Habakuke 2:3 - O Mikanda Ikola

³ Mukonda kisunji kiki kia-nda kubhita bhu thembu ia tokala, ni kidi muene kuma bhu thembu iaxindi kia kà bhita muene, ki ki fulu, kana; se ua mono kia laleka mu kuiza, eie-phe kinga na-kiu, kuma ni kidi muene kia kà bhita, ki kia-nda ku kokoloka, kana.

Habakuke 2:3 ပူးပေါင်းရင်းမြစ်များ

II Jisobha 6:33

Kioso muene hanhi kiʼala mu kuzuela-nâ, tala, o phunga i tula, iala mu ku tuluka kua muene; hé uila, uixi: Tala, o kuiibha kuku kua tundu kua Jihova, kima kiahi-phe dingi kia kinga kua muene?

Jisálamu 102:13

Sai bhuoso hinu bhu u balumukina, mù kuata henda ia Ziione; kuma thembu ieza-bhu ia ku mu xinganeka, ua bhixila kiá bhu thembu i ua mu xindi.

Jisálamu 27:14

Ngana, se kua mu mono, mu kinge; kolokota, muẋima u kuate nguzu iobhe; nga ku ambela muene, Ngana se kua mu mono, mu kinge.

Makatukilu 12:41

O mu kukala-kukala-phe, kiabhu o hama jiuana ja muvu ni makuinhi atatu, mu kizuua kienhókio muene, kiene kia tundu o ilombo ioso ia Jihova mu Ijitu.

Izaía 30:18

Kiene-phe kia-nda ku kingila Jihova ku mi kuatela henda; kiene kianda ku mi zangumuina phala ku mi lendukila, mukonda Jihova uene Nzambi ia kutetuluka; azediua oso a kinga kua Muene.

Izaía 7:4

U mu ambela kuila: Aiuka, u ximbakate, ku kale ni uoma, ku bhuile muẋima ki u mona o tu-iẋinji tuiadi tua ibunji ia mu xongota, mukonda dia kutemanana kua njinda ia Lejime sobha ia Sídia, ni ia monʼa Lemadiia.

Izaía 8:17

Eme ngi dielela kua Jihova, muene ngi mu xikamena, sumbala o dibhata dia Jakobo ua a suekela o pholo.

Jelemiia 27:7

Jixi joso ja kà mu bhikila muene, ni monʼê, ni monʼa monʼê, katé ue kia kà bhixila kizuua kia ixi iê-muène-muene ku di uanena-iu kuala jixi ja vulu ni jisobha ja makota.

Izekiiele 12:25

Mbata eme, ngi Ngana, nga kà zuela, o kizuelu ki ngi zuela eme kia kà di-bhanga muene; ki kia kà kokoloka dingi; kuma mu izuua ienu muene, enu mu dibhata dia xinuka, muene mu nga kà zuela o kima, anga ngi ki kumbidila muene, Ngana dia Jihova ua ki tange.

Izekiiele 30:9

Mu kizuuʼomo o jiphunga a kʼèndela mu jinaviiu, a mu tunda bhu pholo iami phala kuia mu kusasumuisa na Itiiópia ua di jimbi, anga momuʼâ mua kà kala misusu ia dikota kala bhu kumbi dia Ijitu; kuma, tala-ze, ki kʼiza kiá.

Daniiele 10:14

O kiki ngeza ku ku ijidisa kioso kia-nda kubhita na-kiu o mundu ué, mu izuua i sukidila-ku; mbata kisuma kiki, kia mu tanga ima ia kʼèza ku hádia.

Daniiele 11:27

O jingana ue jiiadi jenhiji, a-nda kuta muẋima mu kubhanga phulu, o ku meza ku a xikama a di tangela makutu mu kusota ku di nganala muthu ni mukuá. Maji o kubhanduluka kà ku mona, kuma o ki a bhindamena ene kiòxindile ni thembu iê ia tokala.

Daniiele 11:35

Amoxi ku athu a tetuluka kilunji a kà dibhala, mbé o ku a lola kujiza kuâ phala ku a eẋika ni ku a zelesa-phe, katé bhua kà bhuila o kithangana, mukonda o thembu ia dizubhilu ki iza, katé bhu kithangana kiê kioso kia tokala kia i xindi.

Daniiele 8:17

Muene ueza bhua zukama ni bhu ngala eme; o kia mu kuiza muene kiki, uôma ua ngi kuata, nga di-ṗhudika pholo bhoxi. Muene-phe ua ngʼambela, uexi: Tongoloka, monʼa muthu, kuma kisuma kiki kia kà di kumbidila ku dizubhilu dia thembu.

Daniiele 8:19

Uixi-phe: Talesa, ngi ku idikiza kioso kia ká bhita bhu thembu ia sukidila-ku ia njinda. Mbata o dizubhilu, sai thembu iê ia tokala, bhua di xindila.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Mikeia 7:7

Eme-phe o Jihova muene-muène nga kà mu kinga, nga ka kinga kua Nzambi ia ubhulukilu uami; Nzambi iami ua kà ngʼivua.

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Luka 2:25

Kiki ku kala mu Jeluzaleme diiala diexana Ximinhá. Muenió muthu ua mbote, ua zola Nzambi; ua kexile ue mù kinga Kibhamuenhu kia Izalaiele, ni Nzumbi Ikôla ia mu tula ku thandu diê.

Jipoxolo 1:7

Kuala muène: Enu ka mi bhana-kiu, o kuijiia jithembu ni kizuua kia xindi Tata mu kutena kuê-muène.

Jipoxolo 17:26

Akua jixi joso mu ngongo ua a bhange ku mbutu ia muthu umoxi, phala kutunga kʼulu dia mundu. Muène-muène ua a xindila o jithembu jâ, ni jimbambe ja madiembu.

Ngalásia 4:2

Kioso ki ala hanji monandenge, u kala ni athu a mu tambula konda ni ku mu sasa ni ku mu bhangela o mauenji katé kia bhixila bhu kizuua kia mu xindi tatʼâ.

II Phetele 2:3

O mu luimbi luâ lua kitadi ni kuzuela kuâ kua ku di dinga, a kà mi ta uenji. Enhó tunde okulu o kuêla kuâ ki ku kokoloka, o kubuika kuâ ki ku zeka!

II Phetele 3:9

Ngana kala ni kaxixi mu kubhitisa kizuelu kiê, uila amoxi ki a mu fika kaxixi. Oko ki kiene, kuma enu-phe a mi xididikila, mukonda muène ka mesena kuila ku kala muthu u texika, mbata ua mesena ene oso eza mu kudiela.