Habakuke 3:2 - O Mikanda Ikola

² Jihova ngevu, maka mé mu uazuela, o uoma iu ua ngi kuata! Kikalakalu kié u Jihova, bhana-kiu dingi muenhu ku mivu ioso, o i uazuela enda ni ku i ijidisa dingi ku mivu ni mivu; kioso ki u thathamana jinga lembalala, Ngana, o kulenduka kué!

Habakuke 3:2 ပူးပေါင်းရင်းမြစ်များ

Ejidala 9:8

Kiki-phe, mu kakithangana kòfele, kua tu tukulukila kiadi ku mbandu ia Jihova, Nzambi ietu, phala ku tuehela amoxi-mu kusutunuka, ni kutuimika kiambte bhu kididi kiê kikôla, ni ku tu bhana kidimba; phala ku tu muikina o mesu, eie u Nzambi ietu, ni ku tu bhana hanji kamuenhu kòfele mu ubhika uetu.

Jobe 42:5

Ngana, ki nga kuijidile kiambote, nga kuívua jinga ngó ni mátui mami; maji o kiki, mesuʼami ala ku ku mona.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 25:6

Xinganeka, Jihova, jihenda jé ni jimbote jé; mukonda jene ji uene na-ju tunde dia tunde.

Jisálamu 38:1

Jihova, tata, kana ku ngi bazela ni kutema; kana ku ngi beta ni kuthathamana.

Jisálamu 44:1

Etu tua kʼivila jinga mu mátui metu, Ngana Nzambi, jitata jetu ja kexe ku tu tangela o malunda, kioso eie ki ua kalakala jinga mu izuua ia ene, mu izuua ia xahulu.

Jisálamu 71:20

Eie ua ngi bhitisa mu jiphaxi ni malamba a vula matelu, eie ua ngi zangumuna dingi, ua ngi bhe muenhu uobhe; ua ngi zaukisa muene mu bòmbo dia kalunga!

Jisálamu 78:38

Muene-phe mu kulenduka kuê, u a loloka o kubhukumuka kuâ, ka ẋikina ku a buikisa; u ki bhanga, u tona, kia kusosolola o njinda iê, né ua vunzuka ni kutema kuê, ka zubha.

Jisálamu 85:6

Manhi ngué ku tu phaphumuna dingi, phala o povo ié nʼa kale mu sangulukila ko kué?

Izaía 53:1

Nanhi ua xikana o maka metu? Nanhi muene kua mu tukulukila o lukuaku lua Jihova?

Izaía 54:8

Mu kutema kuavulu nga ku suekela pholo iami mu kathangana kòfele; maji nga-nda ku ku lendukila ni henda ki iene kúbhua; kiene kia zuela Jihova, Mukudi ué.

Izaía 63:15

Ividila tundé ku maúluʼoko, u tale kunu tundé bhu kididi kié kiangene bhu ua tunga. Muanu ué Ngana uala kuebhi, ni ikalakalu ia uzonda ué? o kulenduka kua muẋima ué ni jihenda jé ji kale ni eme!

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Jelemiia 10:24

Ngi bete, eie u Jihova, maji u ngi fikixila, kana kia fuama mu njinda ié, phala ku ngi jime o mbutu.

Jelemiia 10:7

Eie u Muenexi uavu ifuẋi ioso, mukuahi muene u kamba ku ku kuatela o uoma? Kuma eie ngó ua fuama ku ku kuatela o uoma; mbata muʼaxaxi ka jinjimu joso ja akua jixi, ni mu mautuminu mâ, kana-mu ua di fuangana nʼeie.

Jelemiia 29:10

Mukonda Jihova uambe kiki: Ni kidi kiene, hádia ki mu zubha kutenesa makuinhi sambuadi a mivu mu Babilonha, nga-nda ku mi zungila, o kizuelu kiami kiambote kokuenu, nga-nda ku ki kumbidila muene, hé ngi tona ku mi bheka dingi bhu kididi kiki.

