Habakuke 2:8 - O Mikanda Ikola

⁸ Kala ki ua bhûnda jinga ku miji iavulu, enʼoso ku mundu a kà ku bhûnda ue eie; mukonda dia manhinga ma athu mu ua bhubhisa, ni kutatesa ku ua tatesa jinga na-ku o jixi, ni mabhata, ni oso kiá a tungu momo.

Habakuke 2:8 ပူးပေါင်းရင်းမြစ်များ

Jisálamu 137:8

Eie-phe ue u Babilónha, hinu a ku bhanga-kiu; u lungê ió uoso u ku bhanga ki ua tu bhange etu.

Jisabhu 22:23

Kuma Jihova ua-nda ku mu bhângela mvunda iê; oso-phe a mu bhundile kiki, muene ua kà a katula o muenhu.

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Izaía 33:4

Kiene kiua kia-nda kua kà bhongolola o madibhundila u mua xi bhoxi, mukuâ ni kia bhongolola o kabótua; kala ki tuka-tuka o mahoho, kiene ue kia kà tuka-tuka athu bhenhobho.

Izaía 47:6

Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Jelemiia 27:7

Jixi joso ja kà mu bhikila muene, ni monʼê, ni monʼa monʼê, katé ue kia kà bhixila kizuua kia ixi iê-muène-muene ku di uanena-iu kuala jixi ja vulu ni jisobha ja makota.

Jelemiia 30:16

Maji oso-phe a kúdia eie, ene a-nda kua kà diua uâ; o jinguma jé joso a-nda kuia ku ubhika ene oso; oso a ku nhana eie ene a-nda ku a nhana ue; oso a ku bhunda eme ue nga-nda ku a bhakula mu kubhunda kuene.

Jelemiia 50:14

Anuʼenuʼoso muʼoleka o mufula, di iudikienu phala Babilonha mu mu kondoloke; mu muʼasa muene, misongo kana ku i mamena, mukonda ua te kituxi kua Jihova.

Jelemiia 50:28

Dienhidi diene o dízui dia iá a lenge, ia a bhulaka mu ixi ia Babilonha, mbé nʼa di jimbule mu Ziione o phonzo ia Jihova, Nzambi ietu, o phonzo ia Tembulu iê.

Jelemiia 50:37

O xibhata ia-nda kuiza ku thandu dia jikabalu jâ ni ku thandu dia makalu mâ ni ku thandu dia kifuẋi kia athu a di bundu kumoxi mu kaxi kâ; ene-phe a kà di bhanga kala ahetu; xibhata ia-nda kuiza ku thandu dia jimbongo jâ, a kà ji bhunda-bhunda.

Jelemiia 51:13

Eie, tata! Ua tunga ku thandu dia menha ma ndumba, uezala ni jimbongo ja vulu! Zubhilu dié dia bhixila, kala o kizongelu kia unjenje ué!

Jelemiia 51:24

Anga mua kà ki mona ku mesuʼenu, kioso Babilonha ni ene oso a tungu mu Kaldeia, ki nga-nda ku a futa o ufusa uâ uoso ua bhanga jinga mu Ziione, Jihova ua ki tange.

Jelemiia 51:44

Hádia Bele mu Babilonha, nga-nda ku mu zungila, o ioso ia minha mu kanu diê nga-nda ku mu katula-iu, akua jixi ki mungu dingi aia ni kuia kokué; o kimbaka ue kia Babilonha kia di bhale.

Jelemiia 51:48

Ni diulu ni ixi, ni ioso iala na-iu, ia kà tana mu ku mona Babilonha; mukonda ku suku kuene kua-nda ku muʼijila oso a-nda ku mu muangamuanga, Jihova ua ki tange.

Jelemiia 51:8

Maji mu kithangana kimoxi, Babilonha ua di bhale iú ua senguluka; mu didienu, mu kuate maji ma dizumba mbé o misusu iê, sumba u di sanza.

Izekiiele 28:16

Mukonda dia kusokoloka kua mauenji mé, moxi dié mua kuizala ni kusuina, eie ua te o kituxi; mukonda dia kiki, ua di jingununa, ku mulundu ua Nzambi nga-nda ku ku lundumuna-ku, o mu matadi a lekujuka nga-nda ku ku jimisa-mu, eie u xelube ia mubhangedi.

Izekiiele 39:10

Kà kʼeza dingi ni jihuinhi mu ditutu, mba a kà ẋanga mu mixitu, maji o mata ene kiá a kà uika-na-u o túbhia; hé a kʼènda ni kunhana kua ió oso a a nhana jinga ène, anga a kà bhûnda ue kua ió oso a a bhûnda jinga ène, kuma Jihova Nzambi ua ki tange.

Amoji 3:10

Mukonda ku bhanga kia iuka a ki tokoka kala kiambe Jihova, o mu mazemba mâ a sueka-mu kusuína ni kusenguluka.

Obadiia 1:15

Mbata o kizuua kia Ngana kia zukama ku thandu dia mundu uoso ua akua jixi jengi; kioso ue ki ua bhanga eie, kiene muene ue kia kà ku vutuila. O futu ia kuiibha kué ku ua bhange, iene ia kà ku vutukila ku thandu dia mútue ué muene.

Habakuke 2:10

O ki ua bhangʼiki, inzu ié ua i bhekela jisonhi; eʼmuene mu kubuikisa o mundu ua nzungule iú, ua te kituxi ku muenhu ué.

Habakuke 2:17

Mukonda o usuéia ua bhange kua Libanu ua kà ku vungina eie, o kia buidisa o iama ia misalanganda kia kà ku bhekela uoma; mukonda dia manhinga ma bhubhisa ma athu ni usuéia uavulu ua bhange kulu dia mundu, ni mu jimbanza, ni ku athu oso kiá atungu-mu.

Zakadiia 1:15

Maji ni njinda ia vulu-phe, nga thathamena miji iene mu ku di dielela ienʼiê, kuma kioso eme ki nga thathamena Izalaiele bhuofèle ngó, ene a suina dingi mu kubhanga kiaiibha.

Zakadiia 14:12

O dibhebhu, Jihova dia-nda kuà kà jikinisa na-diu akua jixi oso alu ita ni Jeluzaleme, dienhidi: Xitu iâ ia kà sekumuka ku mukutu kuila ene hanji emana; mesuʼâ a kà bolela mu mútue; o dimi diâ, mu kanu, dia kà lutuka.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?