Habakuke 2:6 - O Mikanda Ikola

⁶ Ene osoʼá ka ka mu balumukina ni a mu tele o Sabhu ni kizuelu kiasuina mu ku muila, exi: Kokolo dia ió uoso u di sokoluela o mbote ni ima iangene ki ia mu tokala! Katé bhebhi, tata! Xi, lamba dia ió uoso u di vudixila o makongo!

Habakuke 2:6 ပူးပေါင်းရင်းမြစ်များ

Jisálamu 94:3

U Jihova, tata, mbambe bhebhi bhu suka enhó abhukumuka, ni kusangulukila mu kubhuma kuâ?

Jisabhu 22:16

Uoso u bhondeleka o ngadiama, phala ku di bhanga muene, ni uoso u bhakuila o mvama, ki bhuala phata, hinu u biluka ngadiama.

Izaía 10:13

Mukonda uambe, uixi: O kiki nga ki bhange ni nguzu ia lukuaku luami, ni mu kuijiia kuami, kuma ngi muthu nga tongoloka; eme nga sondolola o jimbambe ja ifuẋi, o jimbongo jâ nga a nhana-ju, ni uzonda uami nga buikisa a xikamene ku iandu ia ungana.

Izaía 44:20

Lémbue: ukuata ku di-dikila ni uthôkua; muẋima uê ua juuala uene ua mu luezesa; bhua telʼobho ka tena dingi kubhulula o muenhu uê, mba kuila: Mbé bhu lukuaku luami lua kúdia ki bhuala makutu?

Izaía 5:8

Lamba diâ oso a bandekeza jinzu ku thandu dia jinzu ku mukombo, mábhia ku thandu dia mábhia, katé ididi ioso a i tambula, nʼa kale ene ngó a tungu mu ixi.

Izaía 55:2

Kitadi kienu mua mu ki zangela-hi ku ima ia ngoho ki kúdia? O ima i tunda mu ikalakalu ia maku menu anga mu i zangela ngoho mu ioio ki i tena kuikutisa? Kuatenu kilunji mu ngʼivue, nda mu die kiauabha, o muenhu uenu u tane ni ima ianete.

Jelemiia 17:11

Mukua ni nguadi uongeka maiaki, sè ku ma langela; kiene ue ki kala o muthu u bhongolola jimbongo, ja tambula ngó kioso-kioso; o kia bhixila mu kaxi ka izuua iê u ji xa, o ku dizubhilu diê u kituka kioua.

Jelemiia 29:22

Phala enhoso ai ku ubhika a tundu mua Juda iá ai ku Babilonha, a katuile-ku mázui, kiela: Jihova a ku bhange kala kia Zedekiia ni kia Ahabe a a zuzile ku túbhia kuala sobha ia Babilonha.

Jelemiia 50:13

Mukonda dia njinda ia Jihova, ki mua kà kala muthu u tunga-mu, maji ia kà kituka ixi ia kibuika ngó, kuabhu; uoso u bhita mu Babilonha ua kà diuana, anga u xika muixi kia mona o mabhebhu mê moso.

Izekiiele 32:21

O iá, imazonda ia beta o nguzu, ianda ku mu zuelela tundé mu kaxi diʼalunga, kumoxi ni ió ala mu ku mu banda; a tuluka, iá ala muʼaxaxe ka akua mabôlo a a tubujula ni xibhata.

Mikeia 2:4

Mu kizuuʼokio a ka mi tela kixanga ni ngololo ia kudila, exi: Tua kakuka, tua suku! Ua mono ni mbandu ia tokala akua muiji uami, muene iú u i lungulula! Tala kia ngi bomona! mikáu ietu ua tu tambula-iu, iu uala ku i uanena athu engi!

Habakuke 1:15

Ene oso muene nguma u a zangumuna ni nzolo iê, u a komba ni uanda uê anga u a kuata muene; mu kienhiki muene uàkala mu kutana ni kusanguluka kiavulu.

Habakuke 2:12

Kokolo dia uoso u tunga o mbonge ni manhinga, ua bhingi mu kumateka kutunga o dibhata u di mateka ni phulu!

Habakuke 2:13

Abha, ki kiejila kua Jihova dia Ifuẋi, kia kuila o mundu ukalakala ngó phala túbhia, o ifuẋi iʼathu na iokojoke mu kingoho?

Dialuilu 23:18

Anga u kuata kifika kiê uixi: Balumuka, Balake, uívue; bhulakana, u Zipolo dia mona.

Dialuilu 23:7

Anga u kuata kifika kiê, uixi: Balake dia sobha ia Mouabhe ua ngi takana ku Alame, Mouabhe ua ngi kolomona muene ku milundu ia thunda, uixi: Zá u ngi bhubhidile Jakobo, uta muene mázui kua Izalaiele.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

I Phetele 4:7

Disukilu-phe dia ima ioso dia zukama. Kuatenu-phe kilunji, mu kale ku mesu azele, mu kale mù samba.