Habakuke 3:8 - O Mikanda Ikola

⁸ O kuila, eie Ngana, ua thathamena o jingiji? Mba o jihonga jʼòfele ji ua thathamena, inga o musanza ua kalunga u ua temena, phala eie uendele kiki ku thanduʼa jikabalu jé ku ua mondala ni kuthanduʼa makalu mé ma kutoluela ita.

Habakuke 3:8 ပူးပေါင်းရင်းမြစ်များ

Jisálamu 104:3

O mixi ia inzo ié ia thandu, ua i tula mu menha; o matuta dikalu dié; uendela ku mabhabha ma kitembu.

Jisálamu 114:3

Kalunga kioso ki ka mono, ka mu lenge o pholo; menha ma Njolodá ma vutuka kua tundu.

Jisálamu 114:5

Ihi kia ku kuata, u kalunga ka lenge? ni eie u Njolodá, ua vutuka o menha kua tundu?

Jisálamu 18:10

U endela ku xelube, u tuka hé u bhita bhulu, u diona ku mabhabha ma kitembu.

Jisálamu 45:4

Mondala, uende ni kijingo kié; iene ioso u soke na-iu mu kubhângela o kidi, ni kukuatekesa athu edi ni kulúnga ni kubelesela; lukuaku lué lua dilu lu ku longe kubhanga ima ia undanda.

Jisálamu 68:17

Makalu a Nzambi a ita makuinhi aiadi a midi, ni jimidi ja jimidi ja ndumba; o Ngana uala muʼaxaxi kâ, mukuâ ni mú Sinai, o kididi kiê kia isuma!

Jisálamu 68:4

Imbilenu Nzambi, xikenu mu kuximana o dijina diê; tumbilenu o ikoka iê, mu mikáu ia hatu mu bhitila o dikalu diê; muene dijina diê Jihova; tanenu buoso bhua mi tukulukila.

Jisálamu 77:16

Menha ma ku mono, eie u Nzambi; menha ma ku mono, uôma ua a kuata; katé ni koxi kuazongo kua teketa.

Makatukilu 14:16

eie-phe, zenga o mbangala ié, u sununune o lukuaku lué ku thandu dia kalunga, u ka uanunune mu kaẋi o anʼa Izalaiele a bhite muene mu kaẋi ka kalunga, bhoxi dia kukuta.

Makatukilu 7:19

Jihova anga u ambela Mozé, uixi: Ambela Alá, uixi: Kuata mbangala ié, u sununune lukuaku lué ku thandu dia menha ma Ijitu, ni ala mu jihonga, ni ala mu milombo, ni ala mu mazanga ni mu majiia, ene oso a kituke manhinga; ku kale manhinga mʼoxi ioso ia Ijito ni mu itutu ia miẋi, ni ia matadi.

Makatukilu 7:20

Ni Mozé ni Alá anga a bhanga kala kia a tumu Jihova; Alá anga u zenga o mbangala u beta menha mala mu honga, bhu mesuʼa Falaó, ni bhu mesuʼa akua mbèle iê; menha oso ala mu honga anga a kituka manhinga.

Izaía 19:1

Muzambu ua Ijitu. Talesa koko, Jihova iu uiza, ua di-longo mu dituta dia ngelephephe, ua-nda ku tula mu Ijitu; mahamba ma Ijitu a kà ma tungutisa bhu pholo iê, anga muẋima ua akua-Ijitu ua kà botomoka mʼoxi diâ.

Izaía 50:2

Mukonda diahi, kioso ki ngeza, ki ku moneka muthu? ngʼexana, ki bhuala muthu uetaia? mbé lukuaku luami lua kotanana kiavulu, lú lua lémbua kukula muthu? Inga momuami kana-mu dingi nguzu ia kubhulula? tala-ze, eme se ngi bazela lumoxi ngó, Musanza ua kalunga u kukuta, jingiji jithothuena kala oxi ia kisèkele, anga jimbiji jê ji nuha kibuzu, kuma se ja lémbua menha ji di-fuila ni dinhota.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Nahumu 1:4

Muene u bateka musanza ua kalunga, hé u u kukutisa; o jingiji joso jithothuena; Baxane ni Karmelu, a botomoka, o fololo ia Libano i xoueta.

Habakuke 3:15

Eie-phe, ni tubalu tué, uendela ku thanduʼa kalunga ka musanza ua imenha iavulu kinéne!

Marku 4:39

Muene anga u tona, u kidika o kitembu, he u ambela o menha, uixi: Batamenu mu dixibhe! Kitembu anga ki batama, kuma ku kala kutululuka kua nzungule.

Dijingunuinu 16:12

Anju ia kasamanu anga u lundulula o nganza iê mu honga ia dikota ia Eufalate. Menha mê anga ma kukuta, phala bhu di bhange njila ia jisobha jʼijila ku tundila o dikumbi.

Dijingunuinu 19:11

Anga ngi mona diulu dia jikuka. Ngedi ngi tala, kua moneka kabalu kazela, o ua xikama-ku a mu ixana Fiiele, a mu ixana Kidi. Muène u fundisa mu kidi, u lua ita mu uiukilu uê.

Dijingunuinu 19:14

O ifuẋi ia makuenze iene mu diulu, anga i mu kaiela, a mondala jikabalu jizela, a zuata linhu ia fina, iazele, iauabha kiambote.

Dijingunuinu 6:2

Ngedi ngi tala, kua moneka kabalu kazela. O ua mondala-ku ua kuata mufula, muène anga a mu bhana kitundu kia ungana. Hé u tunda ni uzonda ua kuia ni kùlua ni kutolola.