Hozeia 1:2 - O Mikanda Ikola

² Ku dimatekenu dia kizuelu kia Jihova kua Hozeia, Jihova uambela Hozeia, uixi: Ndé, sakana muhatu, uoso uejidila undumbu, u vuale-nê ana a undumbu; mbata oxi ia di te mu undumbu ua dikota, o kua Jihova a batukaku.

Hozeia 1:2 ပူးပေါင်းရင်းမြစ်များ

II Malunda 21:13

Maji eie uende mu njila ia jisobha ja Izalaiele, ua bhangesa Juda kubokona mu ufusa kumoxi ni iá a tungu mu Jeluzaleme, kala kiene ufusa uene kiá ua dibhata dia Akabe, eie ua té-ku dingi o kujibha phange jé akua dibhata dia tatʼenu, athu a beta o kuiuka o mixima eie ndenge.

Jisálamu 106:39

Kienhiki kia di bolesa ni imbamba iâ, a di bhange jindumbu mui ibhangelu iâ.

Jisálamu 73:27

Ió-ze a ku baluka eie u Ngana, a solo kutexika; a kà fua muene, oso a tunda bhu kinama kié mu sendukila ima iengi.

Jelemiia 2:13

Mukonda mundu uami abhange ima iiadi iaiibha: edi eme a ngi-xi, ngi otho ia menha ma muenhu, ia a kande ixima, ixima iene ia budika, ia kuata o kubhubha ki ia tena kuxikika menha.

Jelemiia 2:20

Mʼukulu munhá kioso eme ki nga kexile mu kubukujula ophi ié ni kubatujula o mikolo ié, eie uambele, uixi: Ki mungu dingi ngi tondala; sumbala kiene maji leluʼidi ku tuthuthulundu tuoso ni bhu ixina ioso ia mixi ia uisu, ua mu-ia ni ku kotajana mu kubhanga undumbu.

Jelemiia 2:23

Eie uala kuila kiebhi: Eme kana ki nga di kasanesa ki nga xingidisa mahamba a Bale? Talesa o njila ié mu dikolo muná, uijiie kioso ki ua bhange, tongolola-kiu kuma uala u kamelu ka sakalala, ni kuenda jihonda mu njila jê.

Jelemiia 3:9

Anga ki bhita kuma o kia sambuka fenge ia undumbu uê, oxi-phe ua i kasanesa; kuma ua te jiphanda ni matadi ni miẋi.

Izekiiele 6:9

Kienhokio-phe, amoxi-mu mudienu a-nda kua kà ngi lembalala dingi oso a kà bhulaka mu miji iengi ia makanga, kuene kua ambata ku ubhikʼoko; kuma eme nga luuala mukonda dia kubola kua muẋima uâ, ua ngi xisa eme, ni mukonda dia mesu mâ ma landukila undumbu ua iteka iâ. Hádia-phe a-nda ku di kala ni fuokoso eneʼâmuène, mukonda dia kuiibha kuavulu kua bhange mu maufusa mâ moso.

Hozeia 2:7

Phala o muene kia kèla ngi kaiela o jisaii jami, ka tena dingi ku di bonga-nâ; uila u a sota, maji utokoka ku a sanga; bhenhobho-phe anga uila uixi: Ngi vutuka, nga kʼàia kua munumeʼami ua diangele; mukonda, o mʼokulu, nga betele kuzediua ni muene, o kiki kana.

Hozeia 3:1

Anga Jihova u ngʼambela, uixi: Ndé dingi luamukuá, u zole muhatu, a mu zola kuala kamba dié, suke muene-phe kiuaia, (uene mu ta jiphanda), mukua ni Jihova kia zola anʼa Izalaiele, Sumbala-phe ene a landukila kutala ku jinzambi jengi, a uabhela jimbolo jabhange ni ji-uva.

Hozeia 5:3

Eme Ifalaíme nga mu ijiia kiambote, o Izalaiele ue ua di kasanesa.

Marku 1:1

O njimbu iambote ia Jezú Kristu, monʼa Nzambi, ia mateka.

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

II Phetele 2:14

Katena kumona muhatu ku mesu, sè ku muʼandala ku mu bhanga kiaiibha, a lémbua kuzumbuka ku ituxi. Aia ni kunganala oso a tolo kuxikana. A kala ngó mù banza kunganhala kitadi! Ala athu a a bhubhidila kuala Nzambi!

Dijingunuinu 17:5

O bhu dibhomo diê bhuòsoneke dijina, o dijimbuluilu diê dia kasuèkele, exi: Babilónia ia dikota, mama u vuala idianzunga ioso ni oso a bhanga isunji mu ngongo.