Habakuke 2:20 - O Mikanda Ikola

²⁰ Jihova-phe uenʼiê mu Tembulu iê ikôla; ixi ioso i dixibhe bhu pholo iê.

Habakuke 2:20 ပူးပေါင်းရင်းမြစ်များ

Jobe 37:20

Sai muthu uia kua muene ni ku mu tangela i ngene mu zuela? Inga o kiki kieju kala kala kuinda kuila muthu a mu sana-sana?

Jisálamu 11:4

Jihova-phe uala hanji mu Tembulu ie ikôla; Jihova kiandu kiê kia xikama ku diulu; mesuʼê a tono muene ni kengelela, o ibhebhetela iê iala mù tonginina kiambote anʼatu mu ngongo.

Jisálamu 115:3

Etu Nzambi ietu-phe uene mu diulu; mukua kubhanga ioso iandala.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Izaía 41:1

Enu mu ikolo, dixibhienu bhu pholo iami, enu mu mundu endenu ni kusunga nguzu iobhe. Bhiẋilenu mu zuele: tu zukamienu kumoxi tu di-tetulule.

Izaía 6:1

Muvu uafu sobha Uziia, nga mono Jihova ua xikama bhu kiandu kia lebha, kia di-leka; o kilômbo kia makuenze mê, anga kizalesa o Tembulu.

Izaía 66:1

Jihova uambe kiki: O diulu kiandu kiami, oxi kibhuna kia inama iami; enu mu ngi tungila onzo ia kidifua kiahi? Kididi ki kuebhi ki ngi nhohena?

Izaía 66:6

Mu mbanza mumu mua-nda kutunda dízui dia kibulukutu, mu Tembulu mu di tunda, diene dízui dia Jihova, dia-nda ku bhana futu ku jinguma jê.

Jona 2:4

Eme-phe ngʼambele kiá, ngixi: A ngi texi kiá ku mesu mé; manhi hanji nga kà mona dingi o Tembulu ié ikôla?

Jona 2:7

Kioso muenhu uami moxi ki ua botomoka, eme nga lembalala dingi Jihova; o musambu ua kudikola kuami ua bhiẋila kó kué mu Tembulu ié ikôla.

Mikeia 1:2

Ivuenu enu oso mu ifuẋi, bhana mátui eie u ixi ni ima iê ioso iala-mu mu kuzanza kuê kuoso, o Jihova Nzambi a mi kalele mbangi ia ku mi bhanga kiaiibha tunde bhu kididi kiê kia ku mu bhezela ki kôla.

Habakuke 3:1

Musambu ua polofeta Habakuke, uila kala ua-lu kuimba, uixi:

Sofoniia 1:7

Eie-phe ximbakata bhu pholo ia Jihova Nzambi ié, kuma kizuua kia Jihova kia zukama. Mukonda Jihova ua iudika kiá o sata iê, iú ua zelesa asonhi oso a exana kuala muene.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.