Habakuke 2:9 - O Mikanda Ikola

⁹ Lamba dia muthu uoso u izalesa mʼonzo iê ni jimbote ja tundu mu nganhu ia kubhanga kiaiibha, phala nʼa tena kuta o kikalanga kiê bhua di leka kinéne, phala ngó nʼa tena ku di sukununa bhu lukuaku lua kubhindama ki mu tundila o hadi iene ku mundu!

Habakuke 2:9 ပူးပေါင်းရင်းမြစ်များ

Jisálamu 49:11

Moxi dia muẋima uâ-phe, a fika kuma o jinzo jâ ki ji budika dingi, o jixi jâ a ji luka o majina mâ-ene.

Jisálamu 52:7

Diene-ze o diiala dia ditunu Nzambiʼidi, mù kala kimbaka kiê; iu ua di fiiala o jimbongo jê kuvula, hé u di fikidila mu usuéia uê.

Izaía 28:15

Enu, kuma muambe, muixi: Kalungʼangombe tua bangana-nê, o inferno tuate na-iu kikutu kia ukamba; kioso kia-nda kuiza divuua dia kibeto kala mvula ia dilúvio, etu ki kia-nda ku tu bhixila, kana; kuma dilengelu dietu o makutu, disuamenu dietu o kudinga o kidi.

Izaía 5:8

Lamba diâ oso a bandekeza jinzu ku thandu dia jinzu ku mukombo, mábhia ku thandu dia mábhia, katé ididi ioso a i tambula, nʼa kale ene ngó a tungu mu ixi.

Jelemiia 17:11

Mukua ni nguadi uongeka maiaki, sè ku ma langela; kiene ue ki kala o muthu u bhongolola jimbongo, ja tambula ngó kioso-kioso; o kia bhixila mu kaxi ka izuua iê u ji xa, o ku dizubhilu diê u kituka kioua.

Jelemiia 22:23

Eie ua tunga mu Libanu, eie ua-te kikalanga mu misédulu! O kia-nda ku ku kuata o mika, ni misusu kala ia muhatu uala ku isenda, ua-nda ku di uana!

Jelemiia 49:16

O ku dizangeleka kué ni ku di temeneka kua muẋima ué kua ku nganala kiavulu. Eie ua tunga mu mabànda ku matadi, ua tulama bhu thala dia milundu, né-mbé kikalanga kié u ki ta bhua dileka kala holokoko, hanji, kuenhoko kuene ku nga-nda ku ku lundumuna, Jihova ua ki tange.

Jelemiia 51:13

Eie, tata! Ua tunga ku thandu dia menha ma ndumba, uezala ni jimbongo ja vulu! Zubhilu dié dia bhixila, kala o kizongelu kia unjenje ué!

Jelemiia 51:53

Mukonda nê-mbe hanji o Babilonha u banda katé ku diulu mba u kolesa o kitala kia kimbaka kiê, kokuami muene hanji kuene ku tunda oso a mu tulukila phala ku mu muanga, Jihova ua kiʼambe.

Izekiiele 22:27

O adiakime, mu kaxi kâ, edi kala imbùngu ia xikamena ku kuata mbole, mbé kuzunzumuna o manhinga, phala kusengulula mienhu, ni kukaiejela o unjenge.

Obadiia 1:4

Né u di leka kala holokoko, ni u te kikalanga kié mu jithéthembua, kuenhoko nga kà ku lundumuna-ku, kiene kiambe Ngana.

Juda 1:11

Lamba diâ! Kuma a kaiela mu njila ia Kaini! Mukonda dia luimbi lua kitadi, a texikila mu kutondala kua Balamu, ua bhindamenéne o nganhu! A buikila mu kuxibhaka kala Kola kia xibhakele iú ua buika.