Jelemiia 46:28

Eie ku kale ni uoma, mubhikʼami Jakobo, Jihova ua ki tange, uexi: mukonda eme ngala ni eie; mbata miji ioso mu nga ku takuila, nga-nda ku a jima o mbutu; maji eie phe, ki nga-nda ku ku jikinisa, inda nga-nda ku ku bhana kaxtiku ké mu kizongelu kia tokala, kuma ki nga-nda ku kuila ngixi mu mulonga eie ue uabhu-mu muene.

Kuditenda 3:32

Kuma, né kia beta muthu hé u mu bheka mu lamba, sai bhua-nda ku mu lendukila, kuma ukaiela kia soko o nzungule ia jihenda jê.

Daniiele 8:17

Muene ueza bhua zukama ni bhu ngala eme; o kia mu kuiza muene kiki, uôma ua ngi kuata, nga di-ṗhudika pholo bhoxi. Muene-phe ua ngʼambela, uexi: Tongoloka, monʼa muthu, kuma kisuma kiki kia kà di kumbidila ku dizubhilu dia thembu.

Daniiele 9:2

Mu muvu uene uadiangʼó ua utuminu uê, eme ngi Daniiele, mu kutongolola mu madivulu, nga sange kuma mivu ia tanga Jihova, kua polofeta Jelemiia, kuma iene mivu ia tokala kukumbidila o kibuika kia Jeluzaleme; ua i xinda makuinhi sambuadi.

Habakuke 3:1

Musambu ua polofeta Habakuke, uila kala ua-lu kuimba, uixi:

Habakuke 3:16

Eme mu ku kʼivua, mu mala mua ngi bunguluka, mizumbu iami ia nguenguena mu kuívua o kilungutu kia dízui diâ; kilukutu kia kubola kia ngi bokona mu ifuba iami, anga moxiʼomo ngi kala mù teketa mudiʼami; nga-nda kunhoha anga ngʼila muene hudí mu kukinga o kizuua kia malamba mâ, Ngana kià kʼèjila o povo iene kusot, o ku tu jikinisa.

Zakadiia 1:12

Bheneʼobho, o anju ia Jihova u vutula, uixi: Eie Jihova dia Ifuẋi, tata, katé bhebhi uà kamba ku kuatela henda ia Jeluzaleme ni jimbonge ja Juda, ji ua lungulukila ni kuthathamana Eie ua ji luualela mu makuinhi sambuadi a mivu osoʼâ?

Nzuá 10:10

O muíi uiza ngó mu kunhana, ni kujibha, ni kumuanga. Maji eme ngeza, phala o jimbudi ji kale ni muenhu, ji bhanduluke kiavulu.

Loma 10:16

Maji ene oso-phe kà sokela-ku mu kutambulula o Jingolokela Jambote. Kuma ni Izaia, uixi: Ngana, nanhi ua xikana o hundu ietu?

Filipe 1:6

Kuma ngedi ni kudielela kima kiki, kuila: O Nzambi, ua mi andekela o kikalakalu kiambotʼiki mu mienhu ienu, uanda ku mi zubhila-kiu katé bhu kizuua kia Jezú Kristu.

Jihebeleu 11:7

Kiejila mu kuxikana, Noué kia mu dimuna kuala Nzambi, ku ima ianda kubhita, o iene kiluua i moneka. Noué anga u tumaka Nzambi, hé u tunga álaka, ia mu bhulula muène ni akua bhata diê. Mu kubhanga kiki anga u belesa o mundu uoso, hé u tambula kua Nzambi o kuiuka kuijiia mu kuxikana.

Jihebeleu 12:21

O kisuma kiokio kia kexi ku mona, kia a bhekelele uoma, katé ni Mozé, uixi: Nga mu teketa kiavulu ni uoma!

Dijingunuinu 15:4

Nanhi u kamba kukala ni uôma ué, eie Ngana? Uebhi, Ngana, ka mesena kutanga o unéne ué? Mukonda eie-muène ngó ubheka ué ukôla! Akua jixi joso a kèza bhu pholo ié mu ku ku ximana, mbata o ikalkalu ié iaiuka, athu enhoso a mu i mona.