana-iu bhu kuaku lué.

Hozeia 1:6

Anga muhatu u imita luamukuá, hé u bhanduluka monʼa muhatu. Nzambi anga u ambela Hozeia, uixi: Mu luke dijina dia Lo-Luhama; kuma o diembu dia Izalaiele ki ngi tona dingi ku di kuatela henda, ni kukuata kuia ni ku a loloka; maji iene ioso nga kà a katula na-iu.

Hozeia 1:9

Nzambi anga u ambela Hozeia, uixi: Mu luke dijina dia Lo-Amí; mbata enu ki muala mu mundu uami, eme uami ki ngi kala dingi ngi Nzambi ienu.

Hozeia 2:13

O izuua ia bheza jinga Baale, nganda ku mu bhela-iu muene o kastiku kê, kia kexe ku mu bhangela o dixi dia dizumba, ni ku mu kembela ni jibixa ni malenge moso, hé uia ni kukaiela o jisaii jê, iu ua ngi landuka jinga, eme ngi Jihova.

Hozeia 2:22

Oxi ue ia kʼevua hé ia kà bhana o masa ni maluvu ni maji; o iá ue a kʼevua nʼa ka bhakuila Jezelele.

Hozeia 9:17

Nzambi iami ua-nda ku a ta kiá dikunda, mukonda ene ka mu xikina ku mu ivua kia zuela. A kʼenda ni kutakujuka ngó muʼaxaxe ka akua jixi jengi.

Amoji 9:8

Uila kiki-phe, mesu a Jihova Nzambi a lungu mu kuzoka ni utuminu uoso uenda ni kubhanga ituxi, katé muene ki a u sengulula kulu dia mundu; inda mu dibhata dia Jakobo, Jihova uixi: Ene oso ki nga kà a buikisa-mu, kana.

Matesu 1:21

Muène uanda kuvuala mona ua diiala, eie u mu luka dijina dia Jezú, mbata muène ua kà bhulula athuʼê ku ituxi iâ.

Luka 1:13

Mukunji anga u mu ambela, uixi: Ku kale ni uôma Zakadiia! Mukonda musambu ué Nzambi ua uivu. Muhatuʼé, Nzebele, ua-ndu ku vualela monʼa diiala, eie u mu luka dijina dia Nzuá.

Luka 1:31

Talesa, ua-ndu kuimita mu vumu dié, hinu u vuala monʼa diiala, u mu luka dijina dia Jezú.

Luka 1:63

Zakadiia anga u bhinga kadibaia ka kusonekena, anga u soneka, uixi: Dijina diê Nzuá. Ene oso anga a diuana!

Nzuá 1:42

Anga u mu bheka kua Jezú. Jezú kia mu tale sûi, uixi: Eie Ximá, monʼ a Jona, tunde lelu a-nda ku ku ixana-phe Kefa.

Josuué 19:18

Mbambe iâ-ene bhobho Jizalaiele, Kesulote, ni Suneme,